Dr APJ Abdul Kalam: ସ୍ୱପ୍ନ ଏପରି ଦେଖ ଯାହା ପାଇଁ ନିଦ ହଜିଯିବ; ମିସାଇଲ୍ ମ୍ୟାନ୍ ଙ୍କୁ ଝୁରୁଛି ଦେଶ
ଭୁବନେଶ୍ୱର :ଅବୁଲ ପକିର ଜୈନାଲୁବ୍ଦିନ୍ ଅବଦୁଲ କଲାମ ନାମ ଶୁଣିଲା ମାତ୍ରେ ରୁମ ଯେପରି ଟାଙ୍କୁରୀ ଉଠେ । ସେ ଏଭଳି ଜଣେ ବ୍ୟକ୍ତତ୍ୱ ଯାହାଙ୍କ ଅବଦାନ ଦେଶ ପାଇଁ ଅତୁଳନୀୟ । ଯାହା ପାଇଁ ଦେଶ ଆଜି ମଧ୍ୟ ତାଙ୍କୁ ଝୁରୁଛି । ଦେଶର ପୂର୍ବତନ ରାଷ୍ଟ୍ରପତି ମିସାଇଲ୍ ମ୍ୟାନ୍ ଡ଼ ଏପିଜେ ଅବଦୁଲ କଲାମ। କଲାମ ୧୫ ଅକ୍ଟୋବରରେ ତାମିଲନାଡୁର ରାମେଶ୍ୱରମରେ ଜନ୍ମଗ୍ରହଣ କରିଥିଲେ । ତାଙ୍କ ପରିବାର ଡଙ୍ଗା ତିଆରି କାମ କରୁଥିଲେ । କଲାମଙ୍କ ପିତା ମତ୍ସ୍ୟଜୀବୀଙ୍କୁ ଡଙ୍ଗା ଭଡା ଦେଉଥିଲେ । ପିଲାଦିନରୁ କଲାମଙ୍କ ଆଖି କିଛି ସ୍ଵତନ୍ତ୍ର ହେବା ପାଇଁ ସ୍ୱପ୍ନ ଦେଖିଥିଲା । ତେବେ ସେତେବେଳେ ଅବସ୍ଥା ଏତେ ଭଲ ନଥିଲା । ସ୍କୁଲରୁ ଆସିବା ପରେ ସେ ତାଙ୍କ ବଡ଼ ଭାଇ ମୁସ୍ତାଫା କଲାମଙ୍କ ଦୋକାନରେ କିଛି ସମୟ ବସୁଥିଲେ, ଯାହା ରମେଶ୍ୱରମ୍ ରେଳ ଷ୍ଟେସନରେ ଥିଲା । ତା’ପରେ ଯେତେବେଳେ ଦ୍ୱିତୀୟ ବିଶ୍ୱଯୁଦ୍ଧ ଆରମ୍ଭରେ ଟ୍ରେନ୍ ରମେଶ୍ୱରମ୍ ରେଳ ଷ୍ଟେସନରେ ଅଟକି ଯିବା ବନ୍ଦ କଲା, ସେତେବେଳେ ଚଳନ୍ତା ଟ୍ରେନ୍ରୁ ଖବରକାଗଜ ବଣ୍ଡଲଗୁଡ଼ିକୁ ଫୋପାଡି ଦିଆ ଯାଉଥିଲା । ସେହି ସମୟରେ ତାଙ୍କ ଭାଇ ଶ୍ୟାମସୁଦ୍ଦିନଙ୍କୁ ଜଣେ ଏଭଳି ବ୍ୟକ୍ତିର ଆବଶ୍ୟକ ଥିଲା, ଯିଏ ତାଙ୍କୁ ଘର ଘର ଖବରକାଗଜ ବିତରଣ କରିବାରେ ସାହାଯ୍ୟ କରିପାରିବେ । ସେତେବେଳେ କଲାମ ଏହି ଦାୟିତ୍ଵ ଗ୍ରହଣ କଲେ ।
