ସରକାରୀ ଦଲାଲ ମାମଲା, ଚାକିରୀରୁ ବିଦାହେଲେ ଫାର୍ମାସିଷ୍ଟ ଓ ଷ୍ଟାପ ନର୍ସ
ମାଲକାନଗିରି: ରାଜ୍ୟରେ ଚାକିରୀକୁ ନେଇ ଅନେକ ଦୁର୍ନୀତି ମାମଲା ସାମ୍ନାକୁ ଆସୁଛି । ସରାକାରୀ ହେଉ କି ବେସରକାରୀ ସବୁଆଡେ ଲାଂଚ କାରବାର ମମଲା ବନ୍ଦ ହେବାର ନାଁ ନେଉନାହିଁ । ଏହି କାରଣରେ ଚାକିରୀ ପଦବୀ ପାଇଁ ବଂଚିତ ହେଉଛନ୍ତି ଅନେକ ମେଧା ବୃତ୍ତି ପିଲା ଏବଂ ଯୋଗ୍ୟତା ପାର୍ଥୀ । ଠିକ ଏହିପରି ଏକ ଘଟଣା ମାଲକାନଗିରିରେ ଦେଖିବାକୁ ମିଳିଛି ।
ସୂଚନା ଅନୁଯାୟୀ, ମାଲକାନଗିରିରେ ମେଡିକାଲ ଫାର୍ମାସିଷ୍ଟ ଓ ଷ୍ଟାଫ ନର୍ସଙ୍କୁ ଚାକିରୀରୁ ବହିଷ୍କାର କରାଯାଇଛି । ବେସରକାରୀ ଚାକିରି ପାଇଁ ସରକାରୀ ଦଲାଲ ମାମଲାରେ ସାହାଯ୍ୟ କରୁଥିଲେ । ଏଥିରେ ଷ୍ଟାଫ ନର୍ସଙ୍କ ବ୍ୟାଙ୍କ ଆକାଉଣ୍ଟରେ ଲାଂଚ କାରବାର ଚାଲିଥିଲା ।
ତେବେ ଏହି ଦୁର୍ନୀତି କଥା ଅଧିକାରୀଙ୍କ ସାମ୍ନାକୁ ଆସିଥିଲା । ଷ୍ଟାଫ ନର୍ସଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା କାରବାର ହେଉଥିଲା । ଏନେଇ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ସିଡିଏମଓଙ୍କ କାର୍ଯ୍ୟାନୁଷ୍ଠାନ ନିଆଯାଇଛି । ଏଥିରେ ଲକ୍ଷ ଲକ୍ଷ ଟଙ୍କା କାରବାର ହୋଇଥିବା କଥା ଜଣା ପଡିଛି । ଉଚିତ ପଦକ୍ଷେପ ନିଆଯାଇ ଫାର୍ମାସିଷ୍ଟ ଓ ଷ୍ଟାଫ ନର୍ସଙ୍କୁ ନିଲମ୍ବିତ କରାଯାଇଛି । ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି ।
