(Video) Wrestler ସୁମୋ, ଏଲନ ମସ୍କ ମଧ୍ୟରେ କାହିଁକି ଏ ଯୁଦ୍ଧ? ଭାଇରାଲ ହେଉଛି ଫଟୋ…
ନୂଆଦିଲ୍ଲୀ: ସୋସିଆଲ ମିଡିଆରେ ଟ୍ୱିଟରର ସିଇଓ ଏଲନ ମସ୍କଙ୍କୁ ନେଇ ଅଧିକାଂଶ ସମୟରେ ଚର୍ଚ୍ଚା ଲାଗି ରହିଛି । ତେବେ ଏହାମଧ୍ୟରେ ତାଙ୍କର ଏକ ଫଟୋ ଏବେ ଖୁବ ଭାଇରାଲ ହେବାରେ ଲାଗିଛି । ଏହି ଫଟୋରେ ରେସଲିଙ୍ଗ ଦୁନିଆର ସୁପରଷ୍ଟାର ରେସଲର ସୁମୋଙ୍କ ସହ ଆଖଡାରେ ଲଢେଇ କରୁଥିବାର ଦେଖାଯାଉଛି । ତେବେ ଏହି ପୋଷ୍ଟ ପରେ ଅନେକ ଲୋକଙ୍କ ମନରେ ଗୁଡାଏ ପ୍ରଶ୍ନ ଉଙ୍କି ମାରିଛି । ତେଣୁ ଏସବୁ ପ୍ରଶ୍ନର ଉତ୍ତର ରଖିଛନ୍ତି ଟ୍ୱିଟର ସିଇଓ ଏଲନ ମସ୍କ ।
ଏହି ଫଟୋରେ ଜଣେ ୟୁଜର ଟ୍ୱିଟରରେ ସେୟାର କରିଛନ୍ତି । ସେ ଏହି ପୋଷ୍ଟରେ “ଏଲନ ମସ୍କ ସୁମୋ ରେସଲରଙ୍କ ସହ ଲଢେଇ କରୁଛନ୍ତି” ଲେଖି ଏଲନ ମସ୍କଙ୍କୁ ଟ୍ୟାଗ କରିଛନ୍ତି । ଫଟୋରେ ଦେଖାଯାଉଛି ଯେ, ଏଲନ ମସ୍କଙ୍କ ସାମନାରେ ସୁମୋ ରେସଲର ଠିଆ ହୋଇଛନ୍ତି ଏବଂ ସେ ତାଙ୍କ ସହ ଫାଇଟ କରିବାର ପୋଜ୍ ରେ ନଜର ଆସିଛନ୍ତି । ତେବେ ଏହି ଫଟୋରେ ଏଲନ ମସ୍କ ହସୁଥିବାର ନଜର ଆସିଛି, ଯେଉଁଥିରୁ ଜଣାଯାଉଛି ଯେ ଏହା ଏକ ବନ୍ଧୁତାପୂର୍ଣ୍ଣ ମ୍ୟାଚ ହୋଇପାରେ । ତେବେ ୟୁଜରଙ୍କ ପୋଷ୍ଟ ପରେ ଏହାକୁ ରିପ୍ଲାଏ କରିଛନ୍ତି ଏଲନ ମସ୍କ । ଏହି ଫଟୋ ତାଙ୍କ ନିଜର ବୋଳି ସେ ଏଥିରେ ସ୍ପଷ୍ଟ କରିଛନ୍ତି । କିନ୍ତୁ ଏହି ଫାଇଟରେ ମିଳିଥିବା ଆଘାତର ଯନ୍ତ୍ରଣା ସେ ୮ ବର୍ଷ ପରେ ବି ଆଜି ଭୁଲି ପାରି ନାହାନ୍ତି । ତାଙ୍କର ଏହି ରିପ୍ଲାଏ ପରେ ପୋଷ୍ଟଟି ଆହୁରି ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ୟୁଜର ଏହି ପୋଷ୍ଟରେ ବିଭିନ୍ନ ପ୍ରକାର ପ୍ରତିକ୍ରିୟା ଦେଉଛନ୍ତି ।
Elon Musk fighting a sumo wrestler. @elonmusk pic.twitter.com/HKiwOM5PaL
— DogeDesigner (@cb_doge) March 5, 2023
ଅନେକ ଲୋକ କମେଣ୍ଟରେ ଏହି ଫାଇଟର ପରିଣାମ ପଚାରୁଥିବା ବେଳେ କିଏ ଏହାକୁ ଜିତିଥିଲା ବୋଲି କିଛି ୟୁଜର ପ୍ରଶ୍ନ କରିଛନ୍ତି । ଆଉ କିଛି ଏହା ମଧ୍ୟ ପଚାରିଛନ୍ତି ଯେ, ମ୍ୟାଚରେ ସୋମୁ ରେସଲର ଆପଣଙ୍କୁ ଫିଙ୍ଗିଥିଲେ ନା ଆପଣ ତାଙ୍କୁ ବୋଲି ଏଲନ ମସ୍କଙ୍କୁ ପ୍ରଶ୍ନ ହୋଇଛି । ଅନ୍ୟ କିଛଇ ୟୁଜର ଏହାକୁ ନେଇ ମଜାଦାର କମେଣ୍ଟ ମଧ୍ୟ ଦେଉଥିବା ଦେଖିବାକୁ ମିଳିଛି । ତେବେ ବର୍ତ୍ତମାନ ଏହି ଫଟୋ ଏବଂ ପୋଷ୍ଟ ଖୁବ ଭାଇରାଲ ହେବାରେ ଲାଗିଛି ।
