ରସି ଭାବି ସାପକୁ ଧରିଲେ କୃଷକ: ତା’ପରେ ଘଟିଗଲା ଏମିତି
ନୂଆଦିଲ୍ଲୀ: ଏମିତି ବି ଆସିପାରେ ମୃତ୍ୟୁ । ସାଇକେଲ ଚକରେ ଫସିଥିବା ସାପକୁ ରସି ଭାବି କାଢ଼ୁଥିବାବେଳେ ପ୍ରାଣ ହରାଇଲେ ଚାଷୀ । ଏମିତି ଏକ ଅଭାବନୀୟ ଘଟଣା ଉତ୍ତର ପ୍ରଦେଶ ମେନପୁରୀରେ ଦେଖିବାକୁ ମିଳିଛି । ଯେଉଁଠାରେ ଜଣେ ଚାଷୀ ସାଇକେଲ ଚକରେ ଫସିଥିବା ଏକ ସାପକୁ କାଢ଼ିବା ସମୟରେ ସାପ କାମୁଡ଼ିବା ଯୋଗୁଁ ମୃତ୍ୟୁବରଣ କରିଛନ୍ତି । ନଗଲା ରାମା ନିବାସୀ ଚନ୍ଦ୍ରଭାନ ଶୁକ୍ରବାର ସନ୍ଧ୍ୟାରେ ସାଇକେଲରେ ଘରକୁ ଫେରୁଥିବାବେଳେ ସାପ କାମୁଡ଼ାରେ ତାଙ୍କର ମୃତ୍ୟୁ ଘଟିଛି ।
ପରିବାର ଲୋକଙ୍କ କହିବା ଅନୁଯାୟୀ ରାସ୍ତାରେ ଯାଉଥିବାବେଳେ ସାଇକେଲ ଧୀରେ ଧୀରେ ଚାଲିଥିଲା । ଅନ୍ଧାରରେ ଚନ୍ଦ୍ରଭାନଙ୍କୁ ସାପ ଦେଖାଯାଇନଥିଲା ଏବଂ ସେ ତାକୁ ରସି ଭାବି ଭାବିଥିଲେ । ରସିକୁ ବାହାର କରିବା ପାଇଁ ସେ ଚକରେ ହାତ ପୂରାଇଥିଲେ ଏହି ସମୟରେ ସାପ ତାଙ୍କୁ କାମୁଡ଼ିଥିଲା । କୌଣସି ମତେ କୃଷକ ତାଙ୍କ ଘରେ ପହଞ୍ଚିଥିଲେ କିନ୍ତୁ ଏହାପରେ ତାଙ୍କର ମୃତ୍ୟୁ ହୋଇଥିଲା । ଚକରେ ଫସି ସାପର ମଧ୍ୟ ମୃତ୍ୟୁ ହୋଇଛି । ଖବର ପାଇ ପୋଲିସ ଶନିବାର କୃଷକଙ୍କ ଶବକୁ ବ୍ୟବଚ୍ଛେଦ ପାଇଁ ପଠାଇଛି ।
