ବନ୍ୟାଜଳରେ ଉବୁଟୁବୁ କେନ୍ଦ୍ରାପଡ଼ା: ରାସ୍ତାରେ ୭ ଫୁଟ ଉଚ୍ଚତାରେ ପାଣି, ଡଙ୍ଗାରେ ବସି ଲୋକ କରୁଛନ୍ତି ଯାତାୟତ

କେନ୍ଦ୍ରାପଡ଼ା: ଖରସ୍ରୋତା, ବ୍ରାହ୍ମଣୀ ଓ କାଣୀ ନଦୀରେ ବନ୍ୟା ସ୍ଥିତି ଦେଖିବାକୁ ମିଳିଛି । ବନ୍ୟା ଯୋଗୁ ତଳିଆ ଅଞ୍ଚଳରେ ଥିବା ଘରଗୁଡ଼ିକରେ ପାଣି ପଶିଥିବା ସୂଚନା ।

ବିଭିନ୍ନ ବ୍ଲକକୁ ଯୋଗାଯୋଗ ବିଚ୍ଛିନ୍ନ ହୋଇଥିବାବେଳେ ଯାତାୟତ ମଧ୍ୟ ଏକ ପ୍ରକାର ବନ୍ଦ ହୋଇଯାଇଛି ।

ରାଜନଗର, ଆଳି, ପଟ୍ଟାମୁଣ୍ଡାଇ ଅଞ୍ଚଳରେ ବନ୍ୟା ହୋଇଥିବା ଖବର ପ୍ରକାଶ ପାଇଛି । ପାଣି ଘେରରେ ଏକାଧିକ ଗାଁ ଥିବାବେଳେ ଲୋକମାନେ ହନ୍ତସନ୍ତ ହୋଇଛନ୍ତି ।

ବନ୍ୟାରେ ଆଳି ବ୍ଲକର ୧୨ଟି ପଞ୍ଚାୟତ ପ୍ରଭାବିତ । ମାନପୁର-ଗୋବିନ୍ଦପୁର ରାସ୍ତାରେ ୭ ଫଉଟ ଉଚ୍ଚରେ ନବ୍ୟା ଜଳ ପ୍ରବାହିତ ହେଉଛି ।

ସେହିପରି ରାଜନଗର ଅଞ୍ଚଳରେ ପ୍ରାୟ ୩୦ ଗାଁ ବାହ୍ୟଜଗତରୁ ବିଚ୍ଛିନ୍ନ ହୋଇପଡ଼ିଛି । ପାଣିରେ ଡଙ୍ଗା ପକାଇ ଯାତାୟତ କରୁଛନ୍ତି ଲୋକେ ।