ଗୋଟିଏ ଚାପୁଡ଼ାରେ ଆଖିବୁଜିଲା ଝିଅ , ମୃତଦେହକୁ ବୁଦାରେ ଫିଙ୍ଗି ଚାଲିଆସିଲା ଅଭିଯୁକ୍ତ

ମୁମ୍ବାଇ: ଦୁନିଆ ବିଷୟରେ ଜାଣିବା ପୂର୍ବରୁ ଆଖି ବୁଜି ଦେଇଛି କୁନି ଝିଅ । ମହାରାଷ୍ଟ୍ର ଥାଣେ ପ୍ରେମନଗରରେ ଜଣେ କୁନି ଝିଅଙ୍କୁ ହତ୍ୟା କରିଛନ୍ତି ତା’ ନିଜ ସମ୍ପର୍କୀୟ । ଘଟଣାରେ ସମ୍ପୃକ୍ତି ବ୍ୟକ୍ତିଙ୍କୁ ପୋଲିସ ଗିରଫ କରିନେଇଛି । ନଭେମ୍ବର ୧୮ରେ ସ୍ଥାନୀୟ ଅଞ୍ଚଳରେ କୁନି ଝିଅର ମୃତ ଦେବ ମିଳିଥିଲା । ମୃତୁ୍ୟର କାରଣ ଖୋଜୁ ଖୋଜି ପୋଲିସ ଯାଇ ପହଞ୍ଚିଥିଲା ତା’ ସମ୍ପର୍କୀୟଙ୍କ ପାଖରେ । ବର୍ତ୍ତମାନ ପୋଲିସ ତାଙ୍କୁ ଗିରଫ କରି ଘଟଣାର ଛାନଭିନ କରୁଛି ।
ସୂଚନାଯୋଗ୍ୟ ପୋଲିସକୁ ଦେଇଥିବା ବୟାନ ଅନୁସାରେ, ବ୍ୟକ୍ତି ଜଣକ ଜାଣିଶୁଣି ସମ୍ପର୍କୀୟ ଝିଆରିଙ୍କୁ ହତ୍ୟା କରି ନାହାନ୍ତି । ଦୁହେଁ ଖେଳୁଥିବାବେଳେ ସେ ଥଟାରେ କୁନି ଝିଅକୁ ଗୋଟିଏ ଚାପୁଡ଼ା ମାରିଥିଲେ । ସେଥିରେ ସେ ରୋଷେଇ ଘର ସ୍ଲାବ୍ରେ ଯାଇ ପିଟି ହୋଇଥିଲେ, ଘଟଣା ସ୍ଥଳରେ ହିଁ ଝିଆରିର ଜୀବନ ଚାଲିଯାଇଥିବା ସେ କହିଛନ୍ତି । ଏଥିରେ ଡରିଯାଇ ଯୁବକ ଜଣକ କୁନି ଝିଅର ମୃତଦେହକୁ ପୋଡ଼ିବାକୁ ପ୍ରୟାସ କଲେ । କିନ୍ତୁ ଏଥିରେ ବିଫଳ ହେବା ପରେ ଘର ପାଖ ଏକ ବୁଦାରେ ମୃତ ଦେହକୁ ଫୋପାଡ଼ି ଆସିଲେ । କୁନି ଝିଅର ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଯାଇଥିବାବେଳେ ପୋଲିସ ପକ୍ଷରୁ ତଦନ୍ତ ଜାରି ରହିଛି ।