ଲାଲୁଙ୍କ ଶରୀରରେ ପ୍ରତିରୋପଣ ହେଲା ଝିଅ ରୋହିଣୀର କିଡନୀ; ଆଇସିୟୁରେ ଅଛନ୍ତି ବାପା ଝିଅ
ନୂଆଦିଲ୍ଲୀ: ରାଷ୍ଟ୍ରିୟ ଜନତା ଦଳ (ଆରଜେଡି) ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ସିଙ୍ଗାପୁରରେ କିଡନୀ ପ୍ରତିରୋପଣ ଅପରେସନ ସଫଳତାର ସହ ଶେଷ ହୋଇଛି । ତାଙ୍କ ଝିଅ ରୋହିଣୀ ଆଚାର୍ଯ୍ୟ ତାଙ୍କ ପିତାଙ୍କୁ କିଡନୀ ଦାନ କରିଛନ୍ତି । ରୋହିଣୀଙ୍କ ଅପରେସନ ଲାଲୁଙ୍କ ଅପରେସନ ପୂର୍ବରୁ କରାଯାଇଥିଲା । ଲାଲୁ ଯାଦବଙ୍କ ପୁଅ ତେଜସ୍ୱୀ ଯାଦବ ଟ୍ୱିଟରରେ ଏକ ଭିଡିଓ ସେୟାର କରି ଏ ସମ୍ପର୍କରେ ସୂଚନା ଦେଇଛନ୍ତି ।
ବିହାରର ଡେପୁଟି ସିଏମ ଏବଂ ଲାଲୁ ଯାଦବଙ୍କ ସାନ ପୁଅ ତେଜସ୍ୱୀ ଯାଦବ ଟ୍ୱିଟ୍ କରି କହିଛନ୍ତି, “ଲାଲୁଙ୍କ କିଡନୀ ପ୍ରତିରୋପଣ ପରେ ତାଙ୍କୁ ଅପରେସନ ଥିଏଟରରୁ ଆଇସିୟୁକୁ ସ୍ଥାନାନ୍ତର କରାଯାଇଥିଲା । କିଡନୀ ଡୋନର ରୋହିଣୀ ଆଚାର୍ଯ୍ୟ ଏବଂ ଜାତୀୟ ଅଧ୍ୟକ୍ଷ ଲାଲୁ ବର୍ତ୍ତମାନ ସୁସ୍ଥ ଅଛନ୍ତି ।
ଲାଲୁଙ୍କର ସାତ ଝିଅ ଏବଂ ଦୁଇ ପୁଅଙ୍କ ମଧ୍ୟରୁ ରୋହିଣୀ ଦ୍ୱିତୀୟ ଝିଅ ଅଟନ୍ତି । ଡାକ୍ତରଖାନା ଯିବା ପୂର୍ବରୁ ନିଜର ଭାବନା ପ୍ରକାଶ କରି ରୋହିଣୀ କହିଥିଲେ ଯେ, ଲାଲୁ ପ୍ରସାଦଙ୍କୁ ସୁସ୍ଥ ରଖିବା ସାଧାରଣ ଲୋକଙ୍କ ପାଇଁ ଆବଶ୍ୟକ । ତେଣୁ ସେ ଏପରି ନିଷ୍ପତ୍ତି ନେଇଥିଲେ । ଏହାପୂର୍ବରୁ ଲାଲୁଙ୍କ ବଡ଼ ଝିଅ ମିସା ଭାରତୀ ଟ୍ୱିଟ୍ କରି କହିଥିଲେ, ‘ସାନ ଭଉଣୀ ରୋହିଣୀଙ୍କ ଅପରେସନ ସଫଳ ହୋଇଛି । ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ବର୍ତ୍ତମାନ ଆଇସିୟୁରେ ଅଛନ୍ତି । ବର୍ତ୍ତମାନ ବାପାଙ୍କ ଅପରେସନ ଚାଲିଛି ।
पापा का किडनी ट्रांसप्लांट ऑपरेशन सफलतापूर्वक होने के बाद उन्हें ऑपरेशन थियेटर से आईसीयू में शिफ्ट किया गया।
डोनर बड़ी बहन रोहिणी आचार्य और राष्ट्रीय अध्यक्ष जी दोनों स्वस्थ है। आपकी प्रार्थनाओं और दुआओं के लिए साधुवाद। 🙏🙏 pic.twitter.com/JR4f3XRCn2
— Tejashwi Yadav (@yadavtejashwi) December 5, 2022
ଡାକ୍ତରଖାନା ଯିବାର କିଛି ଘଣ୍ଟା ପୂର୍ବରୁ ରୋହିଣୀ ଲାଲୁ ପ୍ରସାଦଙ୍କ ପ୍ରତି ନିଜର ଭାବନା ପ୍ରକାଶ କରି ଲେଖିଥିଲେ ଯେ ସେ ଭଗବାନଙ୍କୁ ଦେଖି ନାହାଁନ୍ତି, କିନ୍ତୁ ତାଙ୍କ ବାପାଙ୍କୁ ସେ ଭଗବାନଙ୍କ ରୂପରେ ଦେଖିଛନ୍ତି । ରୋହିଣୀ ପ୍ରାଥମିକ ଚିକିତ୍ସା ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ତାଙ୍କ କିଡନୀ ୯୦ ରୁ ୯୫ ପ୍ରତିଶତରେ କାମ କରୁଛି । ଲାଲୁଙ୍କର ଉଭୟ କିଡନୀ ୨୮ ପ୍ରତିଶତ କାମ କରୁଛି । ଟ୍ରାନ୍ସପ୍ଲାଣ୍ଟ ପରେ ସେମାନେ ପ୍ରାୟ ୭୦ ପ୍ରତିଶତ କାମ ଆରମ୍ଭ କରିବେ । ସ୍ୱାସ୍ଥ୍ୟ ଦୃଷ୍ଟିରୁ, ଏହା ଯଥେଷ୍ଟ ବୋଲି କୁହାଯାଇଛି ।
ଲାଲୁ ସିଙ୍ଗାପୁରର ମାଉଣ୍ଟ ଏଲିଜାବେଥ ହସ୍ପିଟାଲରେ କିଡନୀ ପ୍ରତିରୋପଣ କରିଛନ୍ତି । ଏହି ଡାକ୍ତରଖାନାରେ ପୂର୍ବତନ ବିଜେପି ସାଂସଦ ଆର.କେ ସିହ୍ନା, ଅମର ସିଂ ଏବଂ ଅଭିନେତା ରଜନୀକାନ୍ତଙ୍କ କିଡନୀ ପରିବର୍ତ୍ତନ କରାଯାଇଥିଲା । ତେବେ ପାଟଣାର ଦାନାପୁରରେ ଲାଲୁ ଯାଦବଙ୍କ ପାଇଁ ସ୍ୱତନ୍ତ୍ର ପ୍ରାର୍ଥନା କରାଯାଇଥିଲା ।
