ଭାରତରେ ସକାଳୁ କମ୍ପିଲା ପୃଥିବୀ, ଏହି ସ୍ଥାନରେ ଅନୁଭୂତ ହେଲା ପ୍ରବଳ କମ୍ପନ
ନୂଆଦିଲ୍ଲୀ: ସୋମବାର ସକାଳେ ଆଣ୍ଡାମାନ-ନିକୋବର ଦ୍ୱୀପପୁଞ୍ଜର ନିକୋବର ଦ୍ୱୀପପୁଞ୍ଜରେ ଭୂକମ୍ପ ଅନୁଭୂତ ହୋଇଛି। ନ୍ୟାସନାଲ ସେଣ୍ଟର ଫର ସେସମୋଲୋଜି ରିପୋର୍ଟ ଅନୁଯାୟୀ ସକାଳ ପ୍ରାୟ ୫.୭ ସମୟରେ କମ୍ପନ ଅନୁଭୂତ ହୋଇଥିଲା। ଏହି ଭୂକମ୍ପର ତୀବ୍ରତା ରିଚ୍ଟର ସ୍କେଲରେ ୫.୦ ରେ ମାପ କରାଯାଇଛି। ତେବେ ଏପର୍ଯ୍ୟନ୍ତ କୌଣସି କ୍ଷୟକ୍ଷତି ହୋଇନାହିଁ।
ତୁର୍କୀ ଏବଂ ସିରିଆରେ ହୋଇଥିବା ଭୂକମ୍ପ ସମଗ୍ର ବିଶ୍ୱକୁ ଭୟଭୀତ କରିଛି। ପ୍ରାୟ ୫୦ହଜାର ଲୋକଙ୍କ ମୃତ୍ୟୁ ପରେ ଲୋକମାନେ ଭୂକମ୍ପକୁ ନେଇ ଚିନ୍ତିତ ଅଛନ୍ତି। ନିକଟରେ ଭାରତର ଅନେକ ରାଜ୍ୟ ମଧ୍ୟ ଭୂକମ୍ପରେ ଅଧିକ ପ୍ରଭାବିତ ଅଞ୍ଚଳରେ ଆସିଛନ୍ତି। ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡ ଦେଶକୁ ପାଞ୍ଚଟି ଭିନ୍ନ ଭୂକମ୍ପ ଅଞ୍ଚଳରେ ବିଭକ୍ତ କରିଛି। ପଞ୍ଚମ ଜୋନରେ ପଡୁଥିବା ଅଞ୍ଚଳଗୁଡିକ ସବୁଠାରୁ ବିପଜ୍ଜନକ ଏବଂ ସକ୍ରିୟ ଭାବରେ ବିବେଚନା କରାଯାଏ। ଏହି ଜୋନରେ ପଡୁଥିବା ରାଜ୍ୟଗୁଡିକ ଭୟଙ୍କର ବିନାଶର ଶିକାର ହୋଇପାରନ୍ତି।
An earthquake of magnitude 5.0 occurred in the Nicobar islands region at around 5:07 am today: National Center for Seismology pic.twitter.com/kfiK3O7Xno
— ANI (@ANI) March 6, 2023
ତେବେ ଏହି ପଞ୍ଚମ ଜୋନରେ ଜାମ୍ମୁ କାଶ୍ମୀର, ହିମାଚଳର ପଶ୍ଚିମ ଭାଗ, ଗୁଜୁରାଟର କୁଚ୍, ଉତ୍ତରାଖଣ୍ଡର ପୂର୍ବ ଅଞ୍ଚଳ, ଉତ୍ତର ବିହାରର ଅଞ୍ଚଳ, ଭାରତର ସମସ୍ତ ଉତ୍ତର-ପୂର୍ବ ରାଜ୍ୟ, ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ ରହିଛି। ରାଜସ୍ଥାନ, ହରିୟାଣା, ମଧ୍ୟପ୍ରଦେଶ, ମହାରାଷ୍ଟ୍ର, ଓଡିଶା, ତେଲେଙ୍ଗାନା ଏବଂ ତାମିଲନାଡୁର କିଛି ଅଂଶ ଦ୍ୱିତୀୟ ଜୋନରେ ରହିଛନ୍ତି। ସେହିଭଳି ଚତୁର୍ଥ ଜୋନରେ ଲଦାଖ, ହିମାଚଳ ଏବଂ ଉତ୍ତରପ୍ରଦେଶର କିଛି ଅଞ୍ଚଳ, ହରିୟାଣା, ପଞ୍ଜାବ, ଦିଲ୍ଲୀ, ଉତ୍ତରପ୍ରଦେଶର ଉତ୍ତର ଅଞ୍ଚଳ, ବିହାର ଏବଂ ପଶ୍ଚିମବଙ୍ଗ, ଗୁଜୁରାଟର କିଛି ଅଂଶ, ପଶ୍ଚିମ ଉପକୂଳ ନିକଟ ମହାରାଷ୍ଟ୍ରର କିଛି ଅଂଶ ଏବଂ ପଶ୍ଚିମ ରାଜସ୍ଥାନର କିଛି ଅଞ୍ଚଳ ସାମିଲ। ଦେଶର ମୋଟ ଜମିର 11 ପ୍ରତିଶତ ପଞ୍ଚମ ଜୋନରେ ଆସିଥାଏ। ଅନ୍ୟପକ୍ଷରେ, 18 ପ୍ରତିଶତ ଜମି ଚତୁର୍ଥ ଜୋନରେ, 30 ପ୍ରତିଶତ ତୃତୀୟ ଏବଂ ଦ୍ୱିତୀୟ ଜୋନ୍ରେ ଆସିଥାଏ।
