(Video) ଗରବା ଖେଳୁ ଖେଳୁ ୨୧ ବର୍ଷୀୟ ଯୁବକଙ୍କୁ ଆସିଲା ହାର୍ଟ ଆଟାକ୍: ଠପ୍ କରି ଚାଲିଗଲା ଜୀବନ
ଅହମ୍ମଦାବାଦ: ଆଜିକାଲି ହାର୍ଟ ଆଟାକ୍ ଯୋଗୁଁ ଅନେକ ଲୋକଙ୍କର ଜୀବନର ଚାଲିଯାଉଛି । ଏହାରି ମଧ୍ୟରେ ଗୁଜରାଟର ଆଣନ୍ଦ ଜିଲ୍ଲାରେ ଗରବା ଖେଳୁ ଖେଳୁ ୨୧ ବର୍ଷୀୟ ଜଣେ ଯୁବକଙ୍କୁ ହାର୍ଟ ଆଟାକ୍ ଆସିବାରୁ ମୃତ୍ୟୁ ହୋଇଥିବା ମାମଲା ସାମ୍ନାକୁ ଆସିଛି । ଖୁସିର ମାହୋଲରେ ବିରେନ୍ଦ୍ର ସିଂହ ନାମକ ସେହି ଯୁବକ ଗରବା ଖେଳୁଥିଲେ । କିନ୍ତୁ ଅଚାନକ୍ ହାର୍ଟ ଆଟାକ୍ ଆସିବାରୁ ସେ ତଳେ ପଡ଼ିଯାଇଥିଲେ । ବିରେନ୍ଦ୍ରଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଲହରୀ ଖେଳିଯାଇଛି । ସୂଚନା ମୁତାବକ, ଏହି ଘଟଣା ଆଣନ୍ଦର ତାରାପୁରର ଶିବଶକ୍ତି ସୋସିଆଇଟିରେ ଘଟିଛି । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ତାରାପୁରର ଶିବଶକ୍ତି ସୋସିଇଟିରେ ନବରାତ୍ରୀ ଅବସରରେ ୯ ଦିନ ପର୍ଯ୍ୟନ୍ତ ଗରବା ଆୟୋଜିତ କରାଯାଏ । ୩୦ ସେପ୍ଟେମ୍ବରରେ ୨୧ ବର୍ଷୀୟ ବିରେନ୍ଦ୍ର ସିଂହ ରାଜପୁତ ଗରବା ଖେଳୁଥିଲେ । ଏହି ସମୟରେ ତାଙ୍କ ସାଙ୍ଗମାନେ ତାଙ୍କର ଭିଡିଓ କରୁଥିଲେ । କିନ୍ତୁ ଅଚାନକ୍ ବିରେନ୍ଦ୍ର ତଳେ ପଡିଯାଇଥିଲେ । ତାଙ୍କୁ ତୁରନ୍ତ ସୋସିଇଟିର ଲୋକେ ମେଡିକାଲ ନେଇ ଯାଇଥିଲେ । କିନ୍ତୁ ଅଧାବାଟରେ ହିଁ ବିରେନ୍ଦ୍ର ପ୍ରାଣ ହରାଇଥିଲେ । ହାର୍ଟ ଆସିବାରୁ ବିରେନ୍ଦ୍ରଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି ।
ଭିଡିଓରେ ଦେଖିବାକେୁ ମିଳିଛି କି, ଗରବା ଖେଳ ଆରମ୍ଭରୁ ବିରେନ୍ଦ୍ର ଟିକେ ବିଚଳିତ ହୋଇଥିଲେ । କିନ୍ତୁ ଗରବା ଖେଳର ଆଗ୍ରହୀ ଥିବା ବିରେନ୍ଦ୍ର ଖେଳରେ ମାତିଯାଇଥିଲେ । ଶେଷରେ ଗରବା ଖେଳୁ ଖେଳୁ ସେ ତଳେ ମୁହଁ ମାଡି ପଡ଼ିଯାଇଥିବା ଦେଖିବାକୁ ମିଳିଛି । ସେହିପରି ନିକଟରେ ଜମ୍ମୁ ଜିଲ୍ଲାର ବିଶ୍ରହରେ ଜାଗରଣ ମଞ୍ଚରେ ଡ୍ୟାନ୍ସ କରୁଥିବା ବେଳେ ୧୯ ବର୍ଷୀୟ ଯୋଗେଶଙ୍କର ମୃତ୍ୟୁ ହୋଇଥିଲା । ଯୋଗେଶ ମଞ୍ଚ ଉପରେ ମା’ ପାର୍ବତୀ ଓ ସତୀଙ୍କ ଭୂମିକାରେ ଅଭିନୟ କରୁଥିଲେ । ଅନେକ ସମୟ ଡ୍ୟାନ୍ସ କରିବା ପରେ ସେ ପଡିଯାଇଥିଲେ । ମେଡିକାଲକୁ ନେବାରୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Anand :
गरबा खेलते खेलते एक शख्स की मौत।
तारापुर में आती शिवशक्ति सोसायटी में गरबा आयोजित किया गया था।
युवक को अस्पताल ले जाया गया लेकिन तब तक देरी हो चुकी थी।
वजह दिल का दौरा पड़ने से मौत बताई जा रही है। pic.twitter.com/GlUA1irveA
— Janak Dave (@dave_janak) October 2, 2022
