ଯାତ୍ରା କରିବେନି ପୀୟୁଷ, ଯାତ୍ରା ଜଗତରୁ ଦୂରେଇ ରହିବାକୁ ନିଷ୍ପତ୍ତି !
ଯାତ୍ରା ଅଭିନେତା ପୀୟୁଷ ତ୍ରିପାଠୀଙ୍କ ବାପାଙ୍କ ଚିଠିକୁ ନେଇ ଚର୍ଚ୍ଚା। ପାରିବାରିକ ଓ ସ୍ୱାସ୍ଥ୍ୟଗତ ସମସ୍ୟା ଥିବାରୁ ଯାତ୍ରା ଜଗତରୁ ଦୂରେଇ ରହିବେ ପୀୟୁଷ! ୨ଟି ପାର୍ଟି ମାଲିକଙ୍କୁ ଅଗ୍ରୀମ ଟଙ୍କା ଫେରାଇ ନିଅନ୍ତୁ ବୋଲି କହିଲେ ପୀୟୁଷଙ୍କ ବାପା।
ଭୁବନେଶ୍ୱର: ପୁଣି ଚର୍ଚ୍ଚାରେ ଯାତ୍ରା ଜଗତର ପପୁଲାର କଳାକାର ପୀୟୁଷ ତ୍ରିପାଠୀ। ଏ ବର୍ଷ ଯାତ୍ରା ଜଗତରୁ ଦୂରେଇ ରହିପାରନ୍ତି ଯାତ୍ରା ଖଳନାୟକ ପୀଯୁଷ ତ୍ରିପାଠୀ। ନିକଟରେ ଜଣେ ଯାତ୍ରାପାର୍ଟି ମାଲିକଙ୍କ ପାଖରୁ ଟଙ୍କା ଓ ଗାଡ଼ି ଆଣି ଯାତ୍ରା କରିବାକୁ ମନା କରିବାରୁ ବିବାଦରେ ଫସିଥିଲେ।
ଆଉ ପରେ ଅନେକ ତର୍କ ବିତର୍କ ପରେ ଶେଷ ଆପୋଷ ବୁଝାମଣା ପରେ ଯାତ୍ରା କରିବାକୁ ନିଷ୍ପତ୍ତି ନେଇଥିଲେ ଅଭିନେତା ପୀଯୁଷ ତ୍ରିପାଠୀ। ହେଲେ ଏବେ ପୁଣିଥରେ ସେ ଚର୍ଚ୍ଚାର ପରିସର ଭୁକ୍ତ ହୋଇଛନ୍ତି। ଆଉ ଏ ବର୍ଷ ଯାତ୍ରା ଜଗତରୁ ଦୂରେଇ ରହିବେ ବୋଲି ସୂଚନା ମିଳିଛି।
ଆଉ ଏହି ଚର୍ଚ୍ଚାକୁ ଖୋରାକ ଯୋଗାଇଛି ପୀୟୁଷଙ୍କ ବାପାଙ୍କ ଚିଠି। ସୋସିଆଲ ମିଡିଆରେ ପୀୟୁଷଙ୍କ ବାପାଙ୍କ ଚିଠିକୁ ନେଇ ଚର୍ଚ୍ଚା ଜୋର ଧରିଛି। ପୀୟୁଷଙ୍କ ସ୍ୱାସ୍ଥ୍ୟଗତ ଓ ପାରିବାରିକ ସମସ୍ୟା ନେଇ ପୀୟୁଷଙ୍କ ବାପାଙ୍କ ଚିଠି ଲେଖିଛନ୍ତି।
ଯାତ୍ରା ମିଲିକ ମହାସଂଘ ସଭାପତିଙ୍କୁ ଚିଠି ଲେଖି ଅନୁରୋଧ କରିଛନ୍ତି ପୀୟୁଷଙ୍କ ବାପା। ଆଉ ଚିଠିରେ ଲେଖାଅଛି ପୀୟୁଷ ଚଳିତ ବର୍ଷ ଯାତ୍ରା କରିବାକୁ ଚାହୁଁନାହିଁ। କାରଣ ତାର ପାରିବାରିକ ଓ ସ୍ୱାସ୍ଥ୍ୟଗତ ସମସ୍ୟା ରହିଛି।
ତେଣୁ ପୀୟୁଷଙ୍କ ବାପା ଯାତ୍ରା ମିଲିକ ମହାସଂଘ ସଭାପତିଙ୍କୁ ଚିଠି ଲେଖି ଅନୁରୋଧ କରିଛନ୍ତି। ଆଉ ୨ଟି ପାର୍ଟି ମାଲିକଙ୍କୁ ଅଗ୍ରୀମ ଟଙ୍କା ଫେରାଇ ନିଅନ୍ତୁ ବୋଲି ମଧ୍ୟ କହିଛନ୍ତି। ତେଣୁ ଚଳିତ ବର୍ଷ ପୀୟୁଷ ଯାତ୍ରା କରି ନ ପାରନ୍ତି ବୋଲି କୁହାଯାଉଛି।