ଶିକ୍ଷାଗତ ଯୋଗ୍ୟତା ପାଇଁ କାଲାମ ୧୯୫୦ ମସିହାରେ ଟ୍ରିଚର ସେଣ୍ଟ ଜୋସେଫ କଲେଜରେ ନାମ ଲେଖାଇଲେ । ଏହା ପରେ ସେ ବି.ଏସସି ପଢା ଶେଷ କଲେ । ତା’ପରେ ହଠାତ୍ ସେ ଅନୁଭବ କଲେ ଯେ ତାଙ୍କୁ ବି.ଏସସି କରିବାର ନଥିଲା । ତାଙ୍କର ସ୍ୱପ୍ନ ଥିଲା ଆଉ କିଛି । ସେ ଜଣେ ଇଞ୍ଜିନିୟର ହେବାକୁ ଚାହୁଁଥିଲେ। ବିଏସସି କରିବା ପରେ, ସେ ସ୍ଥିର କଲେ ଯେ ବର୍ତ୍ତମାନ ସେ କୌଣସି ପ୍ରକାରେ ମାଡ୍ରାସ ଇନଷ୍ଟିଚ୍ୟୁଟ୍ ଅଫ୍ ଇଞ୍ଜିନିୟରିଂରେ ଆଡମିଶନ କରିବେ । କଲାମଙ୍କ ବିଶ୍ୱାସ ଏବଂ ପରିଶ୍ରମ ଯୋଗୁଁ ହିଁ ସେ ଶେଷରେ ଏରୋନେଟିକାଲ୍ ଇଞ୍ଜିନିୟରିଂ ଆଡମିଶନ କଲେ ।କାଲାମ ଙ୍କ ପାଇଁ ଅର୍ଥ ଥିଲା ବାଧକ । ଫିସ୍ ଦେବାକୁ, ତାଙ୍କ ବଡ଼ ଭଉଣୀ ତାଙ୍କର ଅଳଙ୍କାର ବନ୍ଧକ ରଖିଥିଲେ । ଆଉ ସେ ନିଜ ରୋଜଗାରରୁ ବନ୍ଧକ ଅଳଙ୍କାରରୁ ମୁକ୍ତ କରିବା ନେଇ ସ୍ଥିର କଲେ । ଏହା ପରେ ଅଧ୍ୟୟନ ଆରମ୍ଭ ହେଲା, କଲେଜରେ ସମୟ ଗଡିବା ସହିତ ବିମାନ ପ୍ରତି ତାଙ୍କର ଆଗ୍ରହ ବଢିବାକୁ ଲାଗିଲା । ବର୍ତ୍ତମାନ ପାଇଲଟ୍ ହେବାର ଚିନ୍ତା ତାଙ୍କ ହୃଦୟକୁ ଆସିଲା । ଯେତେବେଳେ ସେ ଇଞ୍ଜିନିୟରିଂ ପଢ଼ା ଶେଷ କଲେ, ତାଙ୍କ ସାମ୍ନାରେ ଦୁଇଟି ରାସ୍ତା ଥିଲା । ପ୍ରଥମେ ବାୟୁସେନାରେ ପାଇଲଟ୍ ହେବାର ସ୍ୱପ୍ନ କଲାମ ଦେଖିଥିବାବେଳେ ଦ୍ୱିତୀୟଟି ପ୍ରତିରକ୍ଷା ମନ୍ତ୍ରଣାଳୟରେ ବୈଜ୍ଞାନିକ ହେବା ।
ସେ ସବୁବେଳେ କହୁଥିଲେ ସ୍ୱପ୍ନ ଏପରି ଦେଖନି ଯାହା ଶୋଇ କରି ଦେଖାଯାଏ ସ୍ୱପ୍ନ ଏପରି ଦେଖ ଯାହା ପାଇଁ ନିଦ ହଜିଯିବ।ଦେଶର ପ୍ରଗତି ପାଇଁ କଲାମଙ୍କ ଅବଦାନ ଅତୁଳନୀୟ ଯାହାର ଫଳ ସ୍ୱରୂପ ତାଙ୍କୁ ମିଶାଇଲ ମ୍ୟାନର ଆଖ୍ୟା ଦିଆଯାଇଛି । ତାଙ୍କର ଅବଦାନ, ତାଙ୍କର ବ୍ୟକ୍ତିତ୍ୱ ପାଇଁ ସେ ସଦା ସର୍ବଦା ଆମ ମାନଙ୍କ ମନରେ ଅମର ହୋଇ ରହିବେ ।
