ରାଜଧାନୀରେ ଚାଞ୍ଚଲ୍ୟ ! ଅଟୋରୁ ଅଜଣା ମୃତଦେହ ଉଦ୍ଧାର

ଭୁବନେଶ୍ୱର : ରାଜଧାନୀରେ ଚାଞ୍ଚଲ୍ୟ । ରମାଦେବୀ ବିଶ୍ବବିଦ୍ୟାଳୟ କ୍ୟାମ୍ପସ୍ ପାଖରେ ଥିବା ଏକ ଅଟୋ ମଧ୍ୟରୁ ମୃତଦେହ ଉଦ୍ଧାର ହୋଇଛି । ମୃତକଙ୍କ ବୟସ ୩୫ରୁ ୪୦ ବର୍ଷ ମଧ୍ୟରେ ହେବା ଅନୁମାନ କରାଯାଉଛି । ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ । ପୋଲିସ ଅପମୃତ୍ୟୁ ମାମଲା ରୁଜୁ  କରି  ତଦନ୍ତ ଆରମ୍ଭ କରିଛି । ଅଟୋ ଚାଳକ ପାହାଳ ଅଞ୍ଚଳର ବୋଲି ଜଣାପଡିଛି । ଡ୍ରାଇଭରକୁ ଅଟକ ରଖି ପୋଲିସ ପଚରାଉଚରା କରୁଛି ।

ଅଟୋ ଚାଳକ ମଧ୍ୟ ମୃତ ବ୍ୟକ୍ତିଙ୍କ ସମ୍ପର୍କରେ ବିଶେଷ କିଛି ସୂଚନା ଦେଇ ପାରୁ ନାହାନ୍ତି । ତେବେ ଅଟୋରେ ମୃତଦେହ ରହିଥିବା ବେଳେ ଅଟୋ ଚାଳକ କପରି କିଛି ଜାଣି ପାରିଲେନି ତାହାକୁ ନେଇ ପ୍ରଶ୍ନ ସୃଷ୍ଟି ହୋଇଛି । ପୋଲିସ ବିଭିନ୍ନ ଦିଗରୁ ତଦନ୍ତ ଆରମ୍ଭ ଚଳାଇଛି । ମୃୃତଦେହର ପରିଚୟ ଖୋଜୁଛୁ ପୋଲିସ । ପରିଚୟ ମିଳିଲେ ମୃତକଙ୍କ ସମ୍ପର୍କୀୟଙ୍କୁ ଡାକି ପୋଲିସ ପଚରାଉଚରା କରିବ । ସିସିଟିଭି ଫୁଟେଜ୍ ଆଧାରରେ ପୋଲିସ ତଦନ୍ତ ଚଳାଇଛି ।