ସ୍କ୍ରିନକୁ ଫେରିବେ ଶିବାନୀ ଶିବାଜୀ ରଏ… ସ୍କ୍ରିପ୍ଟ ରେଡି, ଏପ୍ରିଲରୁ ଶୁଟିଂ ଆରମ୍ଭ

ମୁମ୍ବାଇ: ୟଶ୍ ରାଜ ଫିଲ୍ମ ବ୍ୟାନରେ ତିଆରି ହେବାକୁ ଯାଉଛି ମର୍ଦାନୀ-୩ । ଯାହା ୨୦୨୬ରେ ପ୍ରେକ୍ଷାଳୟରେ ରିଲିଜ୍ ହେବ । ମର୍ଦାନୀ -୨ ରିଲିଜ୍ ଆନିବର୍ସରୀ ପାଳନ ବେଳେ ବ୍ୟାନର ପକ୍ଷରୁ ଏ ଘୋଷଣା କରାଯାଇଛି । ଯାହାର ପୋଷ୍ଟର ମଧ୍ୟ ସୋସିଆଲ ମିଡିଆରେ ଶେୟାର କରାଯାଇଛି । ଅପେକ୍ଷାର ଘଟିଛି ଅନ୍ତ । ସମସ୍ତଙ୍କ ପ୍ରିୟ ରାଣୀ ମୁଖର୍ଜୀ ପୁଣିଥରେ ଶିବାନୀ ଶିବାଜୀ ରଏ ଭୂମିକାରେ ନଜରକୁ ଆସିବେ ବୋଲି କ୍ୟାପସନ ଲେଖା ହୋଇ ସୋସିଆଲ ମିଡିଆରେ ପୋଷ୍ଟ ଶେୟାର କରାଯାଇଛି ।

ଏପ୍ରିଲ ୨୦୨୫ରେ ଫିଲ୍ମର ଶୁଟିଂ ଆରମ୍ଭ ହେବ । ଫିଲ୍ମର ସ୍କ୍ରିପ୍ଟ ରେଡି ଥିବାବେଳେ ଏହା ଦର୍ଶକଙ୍କୁ ଉପଯୁକ୍ତ ମନୋରଞ୍ଜନର ଖୋରାକ ଯୋଗାଇବ ବୋଲି ରାଣୀ କହିଛନ୍ତି । ଅନ୍ୟପକ୍ଷେ ମର୍ଦାନୀ -୧ ଏବଂ ୨କୁ ଦର୍ଶକ ଯେତେ ଭଲପାଇବା ଦେଇଛନ୍ତି ୩କୁ ମଧ୍ୟ ସେତିକି ଭଲପାଇବା ଦେବେ ବୋଲି ସେ ଆଶା ରଖିଥିବା ନାୟିକା କହିଛନ୍ତି । ଫିଲ୍ମରେ ରାଣୀ ଜଣେ ଦମଦାର ପୋଲିସ ଅଫିସର ଭୂମିକାରେ ନଜରକୁ ଆସିବେ । ତେବେ ମର୍ଦାନୀ-୧, ୨୦୧୪ରେ ରିଲିଜ ହୋଇଥିଲା । ଏହାର ଠିକ୍ ୫ ବର୍ଷ ପରେ ଅର୍ଥାତ୍ ୨୦୧୯ରେ ମର୍ଦାନୀର ଦ୍ୱିତୀୟ ସଂସ୍କରଣ ରିଲିଜ୍ ହୋଇଥିଲା । ଦୁଇଟିଯାକ ଫିଲ୍ମ ଦର୍ଶକଙ୍କୁ ବେଶ୍ ପସନ୍ଦ ଆସିବା ସହ ବକ୍ସ ଅଫିସରେ ରେକର୍ଡ କରିଥିଲା ।