ଏହା ହେଉଛି ଦୁନିଆର ସବୁଠାରୁ ବିପଜ୍ଜନକ ଉଦ୍ଭିଦ: ଗୁଡ଼େଇ-ତୁଡ଼େଇ ମାରିଥାଏ ଏହାର ‘ଡଙ୍କ’

ସବୁଜତା ପାଇଁ ଗଛ ଲଗାଇବା ବହୁତ ଜରୁରୀ ହୋଇଥାଏ । ଏହି କାରଣରୁ ସମଗ୍ର ବିଶ୍ୱରେ ଲୋକମାନେ ବୃକ୍ଷରୋପଣ ପାଇଁ ଅନେକ ଅଭିଯାନ କରିଥାନ୍ତି । ସରକାର ଅଧିକରୁ ଅଧିକ ଚାରା ରୋପଣ ପାଇଁ ଲୋକଙ୍କୁ ଉତ୍ସାହିତ କରନ୍ତି । ବ୍ରିଟେନରେ ଜଣେ ବ୍ୟକ୍ତି ଚାରା ରୋପଣ କରିବାକୁ ବେଶ ପସନ୍ଦ କରନ୍ତି । ସେ ତାଙ୍କର ପୁରୁଣା ଉଦ୍ଭିଦ ଲଗାଇବାକୁ ନେଇ ଚିଡ଼ିଗଲେ ଓ କିଛି ନୂଆ ଗଛ ଲଗାଇବାକୁ ନିଷ୍ପତ୍ତି ନେଇଥିଲେ । କିନ୍ତୁ ଆଜି ସେହି ଗଛକୁ ପିଞ୍ଜରା ଭିତରେ ରଖିବାକୁ ପଡ଼ୁଛି । କେବଳ ଏତିକି ନୁହେଁ, ପିଞ୍ଜରା ବାହାରେ ‘ବିପଦ’ ମଧ୍ୟ ଲେଖିବାକୁ ପଡ଼ୁଛି । ତେବେ ଆସନ୍ତୁ ଜାଣିବା ଏହା ବିଷୟରେ କିଛି ରୋଚକ ତଥ୍ୟ…

ରିପୋର୍ଟ ଅନୁସାରେ, ଡାନିଏଲ ଏମଲିନ୍-ଜୋନ୍ସ ବ୍ରିଟେନରେ ରୁହନ୍ତି । ତାଙ୍କୁ ଗଛ ଲଗାଇବା ବହୁତ ପସନ୍ଦ । ସେ ଅନେକ ଚାରା ରୋପଣ କରିଛନ୍ତି, କିନ୍ତୁ ସେ ନିୟମିତ ଚାରା ରୋପଣ କରି ବିରକ୍ତ ହେବାରୁ କିଛି ନୂଆ କରିବାକୁ ନିଷ୍ପତ୍ତି ନେଇଥିଲେ । ଏହା ପରେ ସେ ଜିମ୍ପାଇ-ଜିମ୍ପାଇ ପ୍ଲାଣ୍ଟ ଆଣି ଯତ୍ନର ସହ ଲଗାଇବା ଆରମ୍ଭ କଲେ । ଡାନିଏଲ୍ କହିଛନ୍ତି ଯେ, ସେ କିଛି ରୋମାଞ୍ଚକର କରିବାକୁ ଚାହିଁଥିଲେ, ତେଣୁ ସେ ବସନ୍ତ ଋତୁରେ ଏହାକୁ ଲଗାଇଲେ ।

ଡାନିଏଲ୍ ଗଛ ଲଗାଇଲେ, କିନ୍ତୁ ତାକୁ ଏକ ପିଞ୍ଜରାରେ ବନ୍ଦ କରିବାକୁ ପଡିଲା । ଏହାର କାରଣ ହେଉଛି ଏହା ବିପଜ୍ଜନକ ଅଟେ । ବାସ୍ତବରେ ଜିମ୍ପାଇ-ଜିମ୍ପାଇକୁ ଦୁନିଆର ସବୁଠାରୁ ବିପଜ୍ଜନକ ଉଦ୍ଭିଦ କୁହାଯାଏ । ଏହାକୁ ଛୁଇଁଲେ ଏହାର ‘ଡଙ୍କ’ ଗରମ ଏସିଡ୍ ରୁ ଜଳିବା ଏବଂ ବିଜୁଳିର ଝଟକା ଭଳି ଅନୁଭବ ହୋଇଥାଏ । କୁହାଯାଏ ଯେ, ଏହି ଉଦ୍ଭିଦ ଲୋକଙ୍କୁ ଏତେ ନିର୍ଯାତନା ଦିଏ ଯେ ସେମାନଙ୍କ ମଧ୍ୟରୁ ଅଧିକାଂଶ ଆତ୍ମହତ୍ୟା କରିବାକୁ ବାଧ୍ୟ ହୁଅନ୍ତି । ଏହି କାରଣ ଯୋଗୁଁ ଏହା ‘ସୁଇସାଇଡ୍ ପ୍ଲାଣ୍ଟ’ ନାମରେ ମଧ୍ୟ ଜଣାଶୁଣା । ବିଶେଷଜ୍ଞମାନେ କହିଛନ୍ତି ଯେ, ଯଦି ଏହାର କଣ୍ଟା ଚର୍ମରେ ରହିଯାଏ, ତେବେ ଏହି ଉଦ୍ଭିଦ ବର୍ଷେ ପର୍ଯ୍ୟନ୍ତ କଷ୍ଟ ଦେଇଥାଏ ।