ଉମେଶ ପାଲ ହତ୍ୟା ମାମଲା: ପୋଲିସ ଏନକାଉଣ୍ଟରରେ ଅଭିଯୁକ୍ତ ଗାଡି ଚାଳକ ଅରବାଜର ମୃତ୍ୟୁ
ନୂଆଦିଲ୍ଲୀ : ପ୍ରୟାଗରେ ଉମେଶ ପାଲ ଏବଂ ତାଙ୍କ ବନ୍ଧୁକଧାରୀ ବା ଗନରଙ୍କୁ ହତ୍ୟା ମାମଲାରେ ନୁଆ ତଥ୍ୟ ସାମ୍ନାକୁ ଆସିଛି। ପୋଲିସ ଏନକାଉଣ୍ଟରରେ ଅରବାଜ ନାମକ ଜଣେ ନିହତ ହୋଇଛି । ପୋଲିସଠାରୁ ମିଳିଥିବା ସୂଚନା ଅନୁଯାୟୀ ଅଭିଯୁକ୍ତ ଅରବାଜ ଏହି ଘଟଣାରେ ବ୍ୟବହୃତ କାର ଚଳାଉଥିଲେ। ସୂଚନାନୁସାରେ ଅଭିଯୁକ୍ତ ଅରବାଜ ପ୍ରଥମେ ପୋଲିସ ଦଳ ଉପରେ ଗୁଳି ଚଳାଇଥିଲେ। ଏହାର ପାଲଟା ଆକ୍ରମଣରେ ଅଭିଯୁକ୍ତର ମୃତ୍ୟୁ ଘଟିଛି ।
ଶୁକ୍ରବାର ଦିନ ପ୍ରୟାଗରାଜରେ ଉମେଶ ପାଲ ହତ୍ୟା ମାମଲାରେ ସମ୍ପୃକ୍ତ ଅରବାଜ ସୋମବାର ଅପରାହ୍ନରେ ପୋଲିସର ସହ ମୁହାଁମୁହିଁ ହୋଇଥିଲା। କୁହାଯାଉଛି ଯେ ଧୁମଙ୍ଗଞ୍ଜ ଅଞ୍ଚଳର ନେହେରୁ ପାର୍କ ନିକଟରେ ଅରବାଜ ର ଏନକାଉଣ୍ଟର ହୋଇଛି।
ଅରବାଜ ପ୍ରଥମେ ସୁଟରମାନଙ୍କୁ ଉମେଶ ପାଲଙ୍କ କାର ଆଗରେ ଛାଡିଥିଲା ଏବଂ ପରେ କାରଟିକୁ ଅନ୍ୟ ପାର୍ଶ୍ୱକୁ ଆଣିଥିଲା । ସୁଟମାନେ କାରରୁ ଓହ୍ଲାଇବା ମାତ୍ରେ ସେ କାରକୁ ଦ୍ରୁତ ଗତିରେ ନେଇ ପଳାଇଥିଲା ।
ସୂଚନାଯୋଗ୍ୟ, ଉମେଶ ପାଲ ଉପରେ ଆକ୍ରମଣ କରିବା ପରେ ଆରବାଜଙ୍କ ଚେହେରା ମଧ୍ୟ ସିସିଟିଭି ଫୁଟେଜରେ ସ୍ପଷ୍ଟ ହୋଇଥିଲା । ଜାଣିବାକୁ ମିଳିଥିଲା ଯେ ପୁରାମୁଫ୍ଟିର ସାଲାହପୁର ନିବାସୀ ଅରବାଜ ନାମକ ଜଣେ ଦୁର୍ଦ୍ଦାନ୍ତ ଅପରାଧୀ କାର ଚଳାଉଥିଲେ। ପୋଲିସ ତାକୁ ଖୋଜୁଥିଲା। ସେ ନିୱାନ ଅଞ୍ଚଳରେ ଲୁଚି ରହିଛନ୍ତି। ନେହେରୁ ପାର୍କରେ କ୍ରାଇମ ବ୍ରାଞ୍ଚ ସହ ମୁହାଁମୁହିଁ ହେବା ବେଳେ ଜଣେ କନଷ୍ଟେବଳଙ୍କୁ ଆହତ କରି ପୋଲିସ ଉପରକୁ ଗୁଳି ଚଳାଇଥିଲେ। ପୋଲିସ ମଧ୍ୟ ପାଲଟା ଗଳି ଚଳାଇଥିଲା। ତା ଛାତି ଏବଂ ଗୋଡ ରେ ଗୁଳି ବାଜିଥିଲା । ପୋଲିସ ଆହତ ଅରବାଜଙ୍କୁ ସ୍ୱରୋପ୍ରାନୀ ନେହେରୁ ହସ୍ପିଟାଲକୁ ଚିକିତ୍ସା ପାଇଁ ପଠାଇଥିଲେ, ଯେଉଁଠାରେ ତାଙ୍କର ମୃତ୍ୟୁ ହୋଇଥିଲା।