ଜାନୁଆରୀ ୧୫ ଏବଂ ୧୬ ର UGC NET ପରୀକ୍ଷା ପାଇଁ ଆଡମିଟ୍ କାର୍ଡ ଜାରି, ଏହି ଡାଇରେକ୍ଟ ଲିଙ୍କରୁ କରନ୍ତୁ ଡାଉନଲୋଡ୍

ନୂଆଦିଲ୍ଲୀ: ନ୍ୟାସନାଲ ଟେଷ୍ଟିଂ ଏଜେନ୍ସି ଅର୍ଥାତ୍ ଏନଟିଏ ଏବେ ଜାନୁଆରୀ ୧୫ ଏବଂ ୧୬ ରେ ହେବାକୁ ଥିବା ଟଏଉ ଘଋଞ ପରୀକ୍ଷା ପାଇଁ ଆଡମିଟ୍ କାର୍ଡ ଜାରି କରିଛି । ଏହି ପରୀକ୍ଷାରେ ଯୋଗଦେବାକୁ ଥିବା ସମସ୍ତ ପ୍ରାର୍ଥୀ ୟୁଜିସି ନେଟ୍ ର ଅଫିସିଆଲ୍ ୱେବସାଇଟ୍ ugcnet.nta.ac.inକୁ ଯାଇ ସେମାନଙ୍କର ଆଡମିଟ୍ କାର୍ଡ ଡାଉନଲୋଡ୍ କରିପାରିବେ । ଏହି ପରୀକ୍ଷା ଜାନୁଆରୀ ୩ ତାରିଖରୁ ଆରମ୍ଭ ହୋଇଥିଲା । ଏହା ପରେ, ଜାନୁଆରୀ ୬ ରୁ ୭, ୮, ୯ ଏବଂ ୧୦ ତାରିଖ ପର୍ଯ୍ୟନ୍ତ ପରୀକ୍ଷା ଅନୁଷ୍ଠିତ ହୋଇଥିଲା ଯାହାର ପର୍ଯ୍ୟାୟକ୍ରମେ ଆଡମିଟ୍ କାର୍ଡ ପ୍ରଦାନ କରାଯାଇଥିଲା ଏବଂ ଏବେ ଗତ ଦୁଇ ଦିନ ଅର୍ଥାତ୍ ୧୫ ଏବଂ ୧୬ ଜାନୁଆରୀର ପରୀକ୍ଷାର ପାଇଁ ଆଡମିଟ୍ କାର୍ଡ ମଧ୍ୟ ଜାରି କରାଯାଇଛି ।

ଆଡମିଟ୍ କାର୍ଡ କିପରି ଡାଉନଲୋଡ୍ କରିବେ?
ସର୍ବପ୍ରଥମେ ୟୁଜିସି ନେଟ୍ ର ଅଫିସିଆଲ୍ ୱେବସାଇଟ୍ ugcnet.nta.ac.inକୁ ଯାଆନ୍ତୁ ।
ତା’ପରେ ଆଡମିଟ୍ କାର୍ଡ ପେଜକୁ ଯାଆନ୍ତୁ ।
ଏହା ପରେ ଆପଣଙ୍କର ଆବେଦନ ନମ୍ବର ଏବଂ ଜନ୍ମ ତାରିଖ ଏଣ୍ଟର କରନ୍ତୁ ଏବଂ ଲଗଇନ୍ କରନ୍ତୁ ।
ଏବେ ଆପଣଙ୍କର ୟୁଜିସି ନେଟ୍ ଆଡମିଟ୍ କାର୍ଡ ଦେଖନ୍ତୁ ଏବଂ ଏହାକୁ ଡାଉନଲୋଡ୍ କରନ୍ତୁ ।

ଆଡମିଟ୍ କାର୍ଡକୁ ଭଲଭାବରେ ଯାଞ୍ଚ କରନ୍ତୁ:
ଆଡମିଟ୍ କାର୍ଡରେ ଏକ ଅଣ୍ଡରଟେକିଂ ଫର୍ମ ମଧ୍ୟ ରହିବ । ପ୍ରାର୍ଥୀମାନେ ସେମାନଙ୍କର ପ୍ରିଣ୍ଟ ହୋଇଥିବା ଆଡିମଟ୍ କାର୍ଡର ସମସ୍ତ ପେଜ୍ (ଅଣ୍ଡରଟେକିଂ ସହିତ) ପରୀକ୍ଷା ସ୍ଥଳକୁ ଆଣିବାକୁ ବାଧ୍ୟତାମୂଳକ । ପ୍ରବେଶ ପତ୍ରରେ ଫଟୋ, ଦସ୍ତଖତ, ବାରକୋଡ୍ ଏବଂ କ୍ୟୁଆର କୋଡ୍ ସ୍ପଷ୍ଟ ଭାବରେ ଦୃଶ୍ୟମାନ ହେବା ନିଶ୍ଚିତ କରିବାକୁ ଏନଟିଏ ପ୍ରାର୍ଥୀମାନଙ୍କୁ କହିଛି । ଯଦି ଏଥିମଧ୍ୟରୁ କିଛି ହଜିଯାଏ, ତେବେ ସେମାନଙ୍କୁ ପୁଣି ଥରେ ହଲ୍ ଟିକେଟ୍ ଡାଉନଲୋଡ୍ କରିବାକୁ ପଡିବ ।

ଯଦି ଆଡମିଟ୍ କାର୍ଡ ଡାଉନଲୋଡ୍ କରିବାରେ କୌଣସି ସମସ୍ୟା ହୁଏ କିମ୍ବା ଏଥିରେ ଦିଆଯାଇଥିବା ବିବରଣୀ ଭୁଲ ଥାଏ, ତେବେ ପ୍ରାର୍ଥୀମାନେ ତୁରନ୍ତ ନ୍ୟାସନାଲ୍ ଟେଷ୍ଟିଂ ଏଜେନ୍ସି ସହିତ ୦୧୧- ୪୦୭୫୯୦୦୦ ରେ ଯୋଗାଯୋଗ କରିପାରିବେ କିମ୍ବା [email protected]କୁ ଇ-ମେଲ୍ କରିପାରିବେ ।