ଦୁନିଆର ଦ୍ଵିତୀୟ ବିତ୍ତଶାଳୀ ବ୍ୟକ୍ତି ହେଲେ ଗୌତମ ଅଦାନୀ

ନୂଆଦିଲ୍ଲୀ: ଦୁନିଆର ଶୀର୍ଷ ୧୦ ଧନଶାଳୀ ବ୍ୟକ୍ତିଙ୍କ ତାଲିକାରେ ଲଗାତାର ଉପରକୁ ଉଠି ଚାଲିଛନ୍ତି ଗୌତମ ଅଦାନୀ । ସେ ଆମାଜନର ଜେଫ ବେଜୋସଙ୍କୁ ପଛରେ ପକାଇ ପୁଣି ଥରେ ତୃତୀୟ ସ୍ଥାନ ଦଖଲ କରିଥିଲେ । ଏବେ ସେ ଦ୍ଵିତୀୟ ସ୍ଥାନ ହାସଲ କରିଛନ୍ତି । ଦୁନିଆର ଦ୍ଵିତୀୟ ସବୁଠୁ ବଡ ବିତ୍ତଶାଳୀ ବ୍ୟକ୍ତି ବର୍ଣ୍ଣାର୍ଡ ଆରନଲ୍ଟ ଙ୍କୁ ହରେଇ ଗୌତମ ଅଦାନୀ ଦ୍ଵିତୀୟ ସ୍ଥାନ ହାସଲ କରିଛନ୍ତି। ଦୁହିଁଙ୍କ ମଧ୍ୟରେ ବ୍ୟବଧାନ ବହୁତ କମ କରିଥିଲା ।
ଫୋବର୍ସର ରିୟଲ ଟାଇମ ବିଲେନିୟର୍ସ ଇଣ୍ଡେକ୍ସ ଅନୁଯାୟୀ, ଅଦାନୀ ଗ୍ରୁପର ଚେୟାରମ୍ୟାନ ଗୌତମ ଅଦାନୀଙ୍କ ମୋଟ୍ ସଂପତ୍ତିର ପରିମାଣ ବଢି ୧୪୮.୮ ବିଲିୟନ ଡଲାରରେ ଥିଲା । ବର୍ତ୍ତମାନ ଏହା ବଢି ୧୫୪.୭ କୁ ବୃଦ୍ଧି ପାଇଛି। ଏଥିସହ ସେ ଶୀର୍ଷ-୧୦ ତାଲିକାରେ ବର୍ତ୍ତମାନ ଦ୍ଵିତୀୟ ଶ୍ରେଣୀରେ ପହଞ୍ଚିଛନ୍ତି । ଆରନଲ୍ଟଙ୍କ ବର୍ତ୍ତମାନ ତଳକୁ ଖସିଛନ୍ତି।

ଗୌତମ ଅଦାନୀ ଏବଂ ଦ୍ଵିତୀୟ ସ୍ଥାନରେ ଥିବା ବର୍ଣ୍ଣାର୍ଡ ଆରନଲ୍ଟଙ୍କ ସଂପତ୍ତି ମଧ୍ୟରେ ସ୍ଵଲ୍ପ ବ୍ୟବଧାନ ରହିଥିଲା । ଉଭୟଙ୍କ ସଂପତ୍ତିରେ ସଂପ୍ରତି ୬.୧ ବିଲିୟନ ଡଲାରର ବ୍ୟବଧାନ ରହିଥିଲା । ଯେଉଁ ହିସାବରେ ଅଦାନୀଙ୍କ ସଂପତ୍ତି ବଢିବାରେ ଲାଗିଥିଲା ବର୍ତ୍ତମାନ ସେ ଦୁନିଆର ସବୁଠୁ ବଡ ଦ୍ଵିତୀୟ ଧନୀ ହୋଇ ପାରିଛନ୍ତି ।

ଫୋର୍ବସ୍ ରିୟଲଟାଇମ ବିଲେନିୟର ଇଣ୍ଡେକ୍ସ ଅନୁସାରେ ଶୁକ୍ରବାର ମଧ୍ୟାହ୍ନ ସୁଦ୍ଧା ଆଦାନୀଙ୍କ ସମ୍ପତ୍ତିରେ ମୋଟ ୫.୫ ବିଲିୟନ ଡଲାରର ବୃଦ୍ଧି ହୋଇ ସାରିଥିଲା। ଏବେ ସେ ୧୫୫.୭ ବିଲିୟନ ଡଲାର ସହ ବିଶ୍ୱର ୨ ନମ୍ବର ବିଲେନିୟର ପାଲଟିଛନ୍ତି। ତାଙ୍କ ଉପରେ ଅର୍ଥାତ ୧ ନମ୍ବର ସ୍ଥାନରେ ଏବେବି ଟେସଲା ସିଇଓ ଏଲନ ମସ୍କ ଅଛନ୍ତି, ଯାହାଙ୍କର ମୋଟ ନେଟୱର୍ଥ ୨୭୩.୫ ବିଲିୟନ ଡଲାର ରହିଛି। ଆଦାନୀଙ୍କ ପରେ ତୃତୀୟ ସ୍ଥାନରେ ୧୫୫.୨ ବିଲିୟନ ଡଲାର ନେଟୱର୍ଥ ସହ ବର୍ଣ୍ଣାର୍ଡ ଅର୍ଣ୍ଣଲଟ ଅଛନ୍ତି।