ଆପଣଙ୍କ ସ୍ମରଣ ଶକ୍ତି ବଢାଇବାକୁ ଚାହୁଁଛନ୍ତି କି? ପ୍ରତ୍ୟେକ ଦିନ ନାଚିବା ସହ କରନ୍ତୁ ଏହି ସବୁ କାର୍ଯ୍ୟ
ପ୍ରତ୍ୟେକ ଦିନ ଉଠିବା ଠାରୁ ଆରମ୍ଭ କରି ଶୋଇବା ପର୍ଯ୍ୟନ୍ତ ପ୍ରତ୍ୟେକ ବ୍ୟକ୍ତିର ସମସ୍ତ କାର୍ଯ୍ୟ ମସ୍ତିଷ୍କ ଦ୍ୱାରା ହିଁ ହୋଇଥାଏ । ଯଦି କୌଣସି ବ୍ୟକ୍ତିର ମସ୍ତିଷ୍କ କାମ କରେ ନାହିଁ କିମ୍ବା ଦୁର୍ବଳ ହୋଇଥାଏ ତେବେ ତାଙ୍କୁ ଶାରିରୀକ ଏବଂ ମାନସିକ ସମସ୍ୟା ଦେଇ ଗତି କରିବାକୁ ପଡିଥାଏ । ତେଣୁ ଜଣେ ବ୍ୟକ୍ତି ସାଧାରଣ ଏବଂ ସୁସ୍ଥ ଜୀବନଜାପନ କରିବାକୁ ହେଲେ ମସ୍ତିଷ୍କକୁ ସୁସ୍ଥ ରଖିବା ଏବଂ ଏହାର ଯତ୍ନ ନେବା ନିତ୍ୟାନ୍ତ ଆବଶ୍ୟକ । ତେବେ ଏପରି କିଛି ଏକ୍ସରସାଇଜ ଅଛି ଯାହାକୁ ପ୍ରତ୍ୟେକ ଦିନ କରିବା ଦ୍ୱାରା ମସ୍ତିଷ୍କ ସୁସ୍ଥ ରହିବା ସହ ସ୍ମରଣ ଶକ୍ତି ବୃଦ୍ଧି ପାଇଥାଏ । ବର୍ତ୍ତମାନଆସନ୍ତୁ ଜାଣିବା ସେହିସବୁ ଏକ୍ସରସାଇଜ ବିଷୟରେ…
୧-ଚାଲିବା: ସ୍ୱାସ୍ଥ୍ୟ ବିଶେଷଜ୍ଞମାନଙ୍କ ମତରେ ବସିବା କିମ୍ବା ଅଳଶୁଆପଣ ଦ୍ୱାରା ଆମ ସମ୍ରଣ ଶକ୍ତି ହ୍ରାସ ପାଇଥାଏ । ତେଣୁ ଏପରି ନକରି ସକାଳେ କିଛି ସମୟ ଚାଲିବା ଦ୍ୱାରା କିମ୍ବା ଅଫିସକୁ ଯିବା ସମୟରେ ଲିପ୍ଟ ବ୍ୟବହାର ନକରି ପାହାଚ ଚଢିବା ଦ୍ୱାରା ଆମ ଶରୀର କାର୍ଯ୍ୟକ୍ଷମ ହୋଇଥାଏ । ଯାହାକି ଆମ ମସ୍ତିଷ୍କ ଉପରେ ଭଲ ପ୍ରଭାବ ପକାଇଥାଏ । ଫଳରେ ସ୍ମରଣ ଶକ୍ତି ବୃଦ୍ଧି ପାଇଥାଏ । ଏତିସହିତ ଅନ୍ୟାନ୍ୟ ଶିରୀରିକ ଲାଭ ମଧ୍ୟ ମିଳିଥାଏ । ତେଣୁ ପ୍ରତ୍ୟେକ ଦିନ କିଛି ସମୟ ଚାଲିବା ଆମ ମସ୍ତିଷ୍କ ଏବଂ ଶରୀର ପାଇଁ ଖୁବ୍ ଲାଭ ଦାୟକ ।
୨-ସ୍କ୍ୱାଟ୍: ଆପଣଙ୍କ ମନର ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ, ଆପଣ ଜିମ୍ ରେ କଠିନ ପରିଶ୍ରମ କରିବା ଆବଶ୍ୟକ କରନ୍ତି ନାହିଁ । ସ୍କ୍ୱାଟସ୍ ସହିତ ଘରେ ଏହା କରାଯାଇପାରିବ । ତେବେ ସ୍କ୍ୱାଟ୍ ଏପରି ଏକ ଏକ୍ସରସାଇଜ ଯାହାକି ନିଜ ଶରୀର ସମସ୍ତ ଓଜନକୁ ଗୋଡ ଦ୍ୱାରା ନିୟନ୍ତ୍ରଣ କରିବା । ଶକ୍ତି ଏବଂ ସନ୍ତୁଳନ ଗଠନ ପାଇଁ ସ୍କ୍ୱାଟସ୍ ସର୍ବୋତ୍ତମ କାର୍ଯ୍ୟଶୈଳୀ ମଧ୍ୟରୁ ଗୋଟିଏ । ଏହି ଏକ୍ସରସାଇଜ କରିବା ଦ୍ୱାରା ହାପି ହରମୋନ୍ ରିଲିଜ ହୋଇଥାଏ । ଫଳରେ ଏହା ଦ୍ୱାରା ନୂତନ ମସ୍ତିଷ୍କ କୋଷଗୁଡ଼ିକର ବିକଶିତ ହୋଇଥାଏ । ତଣୁ ପ୍ରତ୍ୟେକ ଦିନ କିଛି ସମୟ ଏହି ସ୍କ୍ୱାଟ ଏକ୍ସରସାଇଜ କରିବା ଉଚିତ୍ ।
