ମହାଭାରତ ଉପରେ ଆସିବ Bollywood Movie! ଅମୀର ଖାନ କହିଲେ ନିଜର ‘ସ୍ୱପ୍ନର ସିନେମା’…
ଓଡ଼ିଶା ଭାସ୍କର: ବଲିଉଡ ଦୁନିଆର ‘ମିଷ୍ଟର ଗଜନୀ’ ଅମୀର ଖାନ୍ ସିନେପ୍ରେମୀଙ୍କ ପାଇଁ ଆଣୁଛନ୍ତି ଏକ ବଡ଼ ସରପ୍ରାଇଜ । ଭାରତର ପୌରାଣିକ ଗ୍ରନ୍ଥ ‘ମହାଭାରତ’ ଉପରେ ନିର୍ମାଣ କରିପାରନ୍ତି ହାଇ ବଜେଟ ଫିଲ୍ମ । ଦୂରଦର୍ଶନରେ ଟେଲିକାଷ୍ଟ ହୋଇଥିବା ‘ମହାଭାରତ’ ସାରା ଭାରତରେ ବେଶ୍ ଲୋକପ୍ରିୟ ହୋଇଥିଲା । ଏହାପରେ ବଲିଉଡ ଷ୍ଟାରଙ୍କୁ ନେଇ ଅମୀର ଖାନ୍ ‘ମହାଭାରତ’ ନିର୍ମାଣ କରିବାକୁ ପ୍ଲାନ କରୁଥିବା କହିଛନ୍ତି । ଏହି ଫିଲ୍ମ ତାଙ୍କର ଏକ ଡ୍ରିମ ପ୍ରୋଜେକ୍ଟ ବୋଲି କହିଛନ୍ତି ଅମୀର ଖାନ୍ । ବଲିଉଡର ନାମୀ ଦାମୀ ଅଭିନେତା-ଅଭିନେତ୍ରୀଙ୍କୁ ନେଇ ଏହି ଚଳଚ୍ଚିତ୍ର ନିର୍ମାଣ କରିବା ପାଇଁ ଅମୀର ଖାନ୍ ଇଚ୍ଛା ରଖିଛନ୍ତି ।
ଅମୀର କହିଛନ୍ତି , ଏହା ମୋର ଡ୍ରିମ୍ ପ୍ରୋଜେକ୍ଟ ଏବଂ ଏହା ଖୁବ୍ ଭୟାନକ ପ୍ରୋଜେକ୍ଟ ମଧ୍ୟ । ମୋତେ ଡ଼ର ଲାଗୁଛି କି କେଉଁଠି କିଛି ଭୁଲ ହୋଇ ନଯାଉ । ଏହା ଏକ ବହୁତ ବଡ଼ ଦାୟିତ୍ୱ , କାରଣ ‘ମହାଭାରତ’ ସବୁ ଭାରତୀୟଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ନେଇଛି । ଏହା ଆମର ରକ୍ତରେ ରହିଛି । ଏଥିପାଇଁ ମୁଁ ଏହା ଉପରେ ଠିକ୍ ଭାବେ ଫିଲ୍ମ ତିଆରି କରିବାକୁ ଚାହୁଁଛି । ମୁଁ ପ୍ରତି ଭାରତୀୟଙ୍କୁ ଗର୍ବ ଅନୁଭବ କରିବାକୁ ଚାହୁଁଛି । ମୁଁ ଦୁନିଆକୁ ଦେଖାଇବାକୁ ଚାହୁଁଛି କି ଦେଖ ! ଭାରତ ପାଖରେ କ’ଣ ଅଛି । ମୋତେ ଜଣା ନାହିଁ କି ଏହି ପ୍ରୋଜେକ୍ଟ ତିଆରି ହୋଇ ପାରିବ କି ନାହିଁ । ହେଲେ ଏହା ମୋର ଡ୍ରିମ୍ ପ୍ରୋଜେକ୍ଟ । ମୁଁ ଏହା ଉପରେ ହୃଦୟତାର ସହ କାମ କରିବାକୁ ଚାହୁଁଛି । ତାପରେ ଦେଖିବା କଣ ସବୁ ହେଉଛି । ଅନ୍ୟପଟେ ଆମିରଙ୍କ ଅପକମିଂ ଫିଲ୍ମ ବିଷୟରେ କହିବା ତ ତାଙ୍କର ଆଗାମୀ ଫିଲ୍ମ ସିତାରେ ଜମିନ୍ ପରର ସୁଟିଂ ଶେଷ ହୋଇଛି ।ଏବେସୁଦ୍ଧା ଫିଲ୍ମର ରିଲିଜ ତାରିଖ ଘୋଷଣା ହୋଇ ନାହିଁ , କିନ୍ତୁ କୁହାଯାଉଛି କି ଏହି ଫିଲ୍ମ ଆସନ୍ତା ବର୍ଷ ଫିଲ୍ମ ହଲରେ ରିଲିଜ ହେବ ।
ଅଭିନେତା, ନିର୍ଦ୍ଦେଶକ ତଥା ପ୍ରଯୋଜକ ଅମିର ଖାନ ଏହି ସମୟରେ ‘ଲାପତା ଲେଡିଜ୍’ର ପ୍ରମୋସନରେ ବ୍ୟସ୍ତ ଅଛନ୍ତି । କହି ରଖୁଛୁ କି, ଆମିରଙ୍କ ପ୍ରଡକ୍ସନରେ ନିର୍ମିତ ଫିଲ୍ମ ‘ଲାପତା ଲେଡିଜ୍’ ଓସ୍କାର ପୁରସ୍କାର ପାଇଁ ଆନ୍ତର୍ଜାତିକ ଫିଚର ଫିଲ୍ମର ପର୍ୟ୍ୟାୟରେ ଭାରତର ଅଫିସିଆଲି ଏଣ୍ଟ୍ରି । ଏହି ମଧ୍ୟରେ ଆମିର ଓସ୍କାର ପାଇଁ ସର୍ଟଲିଷ୍ଟ କରାଯାଇ ଥିବା ଫିଲ୍ମର ତାଲିକା ଜାରି ହେବା ପୂର୍ବରୁ ‘ଲାପତା ଲେଡିଜ୍’ର ଇଣ୍ଟରନ୍ୟାସନାଲ ସ୍ତରରେ ପ୍ରଚାର ପ୍ରସାର କରୁଛନ୍ତି । ପ୍ରଚାର ପ୍ରସାର ସମୟରେ ଆମିର ନିଜର ଡ୍ରିମ୍ ପ୍ରୋଜେକ୍ଟ ‘ମହାଭାରତ’ ବିଷୟରେ କଥାବାର୍ତ୍ତା ହୋଇଥିଲେ ।
