କୋଟି କୋଟି ଯାତ୍ରୀଙ୍କୁ ଝଟକା ଦେଲା ରେଳବାଇ, ଟ୍ରେନରୁ ହଟିଲା ସାଧାରଣ ବଗି !
ନୂଆଦିଲ୍ଲୀ : ରେଳବାଇ ଦ୍ୱାରା ଏକ ବଡ ନିଷ୍ପତ୍ତି ନିଆଯାଇଛି । ଯଦି ଆପଣ ମଧ୍ୟ ଟ୍ରେନରେ ଯାତ୍ରା କରନ୍ତି, ତେବେ ଏହା ଆପଣଙ୍କ ପାଇଁ ଏକ ବଡ ଝଟକା ହୋଇପାରେ। ଅନେକ ଟ୍ରେନରୁ ସାଧାରଣ କୋଚ୍ ହଟାଇବାକୁ ରେଳବାଇ ଏବେ ନିଷ୍ପତ୍ତି ନେଇଛି। ଯଦି ଆପଣ ମଧ୍ୟ ୟୁପି ଯାତ୍ରା କରିବାକୁ ଯୋଜନା କରୁଛନ୍ତି, ତେବେ ଆପଣ ଅସୁବିଧାର ସମ୍ମୁଖୀନ ହୋଇପାରନ୍ତି । କେଉଁ ଟ୍ରେନରୁ ଏବଂ ରେଳବାଇ ସାଧାରଣ କୋଚଗୁଡ଼ିକୁ କାହିଁକି ହଟାଇ ଦେଇଛି ଆସନ୍ତୁ ଜାଣିବା :
ପ୍ରତିଦିନ ଦିଲ୍ଲୀରୁ ୟୁପି ପର୍ଯ୍ୟନ୍ତ ଅନେକ ଟ୍ରେନ୍ ଚଳାଚଳ କରିଥାଏ, କିନ୍ତୁ ସେଥିମଧ୍ୟରୁ ଗୋରଖପୁର ଅଭିମୁଖେ ଯାଉଥିବା ଟ୍ରେନ୍ ସମ୍ପର୍କରେ ଏହି ନିଷ୍ପତ୍ତି ନିଆଯାଇଛି। ଗୋରାଖଧାମ୍ ଏକ୍ସପ୍ରେସ ସମେତ ଅନେକ ଟ୍ରେନରେ ସାଧାରଣ କୋଚ୍ ସଂଖ୍ୟା ହ୍ରାସ କରିବାକୁ ରେଳବାଇ ନିଷ୍ପତ୍ତି ନେଇଛି।ବର୍ତ୍ତମାନଠାରୁ ସାଧାରଣ କୋଚ୍ ସ୍ଥାନରେ ଏୟାର କଣ୍ଡିସନର ବଗି ଲଗାଯିବ ବୋଲି ସୂଚନାମିଳିଛି । ରେଳବାଇର ଏହି ନିଷ୍ପତ୍ତି ସାଧାରଣ ଲୋକଙ୍କ ପକେଟରେ ଉପରେ ଏହାର ପ୍ରଭାବ ପଡ଼ିବ ।
ଏଥି ସହିତ, ଗରିବ ଶ୍ରେଣୀର ଲୋକମାନଙ୍କ ପାଇଁ ଏହା ଏକ ଶକ୍ତ ଝଟକା । ସୂଚନାମୁତାବକ ଦୁଇ ବର୍ଷ ପୂର୍ବେ ଗୋରଖଧାମ୍ ଏକ୍ସପ୍ରେସରେ ୯ ଟି ସାଧାରଣ ବଗି ରହିଥିଲା, କିନ୍ତୁ ଗୁରୁବାର ଠାରୁ ଏହି ଟ୍ରେନରେ କେବଳ ୩ ଟି କୋଚ୍ ବ୍ୟବହାର କରାଯିବ । ଏହି ବଗିଗୁଡ଼ିକ ବଦଳରେ ରେଳବାଇ ୭ ଟି ଶୀତତାପ ନିୟନ୍ତ୍ରିତ ବଗି ସ୍ଥାପନ କରିବାକୁ ନିଷ୍ପତ୍ତି ନେଇଛି । ଏହା ସହିତ ଅନ୍ୟାନ୍ୟ ଟ୍ରେନରେ ସାଧାରଣ ବଗି ସଂଖ୍ୟା ମଧ୍ୟ ହ୍ରାସ ପାଇଛି ।
ସୂଚନା ଦେଇ ରେଳବାଇର ମୁଖ୍ୟ ଜନସମ୍ପର୍କ ଅଧିକାରୀ ପଙ୍କଜ କୁମାର ସିଂ କହିଛନ୍ତି ଯେ ସ୍ଲୀପରରେ ଯାତ୍ରା କରୁଥିବା ଯାତ୍ରୀମାନେ ବର୍ତ୍ତମାନ ଏସି ଦ୍ୱାରା ଯାତ୍ରା କରୁଛନ୍ତି, ଯେଉଁଥିପାଇଁ ଏସିର ଅପେକ୍ଷା ତାଲିକା ବୃଦ୍ଧି ପାଉଛି। ଏହାକୁ ତଦାରଖ କରାଯାଉଛି। ଯାହାର ଫଳ ସ୍ୱରୂପ ଏବେ ରେଳବାଇ ସାଧାରଣ ବଗି ସଂଖ୍ୟା ହ୍ରାସ କରିବାକୁ ନିଷ୍ପତ୍ତି ନେଇଛି।