(video)କୁନି ପୁଅ ପ୍ରଶ୍ନର ଉତ୍ତର ଦେଲେ କୋହଲି, ଭାରତୀୟ ଟିମରେ ଖେଳିବାକୁ ହିଟମ୍ୟାନ ଦେଲେ ଗୁରୁମନ୍ତ୍ର
ପ୍ରାୟ ଏକ ଦଶନ୍ଧି ପରେ ଘରୋଇ କ୍ରିକେଟକୁ ଫେରିଛନ୍ତି କିଙ୍ଗ କୋହଲି। ଆଉ ପ୍ରାକ୍ଟିସ ସମୟରେ ଭାରତୀୟ ଟିମରେ ଖେଳିବାକୁ କୁନି ପିଲାକୁ ଦେଇଛନ୍ତି ଗୁରୁମନ୍ତ୍ର।
ଓଡ଼ିଶା ଭାସ୍କର: ନାବାଳକକୁ ଗୁରୁମନ୍ତ୍ର ଦେଲେ କିଙ୍ଗ କୋହଲି। କିପରି ଭାରତୀୟ ଟିମରେ କରିବେ ଏଣ୍ଟ୍ରି। ବାଳକର ପ୍ରଶ୍ନରେ ଉତ୍ତର ରଖିଲେ ହିଟ୍ ମ୍ୟାନ।
ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଯେଉଁଠି କିଙ୍ଗ କୋହଲି ଜଣେ କୁନି ପୁଅକୁ କ୍ରିକେଟରେ କିଭଳି ସଫଳତା ହାସଲ କରିହେବ। ସେନେଇ ଗୁରୁମନ୍ତ୍ର ଦେଉଛନ୍ତି।
ଯୁବପିଢିଙ୍କ ପାଇଁ ପ୍ରେରଣାଦାୟକ: ଆଜିକା ଦିନରେ ପ୍ରତ୍ୟେକ ଯୁବପିଢିଙ୍କ ପାଇଁ ବିରାଟ କୋହଲି ଜଣେ ଆଦର୍ଶ। ଯେଉଁମାନେ କ୍ରିକେଟରେ ରୁଚି ରଖୁଛନ୍ତି ସେମାନେ କିଙ୍ଗ କୋହଲିଙ୍କୁ ଅଧିକ ମାତ୍ରାରେ ଫଲୋ କରୁଥିବା ଦେଖିବାକୁ ମିଳେ।
କାରଣ ହିଟ୍ ମ୍ୟାନ ଭାବରେ କୋହଲି ଯେଉଁ ସଫଳତାର ଶୀର୍ଷରେ ପହଞ୍ଚିଛନ୍ତି। ସେଠାରେ ପହଞ୍ଚିବା ପାଇଁ ଅନେକ ସ୍ୱପ୍ନ ଦେଖନ୍ତି। ଆଉ ଯେତେବେଳେ କୋହଲି ତାଙ୍କୁ ସେହି ସଫଳତାର ପାଦ ଦେଶରେ ପହଞ୍ଚିବା ପାଇଁ ଗୁରୁମନ୍ତ୍ର ଦିଅନ୍ତି।
ସେତେବେଳେ ଯେମିତି ମନେ ହୁଏ ସୋନେ ପେ ସୁହାଗା। ଠିକ୍ ସେହିପରି ଏକ ଭିଡ଼ିଓ ଏବେ ସାମ୍ନାକୁ ଆସିଛି। ଯେଉଁଥିରେ ବିରାଟ ଜଣେ ଛୋଟ ପିଲାକୁ ତାଙ୍କ ସଫଳତାର କାହାଣୀ କହୁଛନ୍ତି। ଆଉ କ୍ରିକେଟରେ ସଫଳତାର କିଛି ଗୁରୁମନ୍ତ୍ର ମଧ୍ୟ ଦେଉଛନ୍ତି।
ନାବାଳକକୁ ଗୁରୁମନ୍ତ୍ର: ତେବେ ଏହି ଭିଡ଼ିଓଟି ହେଉଛି କୋହଲି ନିଜ ରଣଜି ଟ୍ରଫି ପାଇଁ ପ୍ରାକ୍ଟିସ କରୁଥିବା ସମୟର। ଯେତେବେଳେ କୋହଲି ପ୍ରାକ୍ଟିସ କରୁଥିଲେ, ସେତେବେଳେ ଜଣେ ନାବାଳକ ଫ୍ୟାନ କୋହଲିଙ୍କୁ ଦେଖା କରିବାକୁ ଆସିଥିଲେ।
