breaking: ବିଜେପି ଜିଲ୍ଲା ସଭାପତି ଘୋଷଣା, ରାଜ୍ୟ ସଭାପତି କେବେ

ଭୁବନେଶ୍ୱର: ସରିଲା ସଭ୍ୟ ସଂଗ୍ରହ ଅଭିଯାନ। ଘୋଷଣା ହେଲା ଜିଲ୍ଲା ସଭାପତିଙ୍କ ନାଁ। ଆଉ କେବଳ ରାଜ୍ୟ ସଭାପତିଙ୍କ ନାଁ ଘୋଷଣାକୁ ଅପେକ୍ଷା। ଯେହେତୁ ରାଜ୍ୟ ସଭାପତି ଚୟନ ସରିଛି ଆଉ ବିଭିନ୍ନ ଜିଲ୍ଲା ପାଇଁ ସଭାପତିଙ୍କ ନାଁ ଘୋଷଣା ହୋଇସାରିଛି।

ତେଣୁ ଆଉ ରାଜ୍ୟ ସଭାପତି ଚୟନରେ ବିଳମ୍ୱ ହେବ ନାହିଁ ବୋଲି କୁହାଯାଉଛି। ଯେହେତୁ ଜିଲ୍ଲା ସଭାପତି ଚୟନ ପ୍ରକ୍ରିୟା ସରିନଥିଲା। ଆଉ ଜିଲ୍ଲା ସଭାପତି ହିଁ ଯେହେତୁ ରାଜ୍ୟ  ସଭାପତି ଚୟନରେ ଏଧିକ ଗୁରତ୍ୱବହନ କରନ୍ତି। ତେଣୁ ଏବେ ରାଜ୍ୟ  ସଭାପତି ଯଥାଶୀଘ୍ର ଚୟନ ହୋଇଯିବେ ବୋଲି କୁହାଯାଉଛି।

କେଉଁଠୁ କାହାକୁ ଦାୟିତ୍ୱ: ଯଦି ଦେଖିବା ଆଜି ବିଜେପି ପକ୍ଷରୁ ଜିଲ୍ଲା ସଭାପତିଙ୍କ ନାଁ ଘୋଷଣା ହୋଇଛି। ଆଉ ଏହି ନାଁ ଭିତରେ ରାସବିହାରୀ ବେହେରାଙ୍କୁ ଢେଙ୍କାନାଳର ଦାୟିତ୍ୱ ଦିଆଯାଇଛି। ଠିକ୍ ସେହିପରି ଶଶାଙ୍କ ଶେଖରଙ୍କୁ ମିଳିଛି କେନ୍ଦ୍ରାପଡ଼ା ଜିଲ୍ଲାର ଦାୟିତ୍ୱ।

ଏହାସହ ପୁରୀର ଜିଲ୍ଲା ସଭାପତି ଭାବରେ ଡା. ଦେବେନ୍ଦ୍ର ତରାଇଙ୍କୁ ଦାୟିତ୍ୱ ମିଳିଥିବା ବେଳେ, କଟକରୁ ସୁକାନ୍ତ ବିଶ୍ୱାଳ, ଗଞ୍ଜାମରୁ ସରୋଜ ସାବତ ଓ ବଲାଙ୍ଗିରରୁ ଶ୍ରୀବତ୍ସ ବେହେରାଙ୍କୁ ଦଳ ପକ୍ଷରୁ ଦାୟିତ୍ୱ ଦିଆଯାଇଛି। ସୁନ୍ଦରଗଡ଼ରୁ ଗିରିଷ ସାହୁ ଓ କେନ୍ଦ୍ରାପଡ଼ାରୁ ଶଶାଙ୍କ ଶେଖର ସେଠୀଙ୍କୁ ଦାୟିତ୍ୱ ମିଳିଛି।

ରାଜ୍ୟ ସଭାପତି ଚୟନ: ରାଜ୍ୟରେ ବିଜେପି ସରକାର ଗଢ଼ିବାର ୭ ରୁ ୮ମାସ ହୋଇଗଲାଣି। ହେଲେ ଏଥର ରାଜ୍ୟ ସଭାପତି କିଏ ହେବେ। ଦଳର ମଙ୍ଗ କିଏ ଧରିବେ ସେ ନେଇ ବିଭିନ୍ନ ଚର୍ଚ୍ଚା ଆଲୋଚନା ହେଉଛି। ଆଉ ବିଭିନ୍ନ ନାଁ ମଧ୍ୟ ସାମ୍ନାକୁ ଆସୁଛି।

ହେଲେ ପ୍ରକତରେ ଦଳର ଦାୟିତ୍ୱ କାହା ହାତରେ ରହିବ ତାହା ଏଯାଏଁ ଜଣା ପଡ଼ିନାହିଁ। ଆଉ ଏହାରି ଭିତରେ ବିଭିନ୍ନ ଜିଲ୍ଲାର ସଭାପତିଙ୍କ ନାଁ ଘୋଷଣା ହୋଇଛି। ତେଣୁ ଯଥାଶୀଘ୍ର ରାଜ୍ୟ ସଭାପତି ବି ଚୟନ ହୋଇଯିବ ବୋଲି ଆଶା କରାଯାଉଛି।