ଇନର ଉପରେ ପିପିଇ କିଟ୍ ପିନ୍ଧି ଚିକିତ୍ସା କରୁଥିଲେ ନର୍ସ, ଜବାବରେ କହିଲେ ଏପରି

ଋଷର ଏକ ମେଡିକାଲରେ କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ନିୟୋଜିତ ହୋଇଥିବା ଜଣେ ନର୍ସଙ୍କ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ତାଙ୍କ ଋଷର ‘ ଟୁ ହାର୍ଟ ନର୍ସ’ ବୋଲି ମଧ୍ୟ କୁହାଯାଇଛି । ନର୍ସଙ୍କ ଏପରି ଫଟୋକୁ ସେୟାର କରି ପରିହାସ କରୁଥିବା ଲୋକଙ୍କୁ ସେ ଓ ତାଙ୍କର ସହଯୋଗୀମାନେ ଉଚିତ୍ ଜବାବ ଦେଇଛନ୍ତି ।

ତେବେ ଭାଇରାଲ ହେଉଥିବା ଫଟୋରେ ନର୍ସ କେବଳ ଇନର ଉପରେ ପିପିଇ କିଟ୍ ପିନ୍ଧି ରୋଗୀ ସେବା କରୁଥିଲେ । ନାଦିଆ ନାମକ ୨୩ ବର୍ଷୀୟ ନର୍ସ ନିଜ ଗ୍ରାଉନ୍ କାଢି ଇନର ଉପରେ ପିପିଇ କିଟ୍ ପିନ୍ଧି ୩ଟି ସିପ୍ଟରେ ଡ୍ୟୁଟି ଦେଉଥିଲେ । ଭାଇରାଲ ହେବା ପରେ ସେ କହିଥିଲେ ଯେ, ପୂର୍ବରୁ କାମ କରୁଥିବା ବେଳେ ଡ୍ରେସ୍ ଉପରେ ପିପିଇ କିଟ୍ ପିନ୍ଧିବାରୁ ଅଧିକ ଗରମ ହେଉଥିଲା । ସେଥିରେ ପୁଣି କାମ କରୁଥିବା ବେଳେ ରେଷ୍ଟ ମଧ୍ୟ ମିଳୁନାହିଁ । ଏହି ପରିସ୍ଥିତିରେ ଇନର ଉପରେ ପିପିଇ କିଟ୍ ପିନ୍ଧିବାକୁ ଉଚିତ୍ ଭାବି କାମ କରିଚାଲିଲି । ନିଜ ଜୀବନ ସହ ଖେଳି ଆମେ ସେବା କରୁଛି, କିନ୍ତୁ କିଛି ଘଟିଆ ଲୋକ ଆମର ପୋଷାକକୁ ନେଇ ଜଜ୍ କରୁଛନ୍ତି ।’କୁହାଯାଉଛି ଯେ, ନାଦିଆଙ୍କୁ ହସ୍ପିଟାଲରୁ ନିଲମ୍ବିତ କରାଯାଇଛି । କିନ୍ତୁ ସମସ୍ତ ଡାକ୍ତର, ସହଯୋଗୀ ନର୍ସମାନେ ନାଦିଆଙ୍କ ସପକ୍ଷରେ ଆଗେଇ ଆସିଛନ୍ତି ।