ସାବଧାନ୍ ! ଓଜନ ହ୍ରାସ ବଡ଼ ରୋଗର ଲକ୍ଷଣ ହୋଇପାରେ
ଭୁବନେଶ୍ୱର : ଫ୍ୟାଟି ଲିଭର ରୋଗ ହେତୁ ଯକୃତରେ ଅଧିକ ପରିମାଣର ଚର୍ବି ଜମା ହେବା ଆରମ୍ଭ କରେ । ଯକୃତରେ ଚର୍ବି ଜମା ହେବାର ଅନେକ କାରଣ ହୋଇପାରେ । ଏହା ଅତ୍ୟଧିକ ମଦ୍ୟପାନ କରିବା ଏବଂ ଅସ୍ୱାସ୍ଥ୍ୟକର ଜୀବନଶୌଳୀ ଏହାର ମୁଖ୍ୟ କାରଣ ହୋଇପାରେ । ଫ୍ୟାଟି ଲିଭର ରୋଗର ପ୍ରାରମ୍ଭିକ ଲକ୍ଷଣ ଚିହ୍ନଟ କରିବା ଅତ୍ୟନ୍ତ କଷ୍ଟକର । କିନ୍ତୁ ଯଦି ଆପଣ ଥକାପଣ, ଦୀର୍ଘ ସମୟ ପର୍ୟ୍ୟନ୍ତ ଓଜନ କମିବା ସହିତ ପେଟ ଯନ୍ତ୍ରଣା ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ନିଶ୍ଚିତ ଭାବରେ ଡାକ୍ତରଙ୍କୁ ଦେଖା କରନ୍ତୁ ।
ଯଦି ଫ୍ୟାଟି ଲିଭର ରୋଗକୁ ଠିକ୍ ସମୟରେ ଚିକିତ୍ସା କରା ନ ଯାଏ, ତେବେ ଏହା ମଧୁମେହ, ହୃଦଘାତ ଏବଂ ଷ୍ଟ୍ରୋକ ଇତ୍ୟାଦି ଆଶଙ୍କା ବଢାଇଥାଏ । ତେଣୁ ଯଦି ଆପଣ ଫ୍ୟାଟି ଲିଭର ରୋଗ ସହିତ ମଧ୍ୟ ସଂଘର୍ଷ କରୁଛନ୍ତି, ତେବେ ଆମେ ଆପଣଙ୍କୁ ଏପରି କିଛି ପଦକ୍ଷେପ ବିଷୟରେ କହିବାକୁ ଯାଉଛୁ ଯାହା ଦ୍ୱାରା ଆପଣ ଏହି ରୋଗରୁ ମୁକ୍ତି ପାଇପାରିବେ।
ଫାଷ୍ଟିଂ ବା ଉପବାସ- ଇଲିନୋଇସ୍ ଚିକାଗୋ ବିଶ୍ୱବିଦ୍ୟାଳୟର ଏକ ସର୍ଭେ ରିପୋର୍ଟରୁ ଜଣାପଡିଛି ଯେ, ବ୍ୟାୟାମ କରିବା ସହିତ ଗୋଟିଏ ଦିନ ଛାଡି ଅନ୍ୟ ଗୋଟିଏ ଦି ଉପବାସ କରିବା ଦ୍ୱାରା ଏହି ରୋଗକୁ ଆୟତ୍ତ କରାଯାଇପାରିବ ।
ଇନଟେନ୍ସ ଏରୋବିକ୍ସ – ଏକ ଅଧ୍ୟୟନରେ ଜଣାପଡିଛି ଯେ ପ୍ରତି ସପ୍ତାହରେ ୧୫୦ ମିନିଟ୍ ଇନଟେନ୍ସ ଏରୋବିକ୍ସ କରିବା ଦ୍ୱାରା ଫ୍ୟାଟି ଲିଭର ସମସ୍ୟାରୁ ମୁକ୍ତି ମିଳିପାରିବ।
ମେଡିଟେରେନିୟନ୍ ଡାଏଟ୍ – ଏକ ଅଧ୍ୟୟନରେ ଏହା ଜଣାପଡିଛି ଯେ ମେଡିଟେରେନିୟନ ଡାଏଟ୍ ଅନୁସରଣ କରି ଫ୍ୟାଟି ଲିଭର ସମସ୍ୟାରୁ ମୁକ୍ତି ମିଳିପାରିବ। ଏହି ଖାଦ୍ୟରେ ବିଭିନ୍ନ ପ୍ରକାରର ଫଳ, ପନିପରିବା, ଶସ୍ୟ, ବାଦାମ ଏବଂ ମଞ୍ଜି ଅନ୍ତର୍ଭୁକ୍ତ ।
ଫ୍ୟାଟି ଲିଭର କ’ଣ ବିପଦ
ଯଦି ଆପଣ ଫ୍ୟାଟି ଲିଭର ସମସ୍ୟାରୁ ମୁକ୍ତି ପାଇବାକୁ ଚାହାଁନ୍ତି, ତେବେ ସର୍ବପ୍ରଥମେ ଏହାର କାରଣ ବିଷୟରେ ଜାଣିବା ଆବଶ୍ୟକ । ମେଦବହୁଳତା, ନିଦ୍ରା, ଉଚ୍ଚ ସ୍ତରର ଟ୍ରାଇଗ୍ଲାଇସରାଇଡ୍, ହାଇପୋଥାଇରଏଡାଇଜିମ୍ ଏବଂ ମଧୁମେହ ଫ୍ୟାଟି ଲିଭର ରୋଗ ହେବାର ଆଶଙ୍କା ବଢାଇଥାଏ । ବେଳେବେଳେ କେତେକ ଔଷଧ ଯୋଗୁଁ ଫ୍ୟାଟି ଲିଭର ସମସ୍ୟା ବଢିଥାଏ । ଏଥିପାଇଁ ଏକ ସୁସ୍ଥ ଖାଦ୍ୟ ସହିତ ଆପଣ ଏକ ଠିକ୍ ଓଜନ ବଜାୟ ରଖିବା ଏବଂ ପ୍ରତିଦିନ ବ୍ୟାୟାମ କରିବା ଜରୁରୀ ।
