ଆଖି ବୁଜିଲେ ଲୋକପ୍ରିୟ ଗାୟିକା ଶାରଦା ରାଜନ, କ୍ୟାନ୍ସର ସହ କରୁଥିଲେ ଲଢେଇ
ନୂଆଦିଲ୍ଲୀ: କଣ୍ଠଶିଳ୍ପୀ ତଥା ସଂଗୀତ ରଚନାକାର ଶାରଦା ରାଜନ ୮୬ ବର୍ଷ ବୟସରେ କର୍କଟ ରୋଗରେ ଦେହାନ୍ତ କରିଛନ୍ତି। ସେ ୧୯୬୬ ଚଳଚ୍ଚିତ୍ର ସୁରଜରେ ତିତିଲି ଉଡି ଗୀତ ପାଇଁ ଲୋକପ୍ରିୟ ହୋଇଥିଲେ। ସେ ତାଙ୍କର ଅନେକ ଚଳଚ୍ଚିତ୍ରରେ ଅଭିନେତ୍ରୀ ରାଜଶ୍ରୀଙ୍କ ପାଇଁ ଗୀତ ଗାଇଥିଲେ।
ତାଙ୍କର ସମ୍ପୂର୍ଣ୍ଣ ନାମ ଶାରଦା ରାଜନ ଆଇୟେଙ୍ଗର। ସେ ଏକ ତାମିଲ ପରିବାରରେ ଜନ୍ମଗ୍ରହଣ କରିଥିଲେ। ଫିଲ୍ମ ଇଣ୍ଡଷ୍ଟ୍ରିରେ ତାଙ୍କର ପ୍ରବେଶ ରାଜ କପୁରଙ୍କ ଦ୍ୱାରା ହୋଇଥିଲା। ରାଜ କପୁର ହିଁ ତାଙ୍କୁ ସଙ୍ଗୀତ ନିର୍ଦ୍ଦେଶକ ଶଙ୍କର-ଜୟକିଶାନଙ୍କ ସହ ପରିଚିତ କରାଇଥିଲେ। ସେ ତାଙ୍କୁ ସୋରାଜଙ୍କ ସହିତ ପ୍ରଥମ ବ୍ରେକ୍ ଦେଇଥିଲେ। ମହମ୍ମଦ ରାଫିଙ୍କ ସହ ତାଙ୍କର ଡେବ୍ୟୁ ଫିଲ୍ମ ପାଇଁ ସେ ଫିଲ୍ମଫେୟାର ପୁରସ୍କାର ଗ୍ରହଣ କରିଥିଲେ। ଲତା ମଙ୍ଗେଶକର ଏବଂ ଆଶା ଭୋସଲେ ସେହି ସମୟର ଅଧିକାଂଶ ଚଳଚ୍ଚିତ୍ରରେ ଗୀତ ଗାଉଥିଲେ, କିନ୍ତୁ ସେହି ସମୟରେ ପିଲାଙ୍କ ସ୍ୱର ପରି ଶାରଦାଙ୍କର ଥିଲା ଯାହା ଏକ ପରିବର୍ତ୍ତନ ଆଣିଥିଲା। ଲୋକମାନେ ତାଙ୍କ ସ୍ୱର ଠାରୁ ସତେଜତା ପାଇଥିଲେ।
ସେ ଏନ ‘ଇଭିନିଙ୍ଗ ଇନ ପେରିସ’, ‘ଅରାଉଣ୍ଡ ଦ ୱାର୍ଲଡ’, ‘ଗୁମନାମ’, ‘ସପନୋ କା ସୌଦାଗର’, ‘କଲ ଆଜ ଏବଂ କଲ’ ପରି ଫିଲ୍ମ ଲାଗି ଗୀତ ବୋଲିଥିଲେ । ସେହି ସମୟରେ ସେ ବୈଜୟନ୍ତିମାଲା, ମୁମତାଜ, ରେଖା, ଶର୍ମିଳା ଟାଗୋର, ହେମା ମାଲିନୀ ପରି ଅଭିନେତ୍ରୀଙ୍କ ପାଇଁ ଭଏସ୍ ଦେଇଥିଲେ ।
ଗାୟିକା ଶାରଦା ବହୁ ଭାରତୀୟ ଭାଷାରେ ମଧ୍ୟ ଗୀତ ଗାଇଛନ୍ତି ଏବଂ ସେ ନିଜ ସମୟର ପ୍ରାୟ ସଂଗୀତ ନିର୍ଦ୍ଦେଶକଙ୍କ ସହ କାମ କରିଛନ୍ତି । ୭୦ ଦଶକରେ ସେ ପପ୍ ଆଲବମ୍ ଲଞ୍ଚ କରିଥିଲେ ଏବଂ ମ୍ୟୁଜିକ ଡାଇରେକସନ୍ ଆଡକୁ ବଢିଯାଇଥିଲେ । ତାଙ୍କର ଲାଷ୍ଟ ମୁଭି ୮୦ ଦଶକରେ ‘ଆଇ କାଞ୍ଚ କି ଦିବାରେ’ ଥିଲା । ସେ ୨୦୦୭ରେ ଆଲବମ୍ ମିର୍ଜା ଗାଲିବ ଗଜଲ, ଅନ୍ଦାଜ-ଏବୟାଂରେ ନିଜ କମବ୍ୟାକ ମଧ୍ୟ କରିଥିଲେ । ତେବେ ସେ ଟ୍ୱିଟରରେ ବହୁତ ଆକ୍ଟିଭ୍ ଥିଲେ । ନିଜର ପୁରୁଣା ସ୍ମୃତି ସେଥିରେ ପୋଷ୍ଟ କରୁଥିଲେ ।