ମୋ ବସ୍ କଲା ସିରିଜ୍ ଦୁର୍ଘଟଣା, ରାଜମହଲ- ମାଷ୍ଟରକ୍ୟାଣ୍ଟିନ୍ ଛକରେ ଅଘଟଣ, ୪ ଆହତ

ଭୁବନେଶ୍ୱର: ରାଜଧାନୀରେ ମୋ ବସ୍ ଘଟାଇଲା ସିରିଜ୍ ଦୁର୍ଘଟଣା। ରାଜମହଲ- ମାଷ୍ଟରକ୍ୟାଣ୍ଟିନ୍ ଛକ ମଝିରେ ସିରିଜ୍ ଦୁର୍ଘଟଣା ଦେଖିବାକୁ ମିଳିଛି  ।

ମାମଲା କ’ଣ: ମୋ ବସକୁ ପଛ ପଟୁ ଆଉ ଏକ ବସ୍ ପିଟିଥିଲ।। ଫଳରେ ପଛରେ ଥିବା କାରଟି ଉକ୍ତ ବସକୁ ଧକ୍କା ଦେଇଥିଲା ।
କାରର ଆଗ ପଟ ଚେପା ହୋଇଯାଇଥିଲା ।

ଘଟଣା ସ୍ଥଳରେ ଉତ୍ତେଜନା: ଏହି ଦୁର୍ଘଟଣାରେ ୪ ଜଣ ଆହତ ହୋଇଥିବା ଜଣାପଡ଼ିଛି । ବାରମ୍ବାର ମୋ ବସ୍ ଦୁର୍ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା ।

କିଛି ସମୟ ପାଇଁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା ।

ପୋଲିସ ତଦନ୍ତ: ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲା । ଦୁର୍ଘଟଣା ପଛର କାରଣକୁ ନେଇ ପୋଲିସର ଅଧିକ ତଦନ୍ତ ଜାରି ରହିଛି ।