କୋରାପୁଟ ଗୁପ୍ତେଶ୍ୱର ବାବାଙ୍କୁ ଦର୍ଶନ କରିବାକୁ ଯିବାବେଳେ ବଡ଼ ଦୁର୍ଘଟଣା, ୪ ଜଣ ଶ୍ରଦ୍ଧାଳୁଙ୍କ ମୃତ୍ୟୁ, ୪୦ ଆହତ
କୋରାପୁଟ: ରବିବାର ସକାଳେ କୋରାପୁଟରେ ଏକ ବଡ଼ ଅଘଟଣ ଘଟିଛି। ଏଠାରେ ଏକ ଯାତ୍ରୀବାହୀ ବସ୍ ଓଲଟିପଡିଛି। ଏହି ଦୁର୍ଘଟଣାରେ ୪ଜଣଙ୍କ ମୃତ୍ୟୁ ଘଟିଛି ଏବଂ ୪୦ ଜଣ ଆହତ ହୋଇଛନ୍ତି। ଏହି ବସ୍ ୫୦ ଜଣ ଶ୍ରଦ୍ଧାଳୁଙ୍କୁ ନେଇ ଯାତ୍ରା କରୁଥିଲା। ଏହି ସମୟରେ ବସ୍ଟି ଅନିୟନ୍ତ୍ରିତ ହୋଇ ଓଲଟି ପଡିଥିଲା। ଏହି ଦୁର୍ଘଟଣାରେ ଦୁଃଖପ୍ରକାଶ କରି ମୃତକଙ୍କ ପରିବାରକୁ ସହାୟତା ରାଶି ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ପୋଲିସର ସୂଚନା ମୁତାବକ, ଏହି ଦୁର୍ଘଟଣା କୋରାପୁଟ ଜିଲ୍ଲାର ବୋଇପାରିଗୁଡା ଥାନା ଅନ୍ତର୍ଗତ ଅଞ୍ଚଳରେ ହୋଇଛି। ଗୁପ୍ତେଶ୍ୱର ପାଖରେ ଥିବା ଡେକରୀ ଘାଟିରେ ଭୋର ୫ଟାରେ ବସ୍ଟି ଓଲଟି ପଡିଥିଲା। ଏହି ବସଟି କଟକ ନିଆଳିରୁ ୫୦ ଜଣ ଶ୍ରଦ୍ଧାଳୁଙ୍କୁ ନେଇ ଗୁପ୍ତେଶ୍ୱର ଯିବା ସମୟରେ ଏଭଳି ଅଘଟଣ ଘଟିଛି।
