“ଚୋରମାନଙ୍କୁ ହଟାଅ, ବିଜେପିକୁ ଘଉଡ଼ାଅ, ଏବଂ ଆମକୁ ଜିତାଅ”

ବିହାର: “ଚୋରମାନଙ୍କୁ ହଟାଅ, ବିଜେପିକୁ ଘଉଡ଼ାଅ, ଏବଂ ଆମକୁ ଜିତାଅ, ଚୋର ବିଜେପିକୁ କୌଣସି ମୂଲ୍ୟରେ କ୍ଷମତାକୁ ଆସିବାକୁ ଦିଅ ନାହିଁ।”।

ଏକଥା ଆମେ କହୁନାହୁଁ ଭୋଟର ଅଧିକାର ଯାତ୍ରା ସମ୍ପର୍କରେ ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବ ସାସାରାମରେ ଏପରି କିଛି ବିବୃତ୍ତି ଦେଇଛନ୍ତି।ତାଙ୍କ କହିବା କଥା “ରାହୁଲ ଗାନ୍ଧୀ, ତେଜସ୍ୱୀ ଯାଦବ, ମଲ୍ଲିକାର୍ଜୁନ ଖାର୍ଗେ ଏବଂ ସାଧାରଣ ଜନତା ସମସ୍ତେ ଏକ ହୁଅ, ଏବଂ ବିଜେପିକୁ ଉପାଡ଼ି ଫୋପାଡ଼ି ଦିଅ ଏବଂ ଗଣତନ୍ତ୍ରକୁ ବଞ୍ଚାଅ”।

ଏହି ଯାତ୍ରାକୁ ସମର୍ଥନ କରନ୍ତୁ: କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ କହିଛନ୍ତି, “ବିହାର ହେଉଛି ଗଣତନ୍ତ୍ରର ଜନ୍ମସ୍ଥାନ। ରାହୁଲ ଗାନ୍ଧୀଙ୍କ ଭୋଟର ଅଧିକାର ଯାତ୍ରା ସାସାରାମରୁ ଆରମ୍ଭ ହେଉଛି। ଏହି ଯାତ୍ରା ୧୬ ଦିନରେ ୨୦ଟି ଜିଲ୍ଲା ଦେଇ ୧୩୦୦ କିଲୋମିଟର ଦୂରତା ଅତିକ୍ରମ କରିବ।

ଏହା ସେପ୍ଟେମ୍ବର ୧ରେ ଐତିହାସିକ ଗାନ୍ଧୀ ମୈଦାନରେ ଶେଷ ହେବ। ତେଜସ୍ୱୀ ଯାଦବ ଏବଂ ଅନେକ ନେତା ଏଥିରେ ଅଂଶଗ୍ରହଣ କରିବେ। ଆପଣଙ୍କ ସ୍ୱାର୍ଥରେ, ଦେଶର ସ୍ୱାର୍ଥରେ, ସମ୍ବିଧାନକୁ ବଞ୍ଚାଇବା ପାଇଁ ଏହି ଯାତ୍ରାକୁ ସମର୍ଥନ କରନ୍ତୁ।”

#WATCH | Sasaram, Bihar | On ‘Voter Adhikar Yatra’, RJD chief Lalu Prasad Yadav says, “‘Choro ko hataiye, BJP ko bhagaiye, aur hume jitaiye’… At any cost, do not let the BJP, which is a thief, come to power… Rahul Gandhi, Tejashwi Yadav, Mallikarjun Kharge, and all of you… pic.twitter.com/99Fqx0RBPw

— ANI (@ANI) August 17, 2025

ରାହୁଲ ଗାନ୍ଧୀ: ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ କହିଛନ୍ତି, “ଯେତେବେଳେ ଆମେ ତଦନ୍ତ କଲୁ, ସମସ୍ତ ରେକର୍ଡ ବାହାର କରାଗଲା, ଆମେ ଜାଣିଲୁ ଯେ କର୍ଣ୍ଣାଟକର ଏକ ବିଧାନସଭାରେ ଏକ ଲକ୍ଷରୁ ଅଧିକ ଭୋଟ ଚୋରି ହୋଇଥିଲା ଏବଂ ଏହି ଭୋଟ ଯୋଗୁଁ ବିଜେପି କର୍ଣ୍ଣାଟକର ଲୋକସଭା ଆସନରେ ବିଜୟୀ ହୋଇଥିଲା।

ଯେତେବେଳେ ଆମେ ସାମ୍ବାଦିକ ସମ୍ମିଳନୀରେ ଏହା କହିଥିଲୁ, ନିର୍ବାଚନ କମିଶନ ଆମକୁ ଏକ ଶପଥପତ୍ର ମାଗିଥିଲେ। କିନ୍ତୁ ବିଜେପି ଲୋକଙ୍କଠାରୁ ଶପଥପତ୍ର ମାଗାଯାଏ ନାହିଁ।

ଏହା ସେମାନଙ୍କର (ନିର୍ବାଚନ କମିଶନ) ତଥ୍ୟ, ସେମାନଙ୍କର ସଂଖ୍ୟା କିନ୍ତୁ ସେମାନେ ମୋଠାରୁ ଏକ ଶପଥପତ୍ର ମାଗୁଛନ୍ତି। ଆମେ ସେମାନଙ୍କୁ ସିସିଟିଭି ଫୁଟେଜ୍ ମାଗିଥିଲୁ କିନ୍ତୁ ସେମାନେ ମନା କରିଦେଇଥିଲେ।”

ରାହୁଲ ଗାନ୍ଧୀ କହିଛନ୍ତି, “ଏହା ସମ୍ବିଧାନକୁ ବଞ୍ଚାଇବା ପାଇଁ ଏକ ଲଢ଼େଇ। ସାରା ଭାରତରେ, RSS ଏବଂ BJP ସମ୍ବିଧାନକୁ ନଷ୍ଟ କରିବାକୁ ଚେଷ୍ଟା କରୁଛନ୍ତି।

ନରେନ୍ଦ୍ର ମୋଦି ଏବଂ BJP ପ୍ରତ୍ୟେକ ନିର୍ବାଚନରେ ଜିତିଥାନ୍ତି। ଯେତେବେଳେ ଆମେ ତଦନ୍ତ କଲୁ, ଆମେ ଜାଣିବାକୁ ପାଇଲୁ ଯେ ଲୋକସଭା ନିର୍ବାଚନ ପରେ ନିର୍ବାଚନ କମିଶନ ଯାଦୁକରୀ ଭାବରେ ମହାରାଷ୍ଟ୍ରରେ ୧ କୋଟି ନୂତନ ଭୋଟର ସୃଷ୍ଟି କରିଥିଲେ।

ଲୋକସଭା ଏବଂ ବିଧାନସଭାରେ ୧ କୋଟି ଭୋଟରର ପାର୍ଥକ୍ୟ ଥିଲା। ଏହି ନୂତନ ଭୋଟର ଯେଉଁଠାରେ ଆସେ, BJP ସେଠାରେ ଜିତେ।” ସେପଟେ ରାହୁଲଙ୍କ ଏହି ବିବୃତ୍ତିକୁ ନେଇ ଆଜି ନିର୍ବାଚନ କମିଶନ ମଧ୍ୟ ପ୍ରେସମିଟ୍ କରି ଅନେକ କିଛି କହିଛି।