ଜେଲରେ ଜ୍ୱାଇଁ ଚର୍ଚ୍ଚା ପାଉଛି ଗ୍ୟାଙ୍ଗଷ୍ଟର; ମଦ ପିଉଥିବା ଭିଡ଼ିଓ ଭାଇରାଲ

ନୂଆଦିଲ୍ଲୀ: ଭାରତୀୟ ଆଇନ ବ୍ୟବସ୍ଥାରେ ରହିଥିବା ଦୁର୍ବଳତା ପୁଣକି ଥରେ ପଦାରେ ପଡିଛି । ପୋଲିସ ହାଜତରେ ରହିଥିବା କୁଖ୍ୟାତ ଗ୍ୟାଙ୍ଗଷ୍ଟର ନୀରଜ ବାୱନା ମଦ ପିଉଥିବାର ଭିଡିଓ ଭାଇରାଲ ହୋଇଛି । ଏହି ଭିଡିଓ ଭାଇରାଲ ହେବା ସହିତ ଆଇନ ବ୍ୟବସ୍ଥାର ନଗ୍ନ ଚିତ୍ର ସାମ୍ନାକୁ ଆସିଛି । ଭାଇରାଲ ହୋଇଥିବା ଭିଡିଓରେ ନୀରଜ ଜେଲରେ ନିଜର ସାଥୀ ମାନଙ୍କ ସହିତ ବସି ମଦ ପିଉଥିବାର ଭିଡିଓ ଭାଇରାଲ ହୋଇଛି ।

୨୦୧୫ରେ ଗିରଫ ହୋଇଥିବା ୩୧ ବର୍ଷୀୟ ନୀରଜ ପୋଲିସର ନାକ ତଳେ ହିଁ ମଦ୍ୟପାନ କରୁଥିବା ଦେଖିବାକୁ ମିଳିଛି । ନୀରଜ ସାଧାରଣ କଏଦୀଙ୍କ ଡ୍ରେସରେ ନଥିବା ବେଳେ ନିଜ ଗ୍ୟାଙ୍ଗର ଅନ୍ୟ ସଦସ୍ୟଙ୍କ ସହ ମିଶି ମଦ ପିଉଥିବା ଦେଖିବାକୁ ମିଳିଛି । ନୀରଜ ନିଜ ଗ୍ୟାଙ୍ଗର ସଦସ୍ୟ ରାହୁଲ କାଲା ଓ ନବୀନ ବଲି ସହିତ ମଦ ପିଉଥିବାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଛି ।