ଭାରତର ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ କଂଗ୍ରେସ ଛାଡ଼ିଲେ: ନବୀନଙ୍କ ପରେ ମାଆ ପଦ୍ମ ଧରିଲେ
ନୂଆଦିଲ୍ଲୀ: ଏପ୍ରିଲ ମାସ ୧୯ ତାରିଖରୁ ଲୋକସଭା ନିର୍ବାଚନ ପାଇଁ ଦେଶରେ ୭ଟି ପର୍ଯ୍ୟାୟରେ ମତଦାନ ଆରମ୍ଭ ହେବ । ଏହାପରେ ଜୁନ ମାସ ୪ ତାରିଖରେ ନିର୍ବାଚନର ଫଳାଫଳ ଘୋଷଣା ହେବ । ତେବେ ନିର୍ବାଚନ ପାଇଁ ବିଭନ୍ନ ଦଳମାନେ ପର୍ଯ୍ୟାୟକ୍ରମେ ପ୍ରାର୍ଥୀ ତାଲିକା ଜାରି କରୁଥିବା ବେଳେ ନେତାମାନେ ଦଳ ବଦଳ କରୁଥିବା ଦେଖାଯାଉଛି । ତେବେ ଏହା ମଧ୍ୟରେ ରାଜନୈତିକ କ୍ଷେତ୍ରରୁ ଆସିଛି ଏକ ବଡ଼ ଖବର ।
ଗତ ୨୪ ତାରିଖରେ ଦେଶର ବିଶିଷ୍ଟ ଉଦ୍ୟୋଗପତି ତଥା ପୂର୍ବତନ ସାଂସଦ ନବୀନ ଜିନ୍ଦଲ କଂଗ୍ରେସରୁ ଇସ୍ତଫା ଦେଇ ବିଜେପିରେ ସାମିଲ ହୋଇଥିଲେ । ଦଳ ଛାଡ଼ିବାର ପାଖାପାଖି ୧ ଘଣ୍ଟା ମଧ୍ୟରେ ଭାଜପା ନବୀନଙ୍କୁ ହରିୟାଣାର କୁରୁକ୍ଷେତ୍ର ଆସନ ପାଇଁ ଟିକେଟ ଦେଇଥିଲା । ତେବେ ନବୀନଙ୍କ ପରେ ତାଙ୍କର ମାଆ ତଥା ଦେଶ ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ ମଧ୍ୟ କଂଗ୍ରେସ ଛାଡ଼ି ବିଜେପିରେ ସାମିଲ ହୋଇଛନ୍ତି । ଏନେଇ ସାବିତ୍ରୀ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ’ରେ ସୂଚନା ଦେଇଛନ୍ତି ।
ପୂର୍ବତନ ମନ୍ତ୍ରୀ ତଥା ଓପି ଜିନ୍ଦଲ ଗ୍ରୁପର ଅଧ୍ୟକ୍ଷା ସାବିତ୍ରୀ ଭାରତର ଟପ ଅରବପତିଙ୍କ ଲିଷ୍ଟରେ ସାମିଲ ରହିଛନ୍ତି । ତାଙ୍କର ନେଟୱାର୍ଥ ୨ ଲକ୍ଷ କୋଟିରୁ ଅଧିକ ରହିଥିବା ବେଳେ ସେ ଦେଶର ସବୁଠାରୁ ଧନୀ ମହିଳା ଅଟନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନୀତି, ଆଦର୍ଶରେ ପ୍ରେରିତ ହୋଇ ସେ ବିଜେପିରେ ସାମିଲ ହୋଇଥିବା ସାବିତ୍ରୀ କହିଛନ୍ତି । ସେ ୧୦ ବର୍ଷ ଧରି ନିଃସ୍ୱାର୍ଥପର ଭାବେ ହରିୟାଣାର ହିସାର ନିର୍ବାଚନ ମଣ୍ଡଳୀର ଲୋକଙ୍କର ସେବା କରିଆସିଛନ୍ତି ଓ ଆଗକୁ ତାହା ଜାରି ରଖିବେ ବୋଲି କହିଛନ୍ତି ।
मैंने विधायक के रूप में 10 साल हिसार की जनता का प्रतिनिधित्व किया और मंत्री के रूप में हरियाणा प्रदेश की निस्वार्थ सेवा की है।
हिसार की जनता ही मेरा परिवार है और मैं अपने परिवार की सलाह पर आज कांग्रेस पार्टी की प्राथमिक सदस्यता से इस्तीफा दे रही हूं । कांग्रेस नेतृत्व के समर्थन…
— Savitri Jindal (@SavitriJindal) March 27, 2024
