ଦାବି ପୂରଣ ନହେଲେ ଆସନ୍ତା ସପ୍ତାହରୁ କଳାବ୍ୟାଜ ପିନ୍ଧି ଆନ୍ଦୋଳନକୁ ଓହ୍ଲାଇବ ଆଦର୍ଶ ବିଦ୍ୟାଳୟ ଶିକ୍ଷକ ମହାସଂଘ
ଭୁବନେଶ୍ୱର: ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନ (OAVS) ଓଡ଼ିଶାରେ ଶିକ୍ଷାର ମାନକୁ ବୃଦ୍ଧି କରିପାରିଥିବା ବିଦ୍ୟାଳୟ ଓ ଗଣଶିକ୍ଷା ବିଭାଗ ଅନ୍ତର୍ଗତ ଓଡ଼ିଶା ସରକାରଙ୍କ ଏକ ପ୍ରମୁଖ ଯୁଗାନ୍ତକାରୀ ଅନୁଷ୍ଠାନ। ସମସ୍ତ ଓଡିଶା ଆଦର୍ଶ ବିଦ୍ୟାଳୟ ମାନ୍ୟବର ମୁଖ୍ୟମନ୍ତ୍ରୀଙ୍କର ସ୍ୱପ୍ନର ବିଦ୍ୟାଳୟ ଅଟେ । ସ୍ବର୍ଗତ ବିଜୁ ପଟ୍ଟନାୟକଙ୍କର ଜନ୍ମ ଶତବାର୍ଷିକ ଉପଲକ୍ଷେ ଏହା ୨୦୧୬ ମସିହାରେ ପ୍ରଥମ ଏବଂ ପରବର୍ତ୍ତୀ ପର୍ଯ୍ୟାୟରେ, ଓଡ଼ିଶାର ପୁରପଲ୍ଲୀରେ ପ୍ରତିଭାମାନ ଛାତ୍ରଛାତ୍ରୀଙ୍କ ପାଇଁ ମାଗଣା, ଗୁଣାତ୍ମକ ତଥା ଇଂରାଜୀ ମଧ୍ୟମ ଶିକ୍ଷାକୁ ସୁଗମ କରିବା ଦିଗରେ ରାଜ୍ୟର ସମସ୍ତ ବ୍ଲକରେ ଓଡ଼ିଶା ଆଦର୍ଶ ବିଦ୍ୟାଳୟ ପ୍ରତିଷ୍ଠା କରାଯାଇଛି। ସାମ୍ପ୍ରତିକ ବର୍ଷ ଗୁଡିକରେ ରାଜ୍ୟର କେତେକ ଓଡ଼ିଶା ଆଦର୍ଶ ବିଦ୍ୟାଳୟ ଭାରତରେ ସ୍କୁଲ ମାନ୍ୟତାରେ ଶୀର୍ଷରେ ରହିଛନ୍ତି।
ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନ (OAVS) ଅଧୀନରେ ଥିବା ଆଦର୍ଶ ବିଦ୍ୟାଳୟଗୁଡିକ ଗୁଣାତ୍ମକ ଶିକ୍ଷା ପାଇଁ ସମଗ୍ର ଭାରତରେ ଓଡ଼ିଶାର ନାମ ଏବଂ ଖ୍ୟାତି ସୃଷ୍ଟି କରିପାରିଛି । ବିଗତ ବର୍ଷରେ ଓଡ଼ିଶାର ସମସ୍ତ ଅଭିଭାବକ ଯେତେବେଳେ କି ସରକାରୀ ବିଦ୍ୟାଳୟ ମାନଙ୍କଠୁ ମୁହଁ ଫେରେଇ ନେଉଥିବା ବେଳେ ଆଜି କିନ୍ତୁ ଆଦର୍ଶ ବିଦ୍ୟାଳୟଗୁଡ଼ିକର ସଫଳତା ସେମାନଙ୍କୁ ନିଜର ପ୍ରଥମ ପସନ୍ଦ ଭାବରେ ନିଜ ପିଲାମାନଙ୍କୁ ଘରୋଇ ବିଦ୍ୟାଳୟ ପରିବର୍ତ୍ତେ ଏକ ଆଦର୍ଶ ବିଦ୍ୟାଳୟକୁ (OAV ) ପଠାଇବା ପାଇଁ ପ୍ରେରିତ କରୁଛି ।
ଏହା କହିବା ବାହୁଲ୍ୟ ଯେ ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନ (OAVS) ର ସମସ୍ତ ମାଇଲ ଖୁଣ୍ଟରେ ଶିକ୍ଷକ ଏବଂ କର୍ମଚାରୀଙ୍କ ଭୂମିକା ସର୍ବୋଚ୍ଚ ହୋଇଛି । କିନ୍ତୁ ଦୁଃଖ ଓ ପରିତାପର ବିଷୟ ଆଦର୍ଶ ବିଦ୍ୟାଳୟ ସଙ୍ଗଠନ ଅଧୀନରେ କାର୍ଯ୍ୟରତ ଶିକ୍ଷକମାନେ ନିଜର ମୌଳିକ ସୁବିଧା ପାଇବାରୁ ବଞ୍ଚିତ ହେଉଛନ୍ତି । ଓଡ଼ିଶା ସରକାରଙ୍କ ଅଧୀନରେ କାର୍ଯ୍ୟରତ ସମସ୍ତ କର୍ମଚାରୀ ମାନଙ୍କ ର ମାନବ ସମ୍ବଳ ପରିଚାଳନା