ଘନ କୁହୁଡି ନେଲା ଜୀବନ, ଦୁର୍ଘଟଣା ରେ ୨ ମୃତ ଓ ୫ଆହତ
ଯାଜପୁର: ଘନ କୁହୁଡିରେ ଚାଲିଗଲା 2ଜୀବନ। ୧୬ ନମ୍ବର ଜାତୀୟ ରାଜପଥ କୁଆଖିଆ ବାରବାଟୀ ଇଣ୍ଡିଆନ ପେଟ୍ରୋଲପମ୍ପ ନିକଟରେ ଘଟିଛି ମର୍ମାନ୍ତୁଦ ସଡ଼କ ଦୁର୍ଘଟଣା। ଆଜି ସକାଳେ ଯାଜପୁର ଜିଲ୍ଲା କୁଆଖିଆ ଥାନା ଅନ୍ତର୍ଗତ ମୂଳାପାଳ ଛକ ୧୬ ନଂ ଜାତୀୟ ରାଜପଥରେ ସଡ଼କ ଦୁର୍ଘଟଣାରେ ଦୁଇଜଣଙ୍କର ମୃତ୍ୟୁ ହୋଇଥିବାବେଳେ ୫ ଜଣ ଆହତ ହୋଇଛନ୍ତି। ଜଗତସିଂହପୁରରୁ କାର୍ ଯୋଗେ ଗୋଟିଏ ପରିବାର ତାରିଣୀ ଦର୍ଶନ ପାଇଁ ଯାଉଥିବାବେଳେ ପଛରୁ ଟ୍ରଲର ଧକ୍କା ଦେଇଥିଲା।
ଜଗତସିଂହପୁରରୁ ଏମାନେ କାର୍ଯୋଗେ ଘଟଗାଁ ତାରିଣୀ ଦର୍ଶନ କରିବାକୁ ଯାଉଥିବା ବେଳେ ବାଟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣା ପରେ ଆହତ ମାନଙ୍କୁ ନିକଟସ୍ଥ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ଦୁଇ ଜଣଙ୍କୁ ମୃତ ଘୋଷଣା କରିଥିଲେ। ଆହତ ୫ ଜଣ ସେଠାରେ ଚିକିତ୍ସାଧିନ ରହିଛନ୍ତି। ମୃତ ଯୁବକ ଦ୍ୱୟ ଜଗତସିଂହପୁର ଜିଲ୍ଲା ଏରସମା ଅଞ୍ଚଳର ବୋଲି ଜଣାପଡିଛି। କୁଆଖିଆ ଥାନା ଥାନା ପକ୍ଷରୁ ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି।
