(Video) ମାଞ୍ଜା ସୂତା ଛିଣ୍ଡାଇଲା ଯୁବକଙ୍କ ଆଙ୍ଗୁଳି, କଟକଣା ପରେ ବିଫଳ ପ୍ରଶାସନ

କଟକ: ମାଞ୍ଜା ସୂତା ଲାଗି କଟିଗଲା ଯୁବକଙ୍କ ଆଙ୍ଗୁଳି । ବାଇକରେ ଯାଉଥିବାବେଳେ ଯୁବକଜଣକ ଗୁଡ଼ି ମାଞ୍ଜାରେ ଛନ୍ଦି ହୋଇଯାଇଥିଲେ । ମାଞ୍ଜା ସୂତା ଲାଗି ଯୁବକଙ୍କ ଆଙ୍ଗୁଳି କଟିଯାଇଥିବା ସୂଚନା ।

କଟକ ଶିଖରପୁରରେ ମକର ସଂକ୍ରାନ୍ତି ପାଇଁ କିଛି ପିଲା ଗୁଡ଼ି ଉଠାଉଥିବାବେଳେ ଏଘଟଣା ଘଟିଛି । ଆହତ ଯୁବକ ଗୁରୁତର ଥିବା କୁହାଯାଉଛି । ସହରରେ ଆଜି ଆଉଜଣେ ମଧ୍ୟ ମାଞ୍ଜା ସୂତା ଲାଗି ଆହତ ହୋଇଛନ୍ତି ।

ଗତକାଲି ଯୁବକଙ୍କ ଗଳାରେ ମାଞ୍ଜା ସୂତା ଲାଗିବା କାରଣରୁ ସେ ଆହତ ହୋଇଯାଇଥିଲେ । ଯାହାପରେ ସହରର ଚାଇନା ମାଞ୍ଜା ବିକ୍ରି ଉପରେ ବ୍ୟାନ୍ ଲଗେଇଥିଲା ପୋଲିସ । ଗୁଡ଼ି ବିକୁଥିବା ଦୋକାନୀ ଚାଇନା ମାଞ୍ଜା ବିକ୍ରି କରିପାରିନେ ନାହିଁ ବୋଲି କଟକଣା ମଧ୍ୟ ଜାରି କରାଯାଇଥିଲା ।

ହେଲେ ଏତେ ସତର୍କତା ସତ୍ତେ୍ୱ ସହରରେ ମାଞ୍ଜା ସୂତା ଲାଗି ଅଘଟଣ ଘଟିଯାଇଛି ।