‘ଘଡ଼ଘଡି ସହ ବର୍ଷା ହେବ.. ସତର୍କ ରୁହନ୍ତୁ’, ୮ ଜିଲ୍ଲାକୁ ୱାର୍ଣ୍ଣିଂ ଜାରି କଲେ ପାଣିପାଗ ବିଭାଗ

ଭୁବନେଶ୍ୱର: ଗତ କିଛି ଦିନ ହେବ ରାଜ୍ୟରେ ତାତି ଅନୁଭୁତ ହେଉଥିବା ବେଳେ ଗତକାଲି କାଳବୈଶାଖୀ ବର୍ଷା ଯୋଗୁଁ ପାଗ ଥଣ୍ଡା ପଡିଛି । ସେହିଭଳି ଆଜି କେତେକ ସ୍ଥାନରେ ଘଡ଼ଘଡି ଏବଂ ବର୍ଷା ପାଇଁ ପାଣିପାଗ ବିଭାଗ ୱାର୍ଣ୍ଣିଂ ଜାରି କରିଛନ୍ତି । ୮ ଟି ଜିଲ୍ଲାକୁ ୩ ଘଣ୍ଟିଆ ୱାର୍ଣ୍ଣିଂ ଜାରି କରାଯାଇଛି ।

ସୂଚନା ଅନୁଯାୟୀ, ବିଜୁଳି, ଘଡ଼ଘଡି ସହ ବର୍ଷା ନେଇ ୮ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ବରଗଡ଼, ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ଦେବଗଡ଼, ଅନୁଗୁଳ, ମୟୁରଭଞ୍ଜ, କେନ୍ଦୁଝରକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଗତକାଲି ଅପରାହ୍ନ ସମୟରେ ଅନେକ ସ୍ଥାନରେ ବର୍ଷା ଏବଂ ଘଡ଼ଘଡି ବିଜୁଳି ଅନୁଭୁତ ହୋଇଛି । ଏଥିସହ ପବନ ମଧ୍ୟ ହୋଇଛି । ଏଥି ପାଇଁ ରାଜ୍ୟବାସୀଙ୍କୁ ତାତିରୁ ଆଶ୍ୱସ୍ତି ମିଳିଛି ।