(Video) ଏଥର ଡୋଡିଙ୍କ ପାଳି… ତୃତୀୟ ବିବାହ ପାଇଁ ସଜବାଜ ହେଉଛନ୍ତି ରାକ୍ଷୀ
୪୬ ବର୍ଷରେ ବାହା ହେବେ ରାକ୍ଷୀ । ଭିଡିଓରେ ପ୍ରପୋଜ୍ କଲେ ପାକିସ୍ତାନୀ ଯୁବକ ।
କରାଚୀ: ବଲିଉଡ୍ ଆଇଟମ୍ ଗାର୍ଲ ରାକ୍ଷୀ ସାୱନ୍ତ (୪୬)ଙ୍କୁ ନେଇ ଏକ ରୋଚକ ଖବର ସାମ୍ନାକୁ ଆସିଛି । ରାକ୍ଷୀ ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ସବୁବେଳେ ନିଜ କାମ ଓ ବୟାନ ପାଇଁ ଲାଇମ୍ ଲାଇଟରେ ରହୁଥିବା ରାକ୍ଷୀ ପୁଣିଥରେ ଚର୍ଚ୍ଚାର ପରିସରକୁ ଆସିଛନ୍ତି ।
ରାକ୍ଷୀ ବିବାହ କେବେ କରିବେ ସେ ନେଇ କୌଣସି ସୂଚନା ଦେଇ ନାହାନ୍ତି । ହେଲେ ବାହାଘରର ଖବର ଏବେ ଚାରିଆଡେ ବ୍ୟାପୀଗଲାଣି । ସବୁଠାରୁ ରୋଚକ କଥାଟି ହେଲା ରାକ୍ଷୀ ଜଣେ ପାକିସ୍ତାନୀ ଯୁବକଙ୍କୁ ବାହାହେବାକୁ ଯାଉଛନ୍ତି ।
ପାକିସ୍ତାନରେ ଅଛନ୍ତି: ସେ ଯୁବକ ହେଲେ ଡୋଡି ଖାନ୍ । ସେ ପେଶାରେ ଜଣେ ଅଭିନେତା ଓ ଫିଲ୍ମ ପ୍ରଡ୍ୟୁସର । ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରି ଡୋଡି ରାକ୍ଷୀଙ୍କୁ ବିବାହ ପ୍ରପୋଜାଲ ଦେଇଛନ୍ତି ।
ଭିଡିଓରେ ଡୋଡି କହିଛନ୍ତି, ରାକ୍ଷୀ ମୁଁ ବରଯାତ୍ରୀ ନେଇ କେଉଁଠାକୁ ଯିବି? ଭାରତ ନା ଦୁବାଇ? ଆଇ ଲଭ୍ ୟୁ… ଭିଡିଓ ଭାଇରାଲ ହେବା ପରେ ରାକ୍ଷୀ ମଧ୍ୟ ଡୋଡିଙ୍କ ପ୍ରପୋଜାଲରେ ସମ୍ପର୍କରେ ଚିନ୍ତା କରୁଥିବା କହିଛନ୍ତି ।
ସୂଚନା ମୁତାବକ ରାକ୍ଷୀ ଏବେ କରାଚୀରେ । ଡୋଡିଙ୍କୁ ବାହା ହେବାରେ କୌଣସି ଆପତ୍ତି ନ ଥିବା ସେ ପ୍ରକାଶ କରିଛନ୍ତି । କିନ୍ତୁ ନିଷ୍ପତ୍ତି ନେବା ପୂର୍ବରୁ ସେ ଭାବି ଚିନ୍ତି ନେବାକୁ ଚାହୁଁଥିବା କହିଛନ୍ତି ।
View this post on Instagram
