ଭୂମିକମ୍ପରେ ଥରିଲା ତାଜିକିସ୍ତାନ, ଜାଣନ୍ତୁ କେତେ ଥିଲା ତୀବ୍ରତା

ନୂଆଦିଲ୍ଲୀ: ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ ତାଜିକିସ୍ତାନରେ ପ୍ରବଳ ଭୂକମ୍ପ ଅନୁଭୂତ ହୋଇଛି। ଆଜି ଅପରାହ୍ନ ୫:୪୬ ରେ ଏହି ଭୂକମ୍ପ ଘଟିଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୪.୯ ଥିଲା। ଭୂକମ୍ପ ବିଷୟରେ ସୂଚନା ଆସିବା ମାତ୍ରେ ଲୋକମାନେ ଘରୁ ବାହାରକୁ ଆସିବା ଆରମ୍ଭ କଲେ। ମେ ମାସ ପୂର୍ବରୁ ତାଜିକିସ୍ତାନରେ ମଧ୍ୟ ଭୂକମ୍ପ ଅନୁଭୂତ ହୋଇଥିଲା। ଏହା ପରେ ଜାତୀୟ ଭୂକମ୍ପ କେନ୍ଦ୍ର କହିଛି ଯେ, ତାଜିକିସ୍ତାନରେ ରାତି ୪.୦୧ ରେ ଏକ ଶକ୍ତିଶାଳୀ ଭୂକମ୍ପ ଘଟିଥିଲା, ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୧ ମାପ କରାଯାଇଥିଲା। ତେବେ ଭୂକମ୍ପ ଯୋଗୁଁ କୌଣସି ଜୀବନ କିମ୍ବା ସମ୍ପତ୍ତି ନଷ୍ଟ ହେବାର ଖବର ଆସିନାହିଁ।

ଗତ ନଭେମ୍ବର ୧୧ ତାରିଖରେ ୟୁରୋପୀୟ ଦେଶ ଆଇସଲ୍ୟାଣ୍ଡରେ ଅନୂଭୂତ ହୋଇଛି ଭୂମିକମ୍ପ । ତେବେ ଏହା ଥରେ ନୁହେଁ ଦୁଇ ଥର ନୁହେଁ ବରଂ ୧୪୦୦ ଥର ହୋଇଥିବା ସୂଚନା ମିଳିଛି । ପ୍ରାୟ ୨୪ ଘଣ୍ଟା ମଧ୍ୟରେ ଏହି ଝଟକା ଅନୁଭୂତ ହୋଇଥିବା ଜଣାପଡ଼ିଛି । ରିକ୍ଟର ସ୍କେଲରେ ଏହି ଭୂକମ୍ପର ସର୍ବାଧିକ ତୀବ୍ରତା ୫.୨ ରେକର୍ଡ଼ କରାଯାଇଥିଲା ।

ତେବେ ଏହି ଘଟଣା ପରେ ଆଇସଲ୍ୟାଣ୍ଡ ସରକାର ଦେଶରେ ଜରୁରୀକାଳୀନ ଘୋଷଣା କରିଥିଲେ । ଆଗ୍ନେୟଗିରି ଉଦଗୀରଣ ଆଶଙ୍କାରେ ସରକାର ଏହି ଜରୁରୀକାଳୀନ ସ୍ଥିତି ଘୋଷଣା କରିଛନ୍ତି । ତେବେ ବର୍ତ୍ତମାନ ପର୍ଯ୍ୟନ୍ତ କୌଣସି କ୍ଷୟକ୍ଷତି ହୋଇଥିବା କିମ୍ବା କେହି ମୃତାହତ ହୋଇନଥିଲା ।