ଡ୍ରୋନ୍ ଦ୍ୱାରା ବମ୍ ବ୍ଲାଷ୍ଟ କରିବାକୁ ଚାହୁଁଥିଲା ଆତଙ୍କୀ, ଭୁଲ୍ ବଶତଃ ହାତରୁ ଖସି ବିସ୍ଫୋରଣରେ ନିଜେ ମରିଗଲା

ପାକିସ୍ତାନ: ନିଜେ ଖୋଳିଥିବା ଗାତରେ ନିଜେ ପଡ଼ିଲେ ପାକିସ୍ତାନ କମାଣ୍ଡର। ଡ୍ରୋନ୍ ବ୍ଲାଷ୍ଟ କରିବାକୁ ଚାହୁଁଥିଲା ଆତଙ୍କୀ। ହେଲେ ଡ୍ରୋନ୍ ବ୍ଲାଷ୍ଟ ହେବା ପୂର୍ବରୁ ଖସି ପଡ଼ିଥିଲା। ଯେଉଁ ବିସ୍ଫୋରଣରେ ନିଜେ ପ୍ରାଣ ହରାଇଲା ତେହେରିକ-ଏ-ତାଲିବାନ ପାକିସ୍ତାନ କମାଣ୍ଡର ୟାସିନ ଓରଫ ଅବଦୁଲ୍ଲା।

ସୂଚନା ଅନୁସାରେ, ପାକିସ୍ତାନର ଖାଇବର ପଖତୁନଖ୍ୱା ପ୍ରଦେଶରେ ଏକ ବୋମା ବିସ୍ଫୋରଣ ଘଟିଛି। ତିରାହ ଘାଟିରେ ଏହି ଘଟଣା ଘଟିଥିଲା। ଯେତେବେଳେ ୟାସିନ ଏକ ଡ୍ରୋନ ସାହାଯ୍ୟରେ ବମ୍ ବ୍ଲାଷ୍ଟ କରିବାକୁ ଚେଷ୍ଟା କରୁଥିଲେ।

ତେବେ ବୋମାଟି ଲକ୍ଷ୍ୟସ୍ଥଳରେ ପଡ଼ିବା ପୂର୍ବରୁ ଭୁଲ୍ ବଶତଃ ହାତରୁ ଖସିପଡିଥିଲା। ଯାହା ଫଳରେ ୟାସିନର ଘଟଣାସ୍ଥଳରେ ମୃତ୍ୟୁ ହେବା ସହ ଦୁର୍ଘଟଣାରେ ତାଙ୍କର ଦୁଇ ଜଣ ସହଯୋଗୀ ମଧ୍ୟ ଆହତ ହୋଇଛନ୍ତି।

ଆତଙ୍କବାଦୀଙ୍କ ଗଡ଼: ଏହି ଘଟଣା ଆଫଗାନିସ୍ତାନ ସୀମା ସଂଲଗ୍ନ ଖାଇବର ଜିଲ୍ଲାର ତିରାହ ଘାଟିରେ ଘଟିଛି। ଯଦି ଦେଖିବା ଏହି ଅଞ୍ଚଳ ବହୁ ସମୟ ଧରି ଆତଙ୍କବାଦୀଙ୍କ ଗଡ଼ ହୋଇ ରହିଛି।

ଆପଣଙ୍କୁ ଜଣାଇ ଦେଉଛୁ ଯେ ତିରାହରେ ଟିଟିପି, ଲସ୍କର-ଏ-ଇସଲାମ ଏବଂ ଅନସାର-ଉଲ-ଇସଲାମ ଭଳି ଆତଙ୍କବାଦୀ ସଂଗଠନର ଉପସ୍ଥିତି ଯୋଗୁଁ ହିଂସା ଏବଂ ଗୁଳିଚାଳନା ଖବର ବାରମ୍ବାର ଆସୁଛି।

ସୂତ୍ର ଅନୁସାରେ ୟାସିନ ମେ ୨୪ ତାରିଖରେ ଆନୁଷ୍ଠାନିକ ଭାବରେ ଟିଟିପିରେ ଯୋଗଦେବା ଘୋଷଣା କରିଥିଲା ଏବଂ ସେ ଏହି ଅଞ୍ଚଳରେ ସଂଗଠନର ନେତୃତ୍ୱ ନେଉଥିଲା।

ତେହେରିକ-ଏ-ତାଲିବାନ ପାକିସ୍ତାନ କ’ଣ: ତେହେରିକ-ଏ-ତାଲିବାନ ପାକିସ୍ତାନ ଏକ ନିଷିଦ୍ଧ ଆତଙ୍କବାଦୀ ସଂଗଠନ। ଯାହା ପାକିସ୍ତାନ ଏବଂ ଆଫଗାନିସ୍ତାନର ସୀମାରେ ସକ୍ରିୟ ଅଛି।

ଏହି ସଂଗଠନ ସରକାରଙ୍କ ବିରୁଦ୍ଧରେ ହିଂସାତ୍ମକ କାର୍ଯ୍ୟକଳାପ, ବୋମା ବିସ୍ଫୋରଣ ଏବଂ ସୁରକ୍ଷା ବାହିନୀ ଉପରେ ଆକ୍ରମଣ ପାଇଁ ଜଣାଶୁଣା।

ଟିଟିପିର ଲକ୍ଷ୍ୟ ହେଉଛି ପାକିସ୍ତାନରେ ଶରିଆ ଆଇନ ଲାଗୁ କରିବା ଏବଂ ଏହା ପ୍ରାୟତଃ ସାଧାରଣ ନାଗରିକ ଏବଂ ସାମରିକ ଘାଟିକୁ ଟାର୍ଗେଟ କରିଥାଏ। ପାକିସ୍ତାନର ସରକାର ଏବଂ ସେନା ନିରନ୍ତର ଏହି ସଂଗଠନ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି।