ଭାରତ ଚାମ୍ପିଅନ ଟ୍ରଫି ଜିତିବା ପରେ ଖୁସିରେ ବିଭୋର ହେଲେ ବିରାଟ-ରୋହିତ, ଷ୍ଟମ୍ପ୍ ଉପାଡ଼ି…
ଦୁବାଇ,୯ା୩: ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ଇତିହାସ ରଚିଛି ଭାରତ । ଚାମ୍ପିଅନ ଟ୍ରଫି ଟ୍ରେଣ୍ଡରେ ରବିବାର ଭାରତ ନ୍ୟୁଜିଲାଣ୍ଡକୁ ୪ ୱିକେଟରେ ପରାସ୍ତ କରିଛି। ଆଇସିସି ଚାମ୍ପିଅନ ଟ୍ରଫି ଜିତିବା ପରେ ବିରାଟ କୋହଲି ଏବଂ ରୋହିତ ଶର୍ମା ପଡ଼ିଆ ଭିତରେ ଖୁସିରେ ବିଭୋର ହୋଇଯାଇଥିଲେ । ଏହି ଦୁଇ ଖେଳାଳି ପ୍ରଥମେ ଷ୍ଟମ୍ପ୍ ଉପାଡ଼ି ଦାଣ୍ଡିଆ ଖେଳିଥିଲେ । ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । କୋହଲି ଏବଂ ରୋହିତ ପ୍ରଥମେ କେଏଲ୍ ରାହୁଲ ଏବଂ ରବୀନ୍ଦ୍ର ଜାଡେଜାଙ୍କୁ ଭେଟିଥିଲେ । ଏହା ପରେ ପଡ଼ିଆରେ ଖୁସିରେ ନାଚ ଗୀତ ଆରମ୍ଭ କରିଦେଇଥିଲେ ।
Virat and rohit doing dandiya was not in my bingo card 😭😭😭😭😭 pic.twitter.com/5BaUNfTP5L
— Crosswork11 (@Crosswork11) March 9, 2025
ଚାମ୍ପିଅନ୍ସ ଟ୍ରଫି ଫାଇନାଲ ମ୍ୟାଚରେ ନ୍ୟୁଜିଲାଣ୍ଡ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦଳ ପ୍ରଥମ ଇନିଂସରେ ୭ ୱିକେଟ ହରାଇ ୨୫୧ ରନ୍ କରିବାରେ ସଫଳ ହୋଇଥିଲା। ନ୍ୟୁଜିଲାଣ୍ଡ ପକ୍ଷରୁ ଡ୍ୟାରିଲ୍ ମିଚେଲ ସର୍ବାଧିକ ୬୩ ରନ୍ କରିଥିବାବେଳେ ମିଚେଲ୍ ବ୍ରେସୱେଲ ୫୩ ରନ୍ କରିଥିଲେ। ଭାରତୀୟ ଦଳ ପକ୍ଷରୁ ବରୁଣ ଚକ୍ରବର୍ତ୍ତୀ ଓ କୁଲଦୀପ ଯାଦବ ୨ଟି ଲେଖାଏ ୱିକେଟ୍ ନେଇଥିଲେ।
ଏହାପରେ ଦ୍ଵିତୀୟ ଇନିଂସରେ ୨୫୧ ରନର ଲକ୍ଷ୍ୟ ନେଇ ବ୍ୟାଟିଂ କରିବାକୁ ଆସିଥିଲା ଟିମ୍ ଇଣ୍ଡିଆ। ଦଳ ପକ୍ଷରୁ ଓପନର ରୋହିତ ଶର୍ମା ଓ ଶୁଭମନ ଗିଲ୍ ଦମଦାର ପାଳି ଆରମ୍ଭ କରିଥିଲେ। ଉଭୟଙ୍କ ମଧ୍ୟରେ ୧୦୫ ରନର ପାର୍ଟନରସିପ ହୋଇଥିଲା।
ତେବେ ଶୁଭମନ ଗିଲ୍ ଆଉଟ୍ ହୋଇ ପରେ ବିରାଟ ପାଭେଲିୟନ ଫେରି ଯାଇଥିଲେ। ନ୍ୟୁଜିଲାଣ୍ଡର ସ୍ପିନର ଭାରତୀୟ ଖେଳାଳିଙ୍କ ଉପରେ ଚାପ ପକାଇବା ଆରମ୍ଭ କରିଥିଲେ। ଏହାପରେ ରୋହିତ ଶର୍ମା ୭୬ ରନ୍ କରି ଆଉଟ୍ ହେବାପରେ ଶ୍ରେୟସ୍ ଆୟର ଓ ଅକ୍ଷର ପଟେଲ ଭାରତୀୟ ଇନିଂସକୁ ସମ୍ଭାଳିଥିଲେ। ପରେ କେ ଏଲ୍ ରାହୁଲ, ହାର୍ଦିକ ପାଣ୍ଡ୍ୟା ଓ ରବିନ୍ଦ୍ର ଜାଡେଜା ଦଳକୁ ବିଜୟୀ କରାଇଥିଲେ।