ବ୍ୟବସ୍ଥା (HRMS ) ଅନ୍ତର୍ଗତ ଓ ସେମାନଙ୍କୁ ଓଡ଼ିଶା ରାଜକୋଷରୁ (ଟ୍ରେଜରୀ) ଦରମା ପ୍ରଦାନ କରାଯାଏ । କିନ୍ତୁ, ଆଦର୍ଶ ବିଦ୍ୟାଳୟ ସଂଗଠନ (OAVS) ଏପର୍ଯ୍ୟନ୍ତ ଏହାର କର୍ମଚାରୀମାନଙ୍କ ପାଇଁ ମାନବ ସମ୍ବଳ ପରିଚାଳନା ବ୍ୟବସ୍ଥା (HRMS )କାର୍ଯ୍ୟକାରୀ ଓ ଓଡ଼ିଶା ରାଜକୋଷରୁ ଦରମା ପ୍ରଦାନ କରିବାର ସୁବ୍ୟବସ୍ଥା କରାଯାଇନାହିଁ ।
୨୦୧୬ ମସିହା ଠାରୁ ଓ ଏ ଭି ଏ ସ୍ (OAVS ) ଦ୍ୱାରା ଜାରି କରାଯାଇଥିବା ବିଜ୍ଞପ୍ତି, ନିର୍ଦ୍ଦେଶ ଏବଂ ବିଜ୍ଞାପନରେ ଏହା ଉଲ୍ଲେଖ କରାଯାଇଛି ଯେ ବିଦ୍ୟାଳୟଗୁଡିକ (OAV) ସରକାରୀ ଅଟେ, କିନ୍ତୁ ଏଠାରେ କାର୍ଯ୍ୟରତ ଶିକ୍ଷକ ଏବଂ କର୍ମଚାରୀମାନଙ୍କୁ ସରକାରୀ କର୍ମଚାରୀ ଭାବରେ ବ୍ୟବହାର କରାଯାଏ ନାହିଁ। ଆମେ, କର୍ମଚାରୀମାନେ, ଅନିଶ୍ଚିତତା ସହିତ ଏକ ଆଘାତଜନିତ ଜୀବନଯାପନ କରୁଛନ୍ତି; ସେମାନେ ସେମାନଙ୍କ ସେବା ବୃତ୍ତି ଏବଂ ଭବିଷ୍ୟତ ବିଷୟରେ ନିଶ୍ଚିତ ନୁହଁନ୍ତି । ଏହା କର୍ମଚାରୀଙ୍କ ମଧ୍ୟରେ ଅସୁରକ୍ଷିତତା ଏବଂ ଦ୍ୱନ୍ଦ୍ୱ ସୃଷ୍ଟି କରୁଛି କାରଣ ସାତ (07) ବର୍ଷ ନିୟମିତ ସେବା ପ୍ରଦାନ କରିବା ଏବଂ ସଙ୍ଗଠନ (OAVS) କୁ ପ୍ରତିଷ୍ଠିତ କରିବା ପରେ ମଧ୍ୟ ଶିକ୍ଷକମାନେ ନିଜର ସ୍ଥିତି ବୁଝିବାରେ ଅସମର୍ଥ ।
ଉପରୋକ୍ତ ମୌଳିକ ଦାବି ଗୁଡ଼ିକ ବାରମ୍ବାର ଓଡ଼ିଶା ଆଦର୍ଶ ବିଦ୍ୟାଳୟ ସଙ୍ଗଠନର କତୃପକ୍ଷଙ୍କୁ ଅବଗତ କରାଇଥିଲେ ମଧ୍ୟ ତାହା ଏଯାବତ୍ କୌଣସି କାର୍ଯ୍ୟକାରୀ ହୋଇ ପାରିନାହିଁ। ତେଣୁ ଆସନ୍ତା ତା ୦୮.୦୯.୨୦୨୩ ରିଖ ମଧ୍ୟରେ ଓଡିଶା ଆଦର୍ଶ ବିଦ୍ୟାଳୟ ସଂଗଠନ OAVS ର ସମସ୍ତ କର୍ମଚାରୀଙ୍କ ପାଇଁ HRMS ଏବଂ ଟ୍ରେଜେରୀ ସେବା କାର୍ଯ୍ୟକାରୀ କରି ଆଦର୍ଶ ବିଦ୍ୟାଳୟ ଶିକ୍ଷକ ତଥା କର୍ମଚାରୀମାନଙ୍କୁ ରାଜ୍ୟ ସରକାରୀ କର୍ମଚାରୀଙ୍କ ସହ ସମାନ ଭାବରେ ବ୍ୟବହାର/ଗ୍ରହଣ କରିବା ସଂଗେସଂଗେ ଏକ ଗେଜେଟ୍ (ଓଡ଼ିଶା ଗ୍ୟାଜେଟ୍)ପ୍ରକାଶ କରାନଗଲେ ଆଦର୍ଶ ବିଦ୍ୟାଳୟ ଶିକ୍ଷକ ମହାସଂଘର ସମସ୍ତ ଶିକ୍ଷକମାନେ କଳାବ୍ୟାଚ୍ ପରିଧାନ କରିବା ସହିତ ଶୈକ୍ଷିକ କାର୍ଯ୍ୟରୁ ନିବୃତ ରହିବେ ଏବଂ ରାଜରାସ୍ତାରେ ଗଣ ଆନ୍ଦୋଳନ କରିବା ପାଇଁ ସ୍ଥିର କରିଛନ୍ତି ବୋଲି ମହାସଂଘର ଆବାହକ/ସଭାପତି ଦୀପକ କୁମାର ରାଉଳ ଓ ସାଧାରଣ ସମ୍ପାଦକ ସୁନୀଲ କୁମାର ସାହୁ ଚେତାବନୀ ଦେଇଛନ୍ତି।
