ଟିକଟକବାଲିଙ୍କ ପ୍ରେମରେ ୬୫ ବର୍ଷୀୟ ବୃଦ୍ଧ, ସ୍ତ୍ରୀଙ୍କୁ ଛାଡ଼ପତ୍ର ଦେଇ ବିବାହ ପାଇଁ ବଳାଇଛନ୍ତି ମନ
କୁହାଯାଏ, ପ୍ରେମ ଜାତି, ଧର୍ମ, ବର୍ଣ୍ଣ, ବୟସ କିଛି ମାନେନା । କାହା ସହ କେଉଁଠି କେତେବେଳେ ସମ୍ପର୍କ ଯୋଡ଼ି ହୋଇଯିବ ତାହା କହିବା ମୁସ୍କିଲ । ସେମିତି ଏକ ଘଟଣା ସାମ୍ନାକୁ ଆସଛି । ଜଣେ ୬୫ ବର୍ଷୀୟ ବୃଦ୍ଧ ଟିକଟକ କରୁଥିବା ଜଣେ ଯୁବତୀଙ୍କ ପ୍ରେମରେ ପଡ଼ିଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କାରଣ ଏହି ବୃଦ୍ଧ ଜଣଙ୍କ ଏହି ପରିଣତ ବୟସରେ ତାଙ୍କ ସ୍ତ୍ରୀଙ୍କୁ ଛାଡ଼ପତ୍ର ଦେଇ ଯୁବତୀଙ୍କ ପ୍ରେମରେ ପଡ଼ି ବିବାହ କରିବାକୁ ଚାହାନ୍ତି । ବୃଦ୍ଧଙ୍କ ଏହି କାର୍ଯ୍ୟ ଯୋଗୁ ୟୁରୋପୀୟ ପରିବାର ଅତ୍ୟନ୍ତ ଅସନ୍ତୋଷ ପ୍ରକାଶ କରିଛନ୍ତି । ତାଙ୍କ ପରିବାର ସଦସ୍ୟଙ୍କ କହିବାନୁସାରେ, ସେ୨୫ ବର୍ଷୀୟା ଜଣେ ଟିକଟକରଙ୍କୁ ଭଲ ପାଉଛନ୍ତି ଏବଂ ନାଇଜେରିଆର ଲାଗୋ ଯାଇ ତାଙ୍କୁ ବିବାହ କରିବାକୁ ଚାହୁଁଛନ୍ତି। ଉଭୟ ଏକ ବର୍ଷରୁ ଅଧିକ ସମୟ ଧରି ପରସ୍ପର ସହ ଯୋଗାଯୋଗରେ ଥିଲେ ଏବଂ ଏହି ସମୟ ମଧ୍ୟରେ ବୃଦ୍ଧ ମଧ୍ୟ ଯୁବତୀଙ୍କୁ ଅନେକ ଥର ଟଙ୍କା ପଠାଇଥିଲେ। କେବଳ ଏତିକି ନୁହେଁ ବୃଦ୍ଧ ଜଣକ ଭିସା ପାଇଁ ଆବେଦନ ମଧ୍ୟ କରିଛନ୍ତି।
ବୃଦ୍ଧଙ୍କ ଭଣଜା ବୋଲି ଦାବି କରୁଥିବା ଜଣେ ସୋସିଆଲ ମିଡିଆ ୟୁଜର ଇଣ୍ଟରନେଟରେ ପୁରା କାହାଣୀ ସେୟାର କରିଛନ୍ତି। ପୋଷ୍ଟ ଅନୁଯାୟୀ ମୋର ମାମୁଁ ୬୫ ବର୍ଷ ଏବଂ ବିବାହିତ। ଗତ ଏକ ବର୍ଷ ଧରି ସେ ଟିକଟକରେ ଜଣେ ନାଇଜେରିଆ ଯୁବତୀଙ୍କ ସହିତ ପ୍ରେମ ସମ୍ପର୍କ ରଖିଥିଲେ, ଯିଏକି ମାତ୍ର୨୦ରୁ ୨୫ବର୍ଷ ବୟସ। ଦୁହିଁଙ୍କ ମଧ୍ୟରେ କଥାବାର୍ତ୍ତା ଚାଟରୁ ଆରମ୍ଭ ହୋଇଥିଲା, ତା’ପରେ ମାମୁଁ ବିଭିନ୍ନ କାରଣର ଯୁବତୀଙ୍କକୁ ଟଙ୍କା ପଠାଉଥିଲେ।
ୟୁଜର ଆହୁରି ମଧ୍ୟ କହିଛନ୍ତି ଯେ, ଏହି ସମୟ ମଧ୍ୟରେ ପରିବାର ସଦସ୍ୟ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ, କିନ୍ତୁ ସେ କାହା କଥା ଶୁଣିବାକୁ ପ୍ରସ୍ତୁତ ନ ଥିଲେ। ପରିବାର ସଦସ୍ୟମାନେ ଚିନ୍ତିତ ଅଛନ୍ତି ଯେ, ସେମାନେ ଏକ ବଡ଼ ଠକେଇର ଶିକାର ହୋଇପାରନ୍ତି | ଭଣଜା କହିଛନ୍ତି, ତାଙ୍କ ପରିବାର ଡକାୟତି କିମ୍ବା ଭଣଜାଙ୍କ ସହ କିଛି ଅଘଟଣ ଘଟଣାରେ ଭୟ କରୁଛନ୍ତି।
ଏହି ପୋଷ୍ଟ ବହୁ ୟୁଜରଙ୍କୁ ଆକର୍ଷିତ କରିଥିଲା। ଜଣେ ୟୁଜର ଲେଖିଛନ୍ତି, ଲାଗୁଛି ତୁମର ମାମୁଁ ଏକ ଅନଲାଇନ୍ ସ୍କାମରେ ଫସି ରହିଛନ୍ତି। ନାଇଜେରିଆ କୁଖ୍ୟାତ। ଅନ୍ୟ ଜଣେ ୟୁଜର କହିଛନ୍ତି, ମାମୁଁଙ୍କୁ ବୁଝାନ୍ତୁ। ସେ ସାଇବର ସେଲର ସାହାଯ୍ୟ ନେବାକୁ ରାଜି ହେବେ। ଅନ୍ୟ ଜଣେ ୟୁଜର ମନ୍ତବ୍ୟ ଦେଇଛନ୍ତି, ମୁଁ ଆଶ୍ଚର୍ଯ୍ୟ ହେଇଛି ଯେ, ଜଣେ ଅପରିଚିତ ବ୍ୟକ୍ତିଙ୍କ ପାଇଁ ଜଣେ ବର୍ଷ ପୁରୁଣା ସମ୍ପର୍କକୁ କିପରି ଭାଙ୍ଗି ପାରିବ।