ବିଗ୍ ବସ୍ ବିଜେତା ଏଲଭିଶ ଯାଦବ ରେଷ୍ଟୁରାଣ୍ଟରେ ବ୍ୟକ୍ତିଙ୍କୁ ମାରିଲେ ଚାପୁଡ଼ା, Video ଭାଇରାଲ
ନୂଆଦିଲ୍ଲୀ: ରବିବାର ରାତିରେ ଜୟପୁରର ଏକ ରେଷ୍ଟୁରାଣ୍ଟରେ ଏଲଭିଶ ଯାଦବ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିଥିଲେ । ଏହାର ଏକ ଭିଡିଓ ଏବେ ଭାଇରାଲ ହେଉଛି । ଭାଇରାଲ ହୋଇଥିବା ଏକ ଭିଡିଓରେ ବିଗ୍ ବସ୍ ଓଟିଟି ୨ ବିଜେତା ଏକ ରେଷ୍ଟୁରାଣ୍ଟରେ ସାଥୀ ଅତିଥିମାନଙ୍କ ସହ ଝଗଡା କରୁଥିବା ଦେଖିବାକୁ ମିଳିଥିଲା ।
ଭିଡିଓରେ ଦେଖିବାକୁ ମିଳିଛି ଯେ, ରାଗରେ ଏଲଭିଶ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିବା ସହ ବାହାରକୁ ବାହାରିଗଲେ । ଯେତେବେଳେ ବ୍ୟକ୍ତି ଜଣକ ଉତ୍ତର ଦେଲେ, ଏଲଭିଶ ଯୁକ୍ତିତର୍କ କରିବାକୁ ପୁଣି ଫେରି ଆସିଥିଲେ । ତେବେ ତାଙ୍କୁ ତାଙ୍କ ସାଙ୍ଗମାନେ ଅଟକାଇ ରେଷ୍ଟୁରାଣ୍ଟରୁ ବାହାରକୁ ଆଣିଥିଲେ ।
ଭିଡିଓ ଭାଇରାଲ ହେବା ପରେ ଏଲଭିଶ ତାଙ୍କୁ ବଞ୍ଚାଇବାକୁ ଯାଇ ଏକ ଅଡିଓ ଷ୍ଟେଟମେଣ୍ଟ ଜାରି କରିଥିଲେ । ଏଲଭିଶ ଦାବି କରିଛନ୍ତି ଯେ, ବ୍ୟକ୍ତିଜଣକ ଷ୍ଟାରଙ୍କୁ ଗାଳି ଦେବାରୁ ସେ ଚାପୁଡ଼ା ମାରିଥିଲେ । ଭିଡିଓରେ ଏଲଭିଶ କହିଛନ୍ତି, “ଭାଇ, ଦେଖ, କଥାଟି ହେଉଛି, ମୋତେ ଝଗଡ଼ା କରିବା କି ହାତ ଉଠାଇବାର ସଉକ୍ ନାହିଁ । ମୁଁ ମୋର ନିଜ କାମ କରେ । ମୁଁ ସାଧାରଣ ଭାବରେ ଚାଲିଥାଏ । ଏବଂ ଯିଏ ଫଟୋ ଉଠାଇବାକୁ କୁହନ୍ତି, ଆମେ ସହଜରେ ଫଟୋ ଉଠାଉ । କିନ୍ତୁ, କେହି ଆମକୁ ପଛରୁ କମେଣ୍ଟ ମାରିଲେ ଛାଡିନଥାଉ । “ଆପଣ ଯେପରି ଦେଖିଥିବେ, ଆମ ସହିତ ପୋଲିସ୍ ଏବଂ କମାଣ୍ଡୋ ଥିଲେ । ଏହା ନୁହେଁ ଯେ ଆମେ କିଛି ଭୁଲ୍ କରିଛୁ । ଏହା ବ୍ୟକ୍ତିଗତ ଥିଲା । ସେ ମୋ ଉପରେ ବ୍ୟକ୍ତିଗତ କଟାକ୍ଷ କରିଥିଲା, ଯାହାଫଳରେ ମୁଁ ନିଜେ ଯାଇ ତାଙ୍କୁ ଚାପୁଡ଼ା ମାରିଲି । ଏଥିରେ ମୁଁ ଅନୁତାପ କରୁନାହିଁ । ମୁଁ ଯେମିତି, ସବୁବେଳେ ସେମିତି ରହିବି । ସେ ଗାଳି କଲା, ମୁଁ ମୋ ନିଜ ଷ୍ଟାଇଲରେ ପ୍ରତିକ୍ରିୟା ଦେଲି ।”
That person was intentionally abusing Elvish’s mother. #ElvishYadav #ElvishArmy#ElvishYadav𓃵 pic.twitter.com/N5FzwyX9mf
— Elvish Army (Fan Account) (@elvisharmy) February 11, 2024
