କୋଲକାତା ଦୁଷ୍କର୍ମ-ହତ୍ୟା ମାମଲାରେ ବଡ଼ ଖୁଲାସା; ଘଟଣା ପୂର୍ବରୁ ପୋଲିସ କମିଶନରଙ୍କ ବାଇକରେ ବୁଲୁଥିଲା ସଞ୍ଜୟ
କୋଲକାତା: କୋଲକାତାର ଆରଜି କର ସରକାରୀ ଡାକ୍ତରଖାନାରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାର ତଦନ୍ତ ଜାରି ରହିଛି। ଅନ୍ୟପକ୍ଷରେ ଘଟଣାର ମୁଖ୍ୟ ଅଭିଯୁକ୍ତ ସଞ୍ଜୟ ରାୟ ଯାତାୟାତ ପାଇଁ ବାଇକ୍ ବ୍ୟବହାର କରିଥିବା ତଦନ୍ତରୁ ଜଣାପଡ଼ିଛି। ଏହା କୋଲକାତା ପୋଲିସ କମିଶନରଙ୍କ ନାମରେ ପଞ୍ଜୀକୃତ ହୋଇଥିଲା । ମିଳିଥିବା ସୂଚନା ଅନୁଯାୟୀ, ଅଗଷ୍ଟ ୮ ତାରିଖରେ ଘଟଣା ଦିନ ରାୟ ସେହି ବାଇକ୍ ବ୍ୟବହାର କରି ଉତ୍ତର ଓ ଦକ୍ଷିଣ କୋଲକାତାର ବିଭିନ୍ନ ରେଡ୍ ଲାଇଟ୍ ଅଞ୍ଚଳ ବୁଲିଥିଲା।
ଏହାପରେ ସେ ହସ୍ପିଟାଲରେ ପହଞ୍ଚି ମହିଳା ଡାକ୍ତରଙ୍କ ସହ ଭୟଙ୍କର ଅପରାଧ ଘଟାଇଥିଲା। ତେବେ ସେତେବେଳକୁ ସେ କମିଶନରଙ୍କ ନାମରେ ପଞ୍ଜୀକୃତ ବାଇକ୍କୁ ୧୫ କିଲୋମିଟର ପର୍ଯ୍ୟନ୍ତ ଚଳାଇ ସାରିଥିଲା। ଗଣମାଧ୍ୟମରେ ଏହି ରିପୋର୍ଟ ପ୍ରକାଶ ପାଇବା ପରେ କୋଲକାତା ପୁଲିସ ଏହାର ସ୍ପଷ୍ଟୀକରଣ ଜାରି କରିଛି। ସୋସିଆଲ ମିଡିଆ ହ୍ୟାଣ୍ଡେଲ ଏକ୍ସରେ ଏକ ପୋଷ୍ଟ ଜାରି କରି କୋଲକାତା ପୋଲିସ କମିଶନରଙ୍କ ନାମରେ କୋଲକାତାର ସମସ୍ତ ପୋଲିସ ଗାଡିକୁ ପଞ୍ଜୀକୃତ କରିଛି ।
ଯେହେତୁ ସଞ୍ଜୟ ରାୟ ପୋଲିସ ସହିତ ଜଡିତ ଜଣେ ନାଗରିକ ସ୍ୱେଚ୍ଛାସେବୀ ଥିଲା ଏବଂ ତାର କର୍ତ୍ତବ୍ୟ ଡାକ୍ତରଖାନାରେ ସ୍ଥାପିତ ପୋଲିସ ପୋଷ୍ଟରେ ଥିଲା । ତେଣୁ ସେ କାହାର ବିନା ଅନୁମତିରେ ସେଠାରୁ ବାଇକ୍ ଉଠାଇ ନେଇଥିଲା। କୋଲକାତା ପୋଲିସ କହିଛି ଯେ କିଛି ଲୋକ ଏହି ବାଇକର ମାଲିକାନାକୁ ନେଇ ସୋସିଆଲ ମିଡିଆରେ ଦ୍ୱନ୍ଦ୍ୱ ସୃଷ୍ଟି କରିବାକୁ ଚେଷ୍ଟା କରୁଛନ୍ତି ।
— Kolkata Police (@KolkataPolice) August 27, 2024