ଆଉ ଏହି ସମୟରେ ସୋ କୋହଲିଙ୍କୁ କିଛି ପ୍ରଶ୍ନ କରିଥିଲେ। କି କଣ କଲେ ଭାରତୀୟ କ୍ରିକେଟର ହୋଇପାରିବି । ଉତ୍ତରରେ ବିରାଟ କହୁଛନ୍ତି, କଠିନ ପରିଶ୍ରମ କରିବାକୁ ପଡ଼ିବ । ପ୍ରାକ୍ଟିସ ଓ ଟ୍ରେନିଂ ପାଇଁ କେହି ଆପଣଙ୍କୁ ଆସି ଡାକିବେନି ।
ନିଜେ ସକାଳୁ ଉଠି କହିବାକ ପଡ଼ିବ କି ଆଜି ମତେ ପ୍ରାକ୍ଟିସ ପାଇଁ ଯିବାକୁ ପଡ଼ିବ । ଯଦି କେହି ୧ ଘଣ୍ଟା ପ୍ରାକ୍ଟିସ କରୁଛି ତ ତମେ ୨ ଘଣ୍ଟା କର । କେହି ଯଦି ୫୦ ରନ କରୁଛନ୍ତି, ତେବେ ତମେ ୧୦୦ ବନାଅ । କେହି ୧୦୦ କଲେ ତମେ ୨୦୦ ବନାଅ । ବେଞ୍ଚ ମାର୍କରୁ ଡବଲ ପରିଶ୍ରମ କଲେ ନିଶ୍ଚୟ ସଫଳତା ପାଇବ ।
VIDEO OF THE DAY 🤍
– A lovely interaction between Virat Kohli & young fan during the Ranji Trophy Practice session. pic.twitter.com/hWxS3gtTBT
— Johns. (@CricCrazyJohns) January 28, 2025
କିଏ ଏହି ବାଳକ: ତେବେ ଏଠି ଆପଣଙ୍କ ମନରେ ପ୍ରଶ୍ନ ଆସୁଥିବ କି ଏହି ବାଳକ ଜଣକ କିଏ। ଆଉ ସେ କିପରି ଭିତରକୁ ଆସିଲେ ଆଉ କୋହଲିଙ୍କ ସହ କଥା ହେଲେ।
ତେବେ ଆମେ ଏଠି କହି ରଖିବା ପାଇଁ ଚାହିଁବୁ କି ଏହି ଛୋଟ ପିଲାଟି ହେଉଛି, ବିରାଟଙ୍କ ଦିଲ୍ଲୀ ରଣଜୀ ଦଳର ପୁରୁଣା ବନ୍ଧୁ ସାବେଜ ଖାନଙ୍କ ପୁଅ। ପୁଅ ବିରାଟଙ୍କ ବଡ଼ ଫ୍ୟାନ୍ ହୋଇଥିବାରୁ ତାଙ୍କ ସହ ଭେଟ କରାଇବା ପାଇଁ ଆଣିଥିଲେ ସାବେଜ।
୧୨ ବର୍ଷ ପରେ କମବ୍ୟାକ: ତେବେ ୧୨ ବର୍ଷ ପରେ ରଣଜୀ ଖେଳୁଛନ୍ତି ଟିମ୍ ଇଣ୍ଡିଆର ଷ୍ଟାର ବ୍ୟାଟର ବିରାଟ କୋହଲି। ଆଉ ପଡିଆରେ କୋହଲିଙ୍କୁ ଦେଖିବାକୁ ପ୍ରଶଂସକଙ୍କ ପ୍ରବଳ ଗହଳି।
ଷ୍ଟାଡିଅମ୍ ଭିତରେ ଏବଂ ବାହାରେ ପ୍ରବଳ ଭିଡ। ଗେଟ୍ ଆଗରେ ଠେଲାପେଲା ସ୍ଥିତି। ଭୋର ୫ଟାରୁ ଷ୍ଟାଡିୟମରେ ପ୍ରବଳ ଗହଳି। ଶେଷ ଥର ପାଇଁ ୨୦୧୨ରେ ରଣଜୀ ଖେଳିଥିଲେ ବିରାଟ।
ଅଷ୍ଟ୍ରେଲିଆରେ ନୈରାଶଜନକ ପ୍ରଦର୍ଶନ ପରେ ଘରୋଇ କ୍ରିକେଟ ଖେଳିବାକୁ ବିସିସିଆଇ ପକ୍ଷରୁ ତାଙ୍କୁ ପରାମର୍ଶ ଦିଆଯାଇଥିଲା।