୩-ଏରୋବିକ୍ ବ୍ୟାୟାମ:ଏରୋବିକ୍ ବ୍ୟାୟାମରେ ପହଁରିବା, ଡେଇଁବା, ଚାଲିବା ଏବଂ ସାଇକେଲ ଚଲାଇବା ଆଦି ସାମିଲ ରହିଛି । ଅନ୍ତର୍ଭୁକ୍ତ ଏହା କୌଣସି ରହସ୍ୟ ନୁହେଁ ଯେ ଏରୋବିକ ବ୍ୟାୟାମ ମସ୍ତିଷ୍କର ବାର୍ଦ୍ଧକ୍ୟ ପ୍ରକ୍ରିୟାକୁ ମନ୍ଥର କରିବାରେ ସାହାଯ୍ୟ କରିଥାଏ। ଅତିରିକ୍ତ ଭାବରେ, ଏହି ବ୍ୟାୟାମଗୁଡିକ ଆପଣଙ୍କ ମନୋବଳ, ସ୍ମୃତିଶକ୍ତି, ରୋଗପ୍ରତିରୋଧକ ଶକ୍ତି , ଜ୍ଞାନଗତ କାର୍ୟ୍ୟ ଏବଂ ଧ୍ୟାନକୁ ବଢାଇବାରେ ସାହାଯ୍ୟ କରେ । ଏହା ମସ୍ତିଷ୍କରେ ଉପସ୍ଥିତ ଥିବା ସ୍ନାୟୁ ସଂଯୋଗକୁ ଦୃଢ କରିଥାଏ ଏବଂ ଚାପକୁ ହ୍ରାସ କରିଥାଏ । ତେଣୁ ପ୍ରତିଦିନ ଏପରି ବ୍ୟାୟାମ କରିବା ଶରୀର ପାଇଁ ଖୁବ୍ ଲାଭ ଦାୟକ ହୋଇଥାଏ ।
୪-ନୃତ୍ୟ:ମନୋବଳ ଏବଂ ମାନସିକ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ନୃତ୍ୟ ହେଉଛି ଏକ ସର୍ବୋତ୍ତମ ମସ୍ତିଷ୍କ ବ୍ୟାୟାମ । ଅନେକ ଗବେଷଣାରୁ ଏହା ଜଣାପଡିଛି ଯେ, ନୃତ୍ୟ ଡିମେନ୍ସିଆର ଆଶଙ୍କା ହ୍ରାସ କରିବାରେ ସାହାଯ୍ୟ କରିଥାଏ । ଏଥିସହିତ ସ୍ମୃତି ଶକ୍ତି ବୃଦ୍ଧି କରିବାରେ ସାହାଯ୍ୟ କରେ । ତେଣୁ ପ୍ରତ୍ୟେକ ବ୍ୟକ୍ତି ସବୁଦିନ କିଛି ସମୟ ମନ ଖୁସିରେ ନାଚିବା ଜରୁରୀ ।
୫-ନିଶ୍ୱାସ ପ୍ରଶ୍ୱାସ ଏକ୍ସରସାଇଜ: ଶ୍ୱାସକ୍ରିୟା ବ୍ୟାୟାମ ଆପଣଙ୍କ ଶରୀର ଏବଂ ମନ ପାଇଁ ଅନେକ ଉପକାର କରିଥାଏ । ଆପଣ ଏହାକୁ ଆରାମ ଦେବା, ମାଂସପେଶୀ ବୃଦ୍ଧି, ରକ୍ତଚାପ କମାଇବା, ହୃଦସ୍ପନ୍ଦନକୁ ନିୟନ୍ତ୍ରଣ କରିବା ଏବଂ ରକ୍ତ ଅମ୍ଳଜାନ ସ୍ତର ବୃଦ୍ଧି କରିବା ପାଇଁ ବ୍ୟବହାର କରିପାରିବେ । ଆପଣ ମସ୍ତିଷ୍କର ସୁସ୍ଥତା ପାଇଁଧୀର ଏବଂ ଗଭୀର ନିଶ୍ୱାସ ନେବା ଅଭ୍ୟାସ କରନ୍ତୁ । ଏହା ଆପଣଙ୍କ ଶରୀରକୁ ଅନେକ ଫାଇଦା ଯୋଗାଇବା ।
