Video: ବାହାନଗା ଷ୍ଟେସନ ନିକଟରେ ଭୟଙ୍କର ଦୁର୍ଘଟଣା: ଟ୍ରେନ୍ ତେଳେ ଚାପି ହୋଇରହିଛନ୍ତି ଅନେକ ଯାତ୍ରୀ
ବାଲେଶ୍ୱର: ବାହାନଗା ଷ୍ଟେସନ୍ ନିକଟ ପଣପଣାଠାରେ କରମଣ୍ଡଳ ଏକ୍ସପ୍ରେସ୍ (୧୨୮୪୧-ଅପ୍) ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣା ଅତି ଭୟଙ୍କର ହୋଇଥିବା ବେଳେ ଟ୍ରେନ ବଗି ତଳେ ଅନେକ ଯାତ୍ରୀ ଚାପି ହୋଇ ରହିଥିବା ସୂଚନା ମିଳିଛି। ଘଟଣା ସ୍ଥଳରେ ଓଡ୍ରାଫ ଟିମ୍ ଉଦ୍ଧାର କାର୍ଯ୍ୟ କରୁଥିବା ବେଳେ NDRF ଟିମ୍ ମଧ୍ୟ ପଠା ଯାଇଛି। ରେଳବାଇ ପୁଲିସ ସହ ସ୍ଥାନୀୟ ସୋର ଓ ବାହାନଗା ପୁଲିସ ତଥା ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟରେ ଲାଗିଛନ୍ତି। ଆହତମାନଙ୍କୁ ନିକଟସ୍ଥ ବାହାନଗା, ସୋର ଓ ବାଲେଶ୍ବର ଡାକ୍ତରଖାନା ନିଆଯାଉଛି।
ଏହାରି ମଧ୍ୟରେ ଉଦ୍ଧାରକାର୍ଯ୍ୟ ଅଗ୍ନିଶମ ଡିଜି ସୁଧାଂଶୁ ଷଡ଼ଙ୍ଗୀଙ୍କୁ ସ୍ବତନ୍ତ୍ର ଦାୟିତ୍ବ ଦିଆଯାଇଛି ଏବଂ ବାଲେଶ୍ୱର ଜିଲ୍ଲାପାଳଙ୍କୁ ମଧ୍ୟ ଘଟଣାସ୍ଥଳରେ ପହଂଚିବାକୁ ମୁଖ୍ୟ ଶାସନ ସଚିବ ନିର୍ଦେଶ ଦେଇଛନ୍ତି। ଏହାରି ମଧ୍ୟରେ ଦୁର୍ଘଟଣା ଗ୍ରସ୍ଥ ଲୋକଙ୍କ ସହାୟତା ପାଇଁ ହେଲପ୍ଲାଇନ୍ ନମ୍ବର ୬୭୮୨୨୬୨୨୮୬, ହାୱଡା -୦୩୩-୨୬୩୮୨୨୧୭, ଖଡ଼ଗପୁର:୮୯୭୧୦୭୩୯୨୫, ୯୩୩୨୩୯୨୩୩୯, ବାଲେଶ୍ୱର-୮୨୪୯୫୯୧୫୫୯, ୭୯୭୮୪୧୮୩୨୨, ଶାଲିମାର ୯୯୦୩୩୭୦୭୪୬ ଜାରି କରିଛନ୍ତି ସରକାର। ଯଦି କାହାର ସମ୍ପର୍କିୟ କିମ୍ବା ପରିବାର ସଦସ୍ୟ ଯାତ୍ରା କରୁଥିଲେ ସେମାନଙ୍କ ବିଷୟରେ ଅଧିକ ସୂଚନା ଜାଣିବା ପାଇଁ ଏହି ନମ୍ବରରେ ଯୋଗାଯୋଗ କରିପାରିବେ ।
