ଦିଲ୍ଲୀବାସୀଙ୍କୁ କେଜ୍ରିୱାଲ ସରକାରଙ୍କ ଉପହାର, ଆଉ ଛଅ ମାସ ବଢିଲା ଫ୍ରି ରାସନ ଯୋଜନା
ନୂଆଦିଲ୍ଲୀ : ଦିଲ୍ଲୀବାସୀଙ୍କ ପାଇଁ ଖୁସି ଖବର । ଅରବିନ୍ଦ୍ର କେଜ୍ରିୱାଲ ସରକାର ଫ୍ରି ରାସନ ଯୋଜନାକୁ ଆଗାମୀ ଛା ମାସ ପାଇଁ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । କେନ୍ଦ୍ର ସରକାରଙ୍କ ଦ୍ୱାରା ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା ଆଧାରରେ ମାଗଣା ରାସନ ବିତରଣ ନଭେମ୍ବର ୩୦ରେ ସରିବାକୁ ଯାଉଛି । ଏହାର ଅବଧି ବୃଦ୍ଧି କରିବାକୁ କେନ୍ଦ୍ର ସରକାର ମନା କରି ଦେବା ପରେ କେଜ୍ରିୱାଲ ସରକାର ଏହି ନିର୍ଣ୍ଣୟ ନେଇଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶନିବାର ଟ୍ୱିଟ୍ କରି ଏହାର ସୂଚନା ଦେଇଛନ୍ତି ।
କେଜ୍ରିୱାଲ କହିଛନ୍ତି, ସଂପ୍ରତି ମହଙ୍ଗା ବହୁତ ଅଧିକ ରହିଛି । ସାଧାରଣ ଜନତାଙ୍କୁ ଗୋଟିଏ ବେଳର ଖାଇବା ମଧ୍ୟ ମୁସ୍କିଲ ହୋଇ ପଡିଛି । କରୋନା କାରଣରୁ ଅନେକ ବେରୋଜଗାର ହୋଇ ଯାଇଛନ୍ତି । ତେଣୁ ପ୍ରଧାନମନ୍ତ୍ରୀ ଦୟାକରି ଗରିବଙ୍କୁ ମାଗଣା ରାସନ ଯୋଜନା ଆଉ ଛଅ ମାସ ବଢାନ୍ତୁ । ଦିଲ୍ଲୀ ସରକାର ନିଜର ଫ୍ରି ରାସନ ଯୋଜନା ଛଅ ମାସ ପାଇଁ ବୃଦ୍ଧି କରୁଥିବା କେଜ୍ରିୱାଲ କହିଛନ୍ତି ।
महंगाई बहुत ज़्यादा हो गई है। आम आदमी को दो वक्त की रोटी भी मुश्किल हो रही है। कोरोना की वजह से कई बेरोज़गार हो गए
प्रधानमंत्री जी, ग़रीबों को मुफ़्त राशन देने की इस योजना को कृपया छः महीने और बढ़ाया जाए
दिल्ली सरकार अपनी फ़्री राशन योजना छः महीने के लिए बढ़ा रही है। https://t.co/rF3TC7bRaM
— Arvind Kejriwal (@ArvindKejriwal) November 6, 2021
ଦିଲ୍ଲୀରେ ୨୦୦୦ରୁ ଅଧିକ ରାସନ ଦୋକାନ ରହିଛି । ରାଜଧାନୀରେ ରାସନ କାର୍ଡଧାରୀ ସଂଖ୍ୟା ହେଉଛି ୧୭.୭୭ ଲକ୍ଷ । ଆଉ ମୋଟ୍ ହିତାଧିକାରୀ ରହିଛନ୍ତି ୭୨.୭୮ ଲକ୍ଷ । ଦିଲ୍ଲୀ ସରକାର ଜାତୀୟ ଖାଦ୍ୟ ସୁରକ୍ଷା ଅଧିନିୟମ(ଏନଏଫଏସଏ) ୨୦୧୩ ଏବଂ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା(ପିଏମଜେକେଏୱାଇ) ଆଧାରରେ ହିତାଧିକାରୀଙ୍କୁ ମାଗଣା ରାସନ ଯୋଗାଇ ଦେଉଛନ୍ତି । ସରକାର ଚଳିତ ବର୍ଷ ଜୁଲାଇରୁ ଗୋଟିଏ ଦେଶ ଏବଂ ଗୋଟିଏ ରାସନ କାର୍ଡ ଯୋଜନା ଆଧାରରେ ରାସନ ବିତରଣ ମଧ୍ୟ ଆରମ୍ଭ କରି ଦେଇଛନ୍ତି ।