ପୁଣି ଥରେ ଅଚାନକ୍ ବାଜିଉଠିଲା ସ୍ମାର୍ଟଫୋନ୍, ୟୁଜର୍ସଙ୍କୁ ମିଳିଲା ଆଲର୍ଟ ମେସେଜ୍
ନୂଆଦିଲ୍ଲୀ: ସ୍ମାର୍ଟଫୋନରେ ପୁଣି ଥରେ ଲୋକମାନେ ଆଲର୍ଟ ମେସେଜ୍ ପାଇଛନ୍ତି । ଏହି ଆଲର୍ଟରେ କୁହାଯାଇଛି ଯେ, ଏହା ଏକ ସାମ୍ପଲ ଟେଷ୍ଟିଂ ଏବଂ ଭାରତ ସରକାରଙ୍କ ଟେଲିକମ୍ ବିଭାଗ ଦ୍ୱାରା ଏହି ଆଲର୍ଟ ପଠାଯାଇଛି ।
ଆଣ୍ଡ୍ରଏଡ୍ ସହିତ, ଆଇଫୋନ୍ ବ୍ୟବହାରକାରୀମାନଙ୍କୁ ମଧ୍ୟ ଏହି ଆଲର୍ଟ ମିଳିଛି । ଏହା ପ୍ରଥମ ଘଟଣା ନୁହେଁ । ଏହାପୂର୍ବରୁ ଲୋକମାନଙ୍କୁ ଅନେକ ଥର ଏହି ପ୍ରକାରର ଆଲର୍ଟ ମିଳିଛି ଏବଂ ଏହା ସେମାନଙ୍କୁ ଚକିତ କରିଛି । ଏକାସାଙ୍ଗରେ ଅନେକ ଲୋକଙ୍କ ଫୋନରେ ଆସୁଥିବା ଏଭଳି ଆଲର୍ଟ ଯୋଗୁଁ ଲୋକମାନେ ଭୟଭୀତ ହେଲେ ଏବଂ କାହିଁକି ଓ କ’ଣ ହେଲା ବୁଝିିପାରି ନଥିଲେ । ତେବେ ଆସନ୍ତୁ ଏହା ବିଷୟରେ …
ଫୋନରେ କରାଯାଉଛି ଟେଷ୍ଟିଂ :-
ଦିଲ୍ଲୀ-ଏନସିଆରର ଅନେକ ଆଣ୍ଡ୍ରଏଡ୍ ଏବଂ ଆଇଫୋନ୍ ବ୍ୟବହାରକାରୀଙ୍କ ଫୋନ୍ ହଠାତ୍ ମଙ୍ଗଳବାର ଅର୍ଥାତ୍ ଆଜି ୧୦ ଅକ୍ଟୋବର ୨୦୨୩ ରେ ବାଜିବା ଆରମ୍ଭ କଲା । ପ୍ରଥମେ ଫୋନରେ ଇଂରାଜୀରେ ଏବଂ ହିନ୍ଦୀରେ କିଛି ମିନିଟ୍ ପରେ ଆଲର୍ଟ ମିଳିଥିଲା । ଆଲର୍ଟରେ ଏକ ଓକେ ବଟନ୍ ଆସିଥିଲା । ଏହା ଉପରେ କ୍ଲିକ୍ କରି ଆପଣ ଆଲର୍ଟ ବନ୍ଦ କରିପାରିବେ । ଲୋକଙ୍କ ଫୋନରେ ଗୋଟିଏ ବିପ୍ ସହିତ ଫୋନରେ ଆଲର୍ଟ ମିଳିଛି ।
ଭଏସ୍ ମେସେଜ୍ ଆକାରରେ ମଧ୍ୟ ଆଲର୍ଟ :-
ଏଥର ୧୦-୧୫ ମିନିଟର ବ୍ୟବଧାନରେ ତିନି-ଚାରିଥର ଆଲର୍ଟ ଆସିଛି । ଟେକ୍ସଟ୍ ସହିତ ଭଏସ୍ ଆଲର୍ଟ ମଧ୍ୟ ମିଳିଛି । ଆଲର୍ଟ ଆସିବାର କିଛି ସମୟ ପରେ ଭଏସରେ ସେହି ଆଲର୍ଟକୁ ପଢ଼ିକରି ଶୁଣାଯାଉଛି ।
ଏହି ସତର୍କତା ଯୋଗୁଁ ଲୋକମାନେ ଭୟଭୀତ ହେବାର ଆବଶ୍ୟକତା ନାହିଁ । ଜରୁରୀକାଳୀନ ପରିସ୍ଥିତିରେ ଭାରତୀୟଙ୍କୁ ସତର୍କ ସୂଚନା ପଠାଇବା ପାଇଁ ଭାରତ ସରକାର ଏହା ପରୀକ୍ଷା କରୁଛନ୍ତି । ଏହିପରି ପରୀକ୍ଷା ପୂର୍ବରୁ ମଧ୍ୟ ଅନେକ ଥର କରାଯାଇଛି । ଏହାପୂର୍ବରୁ ସେପ୍ଟେମ୍ବର ୧୫ ରେ ଲୋକମାନେ ସମାନ ଆଲର୍ଟ ପାଇଥିଲେ । ଅଗଷ୍ଟ ୧୭ ଏବଂ ଜୁଲାଇ ୨୦ ରେ ଏକାସାଙ୍ଗରେ ଅନେକ ଲୋକଙ୍କୁ କଲ ଯାଇଥିଲା । ଏହି ଆଲର୍ଟଗୁଡିକ ଟେଲି ଯୋଗାଯୋଗ ବିଭାଗର ବ୍ରଡକାଷ୍ଟିଂ ସିଷ୍ଟମ (ଡିଓଟି) ଦ୍ୱାରା ପଠାଯାଇଥିଲା । ସରକାର ବିଭିନ୍ନ ଅଞ୍ଚଳ ଏବଂ ଟେଲିକମ୍ ଅପରେଟରଙ୍କ ସହ ପରୀକ୍ଷା କରୁଛନ୍ତି ।
ଯଦି ଆପଣଙ୍କର ଫୋନରେ ଏପରି କୌଣସି ମେସେଜ୍ କିମ୍ବା ଆଲର୍ଟ ଆସିଛି, ତେବେ ବ୍ୟସ୍ତ ହୁଅନ୍ତୁ ନାହିଁ । ଏହାକୁ ଅଣଦେଖା କରନ୍ତୁ । ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ପାଇଁ ଏହି ଆଲର୍ଟ ସିଷ୍ଟମ ପରୀକ୍ଷା କରାଯାଉଛି ।
