‘ଅଧର ପଣା’ ନୀତି କ’ଣ, କାହିଁକି ପ୍ରସାଦରେ ମିଳେନି ମହାପ୍ରଭୁଙ୍କ ପାଖେ ଲାଗିଥିବା ଏହି ବିଶେଷ ଭୋଗ

ଓଡ଼ିଶା ଭାସ୍କର: ପବିତ୍ର ରଥଯାତ୍ରା ଚଳିତ ବର୍ଷ ଖୁବ ଧାମଧାମର ସହ ପାଳନ ହୋଇଛି। ଗତକାଲି ତିନି ଠାକୁରଙ୍କ ସୁନାବେଶ ଦେଖିବାକୁ ବଡ଼ଦାଣ୍ଡରେ ଅସମ୍ଭାଳ ଭିଡ଼ ହୋଇଥିଲା। ତେବେ ଆଜି ରଥଯାତ୍ରା ପର୍ବର ସମାପ୍ତି ହେବାକୁ ଯାଉଛି। ଆଜି ପୁରୀରେ ଅଧର ପଣା ନୀତି ପାଳନ ହେବ। ଆସନ୍ତୁ ଜାଣିବା ଏହି ବିଷୟରେ..

ଅଧର ପଣା ନୀତି: ଅଧର ପଣା ନୀତି ରଥଯାତ୍ରାର ୧୦ମ ଦିନ ପାଳନ କରାଯାଇଥାଏ। ଏଥିରେ ପଣା କରାଯାଇଥାଏ। ଏହାକୁ ଭୂତ-ପ୍ରେତ, ଯୋଗ-ଯୋଗିନୀ ଏବଂ ଆତ୍ମାଙ୍କୁ ଦିଆଯାଇଥାଏ।

ଏମିତି ବିଶ୍ୱାସ ରହିଛି ଯେ, ରଥଯାତ୍ରା ସମୟରେ ବ୍ରହ୍ମାଣ୍ଡରେ ଉପସ୍ଥିତ ଥିବା ସମସ୍ତ ଜୀବିତ ଏବଂ ମୃତକଙ୍କୁ ଏହି ପର୍ବରେ ସାମିଲ ହେବାକୁ ସୁଯୋଗ ମିଳିଥାଏ। ରଥଯାତ୍ରା ସମୟରେ ମହାପ୍ରଭୁଙ୍କୁ ଦେଖିବା ଲାଗି ଦେବତା, ଅସୁର, ଭୂତ-ପ୍ରେତ, ଆତ୍ମାଠାରୁ ନେଇ ଜୀବଜନ୍ତୁମାନେ ବି ଆସିଥାଆନ୍ତି।

ଦେବତାମାନଙ୍କୁ ମହାପ୍ରଭୁଙ୍କ ଭୋଗ ସହ ଭୋଗ ଅର୍ପଣ କରାଯାଇଥାଏ। ହେଲେ ଅନ୍ୟ ଲୋକଙ୍କୁ ପ୍ରଭୁଙ୍କ ଭୋଗ ଭାବେ ଅଧର ପଣାରେ ପଣା ସମର୍ପଣ କରାଯାଏ। କୁହାଯାଇଥାଏ ଯେ, ଏମାନେ ସବୁ ରଥର ସୁରକ୍ଷା କରିଥାଆନ୍ତି।

ଏହି ପଣାରେ କ୍ଷୀର, ଛେନା, ମିଠା, ଗୁଡ଼, ଫଳ ଏବଂ କିଛି ମସଲା ଭଳି ଡାଲଚିନି, ଅଳେଇଚ ଏବଂ ଗୋଲମରିଚ ଆଦି ବ୍ୟବହାର କରାଯାଇଥାଏ। ଏହି ସମସ୍ତ ଜିନିଷକୁ ମିଶାଇ ତିନୋଟି ରଥରେ ବଡ଼ ବଡ଼ ମାଠିଆରେ ଭର୍ତ୍ତି କରି ରଖାଯାଇଥାଏ। ଅଧର ମାନେ ଓଠ।

ଏହି ମାଠିଆର ଉଚ୍ଚତା ମହାପ୍ରଭୁଙ୍କ ଓଠ ପର୍ଯ୍ୟନ୍ତ ଯେପରି ରହିବ। ଯାହା ଦ୍ୱାରା ସେ ଏହାକୁ ଗ୍ରହଣ କରିପାରିବେ ଯେମିତି। ଏହାର କିଛି ସମୟ ପରେ ଗୋଟିଏ ଗୋଟିଏ କରି ମାଠିଆକୁ ଓଲଟା ଯାଇଥାଏ।

ଏହି କାମ ରଥ ଉପରେ ଥିବା ଦଇତା ପତି ଏବଂ ଅନ୍ୟାନ୍ୟ ସେବାୟତଙ୍କ ଦ୍ୱାରା କରାଯାଇଥାଏ। ମାଠିଆକୁ ଏଥିପାଇଁ ଭଙ୍ଗାଯାଏ ଯେଉଁଥିରେ ଅନ୍ୟ ଦୁନିଆର ଲୋକେ ଏହାର ସେବନ କରିପାରିବେ।