ଚୀନରେ ମିଳିଲା କରୋନାଠୁ ଅଧିକ ଭୟଙ୍କର ୨୦ଟି ଭାଇରସ୍, ଯାହା ଫଳ ଓ ପାଣି ଦ୍ୱାରା ବ୍ୟାପିପାରେ

ଚୀନ: କରୋନା ବା କୋଭିଡ଼-୧୯ ଦୁନିଆ ସାରା ଯେଉଁ ଆତଙ୍କ ସୃଷ୍ଟି କରିଥିଲା ତାକୁ କେହି ବି ଭୁଲି ପାରିବେ ନାହିଁ। ଯେବେ ଯେବେ ବି ବିଶ୍ୱର ଭୟଙ୍କର ମହାମାରୀ ବିଷୟରେ ଆଲୋଚନା ହେବ, ସେବେ ସେବେ ପ୍ରଥମେ ହୁଏତ କରୋନାର ନାଁ ଆସିବ.

ଚୀନରୁ ବ୍ୟାପିଥିବା ଏହି କୋଭିଡ-୧୯ ଲକ୍ଷ ଲକ୍ଷ ଲୋକଙ୍କ ଜୀବନ ନେଇଛି ଏବଂ ଏହାର ତାଣ୍ଡବ ଏବେ ବି ଜାରି ରହିଛି। କରୋନା ଯୋଗୁଁ ସୃଷ୍ଟି ହୋଇଥିବା ଆତଙ୍କ ମଧ୍ୟରେ ଏବେ ଚୀନର ବୈଜ୍ଞାନିକମାନେ ଆହୁରି ୨୦ ଟି ଭାଇରସ ଆବିଷ୍କାର କରିଛନ୍ତି।

ଯାହା ଏହାଠାରୁ ବହୁତ ବିପଜ୍ଜନକ। କେବଳ ସେମାନଙ୍କ ବିଷୟରେ ଚିନ୍ତା କରିବା ଦ୍ୱାରା ଲୋକମାନେ ଭୟଭୀତ ହୋଇଯାଇଛନ୍ତି। ତାହାଲେ ଭାବନ୍ତୁ ଏହା ଯଦି କରୋନା ପରି ବ୍ୟାପେ ତାହାଲେ ପରିସ୍ଥିତି କ’ଣ ହେବ?

ତେବେ ୨୦୧୯ ମସିହାରେ ଚୀନର ଉହାନ ସହରରେ ପ୍ରଥମ କୋଭିଡ୍ -୧୯ ମାମଲା ରିପୋର୍ଟ ହୋଇଥିଲା। ଏହା ପରେ ଉହାନ ଭାଇରସ୍ ରିସର୍ଚ୍ଚ ସେଣ୍ଟର କହିଥିଲା ​​ଯେ କରୋନା ଭାଇରସ୍ ବାଦୁଡ଼ିରୁ ବ୍ୟାପିଛି। ଏବେ ପୁଣି ଥରେ ବାଦୁଡ଼ିରେ ଏହି ନୂଆ ୨୨ଟି ଭାଇରସ୍ ମଧ୍ୟ ମିଳିଛି।

୨୦ଟି ଭାଇରସ୍: ଚୀନର ଗବେଷକମାନେ ବାଦୁଡ଼ିରେ ମିଳୁଥିବା ୨୦ଟି ଭାଇରସ୍ ଚିହ୍ନଟ କରିଛନ୍ତି। ଏହି ଭାଇରସ୍ ଗୁଡ଼ିକ ମଣିଷ ଏବଂ ପସୁମାନଙ୍କୁ ମଧ୍ୟ ବ୍ୟାପିପାରେ।

ୟୁନାନ୍ ପ୍ରଦେଶରେ ୨୦୧୭ରୁ ୨୦୨୧ ମଧ୍ୟରେ ପ୍ରାୟ ୧୪୨ଟି ବାଦୁଡ଼ିର କିଡ୍‌ନୀ ଟିସୁରୁ ୨୨ଟି ବିପଦପୂର୍ଣ୍ଣ ଭାଇରସ୍‌ ଚିହ୍ନଟ କରାଯାଇଛି। ଯେଉଁଥିରୁ ଦୁଇଟି ଭାଇରସ୍‌ ହେଣ୍ଡ୍ରା ଏବଂ ନିପାହ ସହିତ ସମାନ। ଗବେଷଣାରେ ଏକ ଅଜଣା ବ୍ୟାକ୍ରିଆ ଏବଂ କ୍ଲୋସିଏଲା ୟୁନାନେନ୍‌ସିସ୍‌ ନାମକ ଏକ ପରଜୀବୀ ମଧ୍ୟ ମିଳିଛି।

ମଣିଷଙ୍କ ପାଖକୁ ବ୍ୟାପିବ: ଯଦି ଏହି ଭାଇରସଗୁଡ଼ିକ ମଣିଷଙ୍କ ପାଖକୁ ବ୍ୟାପେ, ତେବେ ଏହା ବହୁତ ବିନାଶ ଆଣିପାରେ। ଏହି ଭାଇରସ୍‌ ବାଦୁଡ଼ିର ମୂତ୍ରରୁ ବାହାରି ଫଳ ଏବଂ ପାଣିରେ ପହଞ୍ଚିପାରେ।

ଏହି ଭାଇରସ୍‌ ଦୂଷିତ ଫଳ ଏବଂ ପାଣି ପିଇ ମଣିଷ ଏବଂ ପଶୁମାନଙ୍କୁ ପ୍ରଭାବିତ କରିପାରେ। ଯଦି ଏହି ଭାଇରସ୍‌ଗୁଡ଼ିକ ମଣିଷଙ୍କ ପାଖକୁ ବ୍ୟାପିଯାଏ, ତେବେ ଏହା କରୋନା ଭଳି ଗମ୍ଭୀର ଶ୍ୱାସକ୍ରିୟା ରୋଗ ଏବଂ ମସ୍ତିଷ୍କ ଫୁଲା ଭଳି ସମସ୍ୟା ସୃଷ୍ଟି କରିପାରେ। ଯାହା ମସ୍ତିଷ୍କକୁ ବହୁତ କ୍ଷତି ପହଞ୍ଚାଇପାରେ।

ଯଦିଓ ଗବେଷକମାନେ ଏପର୍ଯ୍ୟନ୍ତ କୌଣସି ନୂତନ ମହାମାରୀ ନିଶ୍ଚିନ୍ତ କରିନାହାଁନ୍ତି। ଏହି ବିପଦକୁ ଅଣଦେଖା କରାଯାଇପାରିବ ନାହିଁ। ବିଶେଷକରି ଏପରି ପରିସ୍ଥିତିରେ ଯେତେବେଳେ ସାରା ବିଶ୍ୱ କରୋନା ଭାଇରସ ଦ୍ୱାରା ହୋଇଥିବା ବିନାଶ ଦେଖିସାରିଛି।