ଆଦାନୀ ଗ୍ରୁପ୍ ନିର୍ମାଣ କରୁଛି ବିଶ୍ୱର ସବୁଠାରୁ ବୃହତ୍ତ ଗ୍ରୀନ୍ ଏନର୍ଜି ପାର୍କ , ନିଜ X ଆକାଉଣ୍ଟରେ କଲେ ବଡ ଘୋଷଣା
ନୂଆଦିଲ୍ଲୀ: ଆଦାନୀ ଗ୍ରୁପ୍ ଅଧ୍ୟକ୍ଷ ଗୌତମ ଆଦାନୀ ଶୁକ୍ରବାର ଏକ ବଡ ଘୋଷଣାକ୍ରମରେ କହିଛନ୍ତି କି ୨୦୨୫ ସୁଦ୍ଧା ଆଦାନୀ ଗ୍ରୁପ୍ର ସମସ୍ତ ପୋର୍ଟ ଅପରେସନ୍ କାର୍ବନ ନିରପେକ୍ଷ ହେବ । ନେଟ୍ ଜିରୋ ପୋର୍ଟ ଅପରେସନ୍ ଲାଗି ଟାର୍ଗେଟ୍ ୨୦୪୦ ରହିଛି ବୋଲି କହିବା ସହ ସେ ଗୁରୁବାର ନିଜର ଏକ୍ସ ଆକାଉଣ୍ଟରେ ଏ ସଂପର୍କରେ ଏକ ପୋଷ୍ଟ କରିଛନ୍ତି ।
Proud to play a crucial role in India's impressive strides in renewable energy as we build the world's largest green energy park. This monumental project, covering 726 sq km in the challenging Rann desert, is visible even from space. We will generate 30GW to power over 20 million… pic.twitter.com/FMIe8ln7Gn
— Gautam Adani (@gautam_adani) December 7, 2023
ଆଦାନୀ ନିଜ ଏକ୍ସ ପୋଷ୍ଟରେ ଲେଖିଛନ୍ତି, ‘ଅକ୍ଷୟ ଉର୍ଜା କ୍ଷେତ୍ରରେ ଭାରତର ନିରନ୍ତର ଉଦ୍ୟମ ଜାରି ରହିଥିବା ବେଳେ ଆମେ ସେଥିରେ ଏକ ମୁଖ୍ୟ ଭୂମିକା ନିଭାଇ ପାରିଥିବାରୁ ନିଜକୁ ଗର୍ବିତ ଅନୁଭବ କରୁଛି । ଗୁଜରାଟର ରାଣ ମରୁଭୂମି ଅଞ୍ଚଳରେ ବିଶ୍ୱର ସବୁଠାରୁ ବୃହତ୍ତ ଗ୍ରୀନ୍ ଏନର୍ଜି ପାର୍କ ନିର୍ମାଣ ପ୍ରକଳ୍ପ ଏ ଦିଗରେ ଏକ ମହତ୍ତ୍ୱପୂର୍ଣ୍ଣ ଯୋଗଦାନ । ଏହି ବୃହତ୍ତ ପ୍ରକଳ୍ପ ପ୍ରାୟ ୭୨୬ ବର୍ଗ କିଲୋମିଟର ଅଞ୍ଚଳକୁ କଭର କରୁଛି । ଏହି ପାର୍କ ଅନ୍ତରୀକ୍ଷରୁ ମଧ୍ୟ ନଜର ଆସିବ । ଏହାଦ୍ୱାରା ଆମେ ୩୦ ଗିଗାୱାଟ୍ ବିଜୁଳି ଶକ୍ତି ପ୍ରାୟ ୨୦ ମିଲିୟନ ଘରକୁ ଯୋଗାଇ ପାରିବୁ ।
କେବଳ ଏତିକି ନୁହେଁ ଆମର କର୍ମଭୂମି ମୁନ୍ଦ୍ରା ଠାରୁ ମାତ୍ର ୧୫୦ କିଲୋମିଟର ଦୂରରେ ଆମେ ବିଶ୍ୱର ସବୁଠାରୁ ବ୍ୟୟବହୁଳ ଓ ସମନ୍ୱିତ ଅକ୍ଷୟ ଶକ୍ତି ନିର୍ମାଣ ପ୍ରକଳ୍ପକୁ ରୂପ ଦେବାକୁ ଯାଉଛୁ ଯାହା ସୌର ଓ ପବନରୁ ଶକ୍ତି ସଂଗ୍ରହ କରିବ । ସୌର ଉର୍ଜା ଓ ଆତ୍ମନିର୍ଭର ଭାରତ କ୍ଷେତ୍ରରେ ଆମର ସହଯୋଗ କ୍ରମରେ ଏହା ଏକ ବଡ ଯୋଗଦାନ ସାବ୍ୟସ୍ତ ହେବ ।’
