Kashmir Pandit:ଗଡୁଛି ମୁଣ୍ଡ ,କିଏ ଦେବ ସୁରକ୍ଷା ?

ମୁମ୍ବାଇ : ବଲିଉଡର ପ୍ରସିଦ୍ଧ କଳାକାର ଅନୁପମ ଖେର, ଯିଏକି ଜଣେ ଭିଲେନ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଆଜି ତାଙ୍କ ତାଲିକାରେ ଅନେକ ଚମତ୍କାର ଚଳଚ୍ଚିତ୍ର ଯୋଡି ହୋଇଛି । ଅନୁପମ ଖେରଙ୍କ ଫିଲ୍ମ ‘କାଶ୍ମୀର ଫାଇଲ’ କାଶ୍ମୀର ପଣ୍ଡିତଙ୍କ ଜୀବନ ସହିତ ଅତି ନିକଟତର। ଏହି ଚଳଚ୍ଚିତ୍ରରେ ତାଙ୍କ ଚରିତ୍ରକୁ କାଶ୍ମୀରୀ ପଣ୍ଡିତ ଭାବରେ ଦର୍ଶାଯାଇଥିଲା। ନିକଟରେ, ଅଗଷ୍ଟ ୧୬ ରେ,କାଶ୍ମୀରୀ ପଣ୍ଡିତଙ୍କ ହତ୍ୟା ଖବର ପୁଣି ସାମ୍ନାକୁ ଆସିଥିଲା। ଏପରି ପରିସ୍ଥିତିରେ ଅନୁପମ ଖେରଙ୍କ ତାଙ୍କ ପ୍ରତିକ୍ରିୟା ପ୍ରକାଶ କରିଛନ୍ତି ଏବଂ ଏହି ଘଟଣା ଆତଙ୍କ ଉପରେ ଖୁବ ପ୍ରଭାବ ପକେଇଛି ବୋଲି ପ୍ରତିକ୍ରିୟା ରେ ସେ ପ୍ରକାଶ କରିଥିଲେ।

ସୂଚନାମୁତାବକ ମଙ୍ଗଳବାର ଦିନ ଜାମ୍ମୁ କାଶ୍ମୀରର ଶୋପିଆନ୍ ଅଞ୍ଚଳରେ ଆତଙ୍କବାଦୀମାନେ ଆକ୍ରମଣ କରିଥିଲେ। ଏହି ଆକ୍ରମଣରେ କାଶ୍ମୀର ପଣ୍ଡିତଙ୍କ ମୃତ୍ୟୁ ଘଟିଛି। ମୃତକଙ୍କ ନାମ ସୁନୀଲ ଭଟ ଏବଂ ଅନ୍ୟ ଜଣେ ବ୍ୟକ୍ତିଙ୍କ ସହ ଆହତ ହୋଇଥିବା ସୂଚନା ମିଳିଛି। ଏହି ଘଟଣାର ସୂଚନା ଚାରିଆଡ଼େ ବ୍ୟାପିବା ମାତ୍ରେ ବଲିଉଡର ସେଲିବ୍ରେଟମାନେ ଏହା ଉପରେ ନିଜର ପ୍ରତିକ୍ରିୟା ଦେଇଥିଲେ।

ଏହି ଘଟଣାରେ ସମସ୍ତେ ଅତ୍ୟଧିକ ଆହତ ହୋଇଥିଲେ।ଏହି ଘଟଣାରେ ଅନୁପମ ଖେର ସମ୍ବାଦ ଏଜେନ୍ସିକୁ ଏକ ସାକ୍ଷାତକାର ଦେଇଥିଲେ। ସାକ୍ଷାତକାରରେ ଅନୁପମ ଖେର କହିଛନ୍ତି, ‘କାଶ୍ମୀର ପଣ୍ଡିତମାନଙ୍କ ଉପରେ ଅତ୍ୟାଚାର କରିବା ଅତ୍ୟନ୍ତ ଲଜ୍ଜାଜନକ ବିଷୟ। ଯେଉଁମାନେ ଭାରତର ସୁରକ୍ଷା ପାଇଁ କାମ କରୁଛନ୍ତି ସେମାନଙ୍କୁ ହତ୍ୟା କରୁଛନ୍ତି। ଏହା ମଧ୍ୟ ଅଭିନେତା କହିଛନ୍ତି ଯେ ଗତ ୩୦ ବର୍ଷଧରି ଏହା ଘଟୁଛି। ଆପଣ ଯେତେ ସମାଲୋଚନା କରିବେ, ସେତେ କମ୍। ଏହି ପ୍ରକାର ଚିନ୍ତାଧାରାକୁ ପରିବର୍ତ୍ତନ କରିବାକୁ ପଡିବ ।
ତେବେ ଏହି ଘଟଣା ପରେ ବର୍ତ୍ତମାନ ପ୍ରଶ୍ନ ଉଠୁଛୁ ଯେ କାଶ୍ମୀର ପଣ୍ଡିତମାନ ଙ୍କୁ ସୁରକ୍ଷା ଦେବା କିଏ? ଆଉ କେବେ ସେମାନେ ବିନା ଚିନ୍ତା ରେ ନିଜ ଜୀବନ ବସବାସ କରି ପାରିବେ ? ଯାହା ଅତୀତରେ ଘଟି ଯାଇଛି ସେହି ଘଟଣା କୁ କେନ୍ଦ୍ର କରି ଏଭଳି ପ୍ରତିଶୋଧତ୍ମକ ଆଚରଣ କେବେ ବନ୍ଦ କରାଯିବ ତାହା ଉପରେ ବର୍ତ୍ତମାନ ଚିନ୍ତା ପ୍ରକଟ କରାଯାଉଛି ।