ମରିବା ପାଇଁ ଘରକୁ ବୋହୂ ଆଣିଥିଲା ଶାଶୁ, ଶାଶୁକୁ ମାରି ବସ୍ତାରେ ପୁରାଇ ଚମ୍ପଟ ମାରିଲା ନୂଆ ବୋହୂ

ଜଲନା: ମହାରାଷ୍ଟ୍ର ଜଲନାରେ ଦେଖିବାକୁ ମିଳିଛି ଏକ ଜଘନ୍ୟ କାଣ୍ଡ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ପୁଅ ବାହାଘରର ମାତ୍ର ୬ ମାସରେ ଆଖିବୁଜିଲା ମା’ ।

ଜଲନାର ଏକ ଭଡ଼ା ଘରୁ ମିଳିଛି ୪୫ ବର୍ଷୀୟା ସବୀତା ସଞ୍ଜୟ ସିଙ୍ଗରଙ୍କ ମୃତଦେହ । ମୃତଦେହକୁ ଏକ ବସ୍ତା ଭିତରୁ ପୋଲିସ ଜବତ କରିଛି । ତେବେ ଘରମାଲିକଙ୍କ ସୂଚନା କ୍ରମେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ନୂଆବୋହୂ କାହାରିକୁ କିଛି ନ କହି ଘର ବନ୍ଦ କରି ଯେତେବେଳେ କୌଣସି ଅପରିଚିତ ଯୁବକର ବୁଲେଟରେ ବସି ଯାଉଥିଲା ସେ ସମୟରେ ଘରମାଲିକ ଏ କଥା ଦେଖିଥିଲେ । ସନ୍ଦେହ ହେବା ପରେ ସେ ପୋଲିସକୁ ଏ ନେଇ ସୂଚନା ଦେଇଥିଲେ ।

୬ ମାସ ପୂର୍ବେ ସବୀତା ତାଙ୍କ ପୁଅ ଆକାଶର ବାହାଘର ପ୍ରତିକ୍ଷା ସହ କରେଇଥିଲେ । ଲାଟୁରରେ ଆକାଶଙ୍କ ଚାକିରି ଥିବାବେଳେ ତାଙ୍କୁ ସେଠାରେ ରହିବାକୁ ପଡ଼େ । ହେଲେ ଜଲନାରେ ଏକ ଭଡ଼ା ଘରେ ସ୍ତ୍ରୀ ଓ ମା’ଙ୍କୁ ସେ ରଖିଥିଲେ । କିନ୍ତୁ କୌଣସି କାରଣରୁ ପ୍ରତିକ୍ଷା ଶାଶୁଙ୍କ ମୁଣ୍ଡକୁ କାନ୍ଥରେ ପିଟି ମାରି ଫେରାର୍ ହୋଇଯାଇଛନ୍ତି ।

ବୋହୂର କୌଣସି ପତ୍ତା ମିଳି ନ ଥିବାବେଳେ ପୋଲିସ ଘଟଣାର ଛାନଭିନ ଆରମ୍ଭ କରିଛି । ବୋହୂକୁ ଧରିବା ପାଇଁ ସହରରେ ସ୍ୱତନ୍ତ୍ର ଟିମ୍ ବୁଲୁଛି ।