ED ପରେ CBI, ଭୂପେଶ ବଘେଲଙ୍କ ବାସଭବନରେ CBIର ଚଢ଼ାଉ

ନୂଆଦିଲ୍ଲୀ: ଛତିଶଗଡ଼ରେ ସିବିଆଇ ରେଡ୍ ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ଘରେ ସିବିଆଇ ଟିମ୍ ପହଞ୍ଚିଛି । ଏହାର ୧୫ ଦିନ ପୂର୍ବରୁ ଅର୍ଥାତ୍ ମାର୍ଚ୍ଚ ୧୦ ତାରିଖରେ, ଇଡି ଟିମ୍ ପୂର୍ବତନ ମୁଖ୍ୟମନ୍ତ୍ରୀଙ୍କ ଘରେ ପହଞ୍ଚିଥିଲା। ଆଜି ସିବିଆଇ ରେଡ୍ କରିଛି ।

ସିବିଆଇ ଟିମ୍ ଭୂପେଶ ବାଘେଲଙ୍କ ପଦୁମନଗର ବାସଭବନରେ ପହଞ୍ଚିଛି । ଏହା ବ୍ୟତୀତ ସେକ୍ଟର ୫ ବିଧାୟକ ଦେବେନ୍ଦ୍ର ଯାଦବଙ୍କ ଘରେ ମଧ୍ୟ ସିବିଆଇ ପହଞ୍ଚିଛି । ଏହି ଟିମ୍ ସେକ୍ଟର 9 ରୋଡ୍ 17 ରେ ମଧ୍ୟ ଚଢାଉ କରିଥିଲା। ଦୁର୍ଗ ଜିଲ୍ଲାର 16 ଟି ସ୍ଥାନରେ ସିବିଆଇ ଚଢାଉ କରିଥିବା ଜଣାପଡିଛି । ୨୦୧୭ ସିଡି ମାମଲାରେ ସିବିଆଇ ରେଡ୍ କରିଥିବା ସୂଚନା ରହିଛି ।

ଭୂପେଶ ବାଘେଲଙ୍କ କାର୍ଯ୍ୟାଳୟ ପକ୍ଷରୁ CBI ଚଢାଉ ସମ୍ପର୍କରେ X ରେ ପୋଷ୍ଟ କରାଯାଇଛି । ଏଥିରେ ଲେଖାଯାଇଛି- “ଏବେ ସିବିଆଇ ପହଞ୍ଚିଛି। ଆଜି ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲ ୮ ଏବଂ ୯ ଏପ୍ରିଲରେ ଅହମ୍ମଦାବାଦ (ଗୁଜରାଟ)ରେ ଅନୁଷ୍ଠିତ ହେବାକୁ ଥିବା ଏଆଇସିସି ବୈଠକ ପାଇଁ ଗଠିତ “ଡ୍ରାଫ୍ଟିଂ କମିଟି”ର ବୈଠକ ପାଇଁ ଦିଲ୍ଲୀ ଯିବାର କାର୍ଯ୍ୟକ୍ରମ ରହିଛି । ଏହା ପୂର୍ବରୁ, ସିବିଆଇ ରାୟପୁର ଏବଂ ଭିଲାଇ ନିବାସରେ ପହଞ୍ଚି ସାରିଛି ।”

ଏହା ମଧ୍ୟ ଜାଣିବାକୁ ମିଳିଛି ଯେ ସିବିଆଇ ଟିମ୍ ସକାଳ ପ୍ରାୟ ୭ଟା୪୫ ସମୟରେ ବିଧାୟକ ଦେବେନ୍ଦ୍ର ଯାଦବଙ୍କ ଘରେ ପହଞ୍ଚିଥିଲା। କିନ୍ତୁ ଦେବେନ୍ଦ୍ର ଯାଦବଙ୍କ ସମର୍ଥକ, ଭିଲାଇ ନଗର ନିଗମର ମେୟର ନୀରଜ ପାଲ, ଏମଆଇସି ସଦସ୍ୟ ଆଦିତ୍ୟ ସିଂହ, ଆଫରୋଜ ଖାନ, ଶରଦ ମିଶ୍ରା ସିବିଆଇ ଅଧିକାରୀମାନଙ୍କୁ ଘରେ ପ୍ରବେଶ କରିବାକୁ ବାରଣ କରିଥିଲେ ।