ଭୟାନକ ସୌର ତୋଫାନର ସାମ୍ନା କରିବ ଆଦିତ୍ୟ L1, video ଜାରି କରି ନାସା କରାଇଲା ସତର୍କ
Advertisement
ନୂଆଦିଲ୍ଲୀ:ଭାରତର ସୂର୍ଯ୍ୟ ମିଶନ ଆଦିତ୍ୟ ଏଲ୍ ୧ ପୃଥିବୀର କକ୍ଷରୁ ବାହାରି ଏଲ ୧ ପଏଣ୍ଟ ଆଡକୁ ଅଗ୍ରସର ହୋଇସାରିଛି । ଏହାରି ମଧ୍ୟରେ ନାସା ଏକ ଭିଡିଓ ଜାରି କରି ଆଦିତ୍ୟ ଏଲ୍ ୧ କୁ ଏକ ବଡ ବିପଦ ବିଷୟରେ ସତର୍କ କରାଇ ଦେଇଛି । ନାସା କହିଛି ଗତ ବର୍ଷ ଏହାର ସୂର୍ଯ୍ୟ ମିଶନ ‘ପାର୍କର ସୋଲାର ପ୍ରୋଭ୍’ ସୂର୍ଯ୍ୟଙ୍କ ସିଏମଇ ଅର୍ଥାତ୍ କୋରୋନଲ ମାସ୍ ଇଞ୍ଜେକସନ୍ ସହ ସାମ୍ନାସାମ୍ନି ହୋଇଥିଲା । କିନ୍ତୁ ଏହା କୌଣସି ପ୍ରକାରେ ରକ୍ଷା ପାଇଯାଇଥିଲା ।
ଏପରି କ୍ଷେତ୍ରରେ ଏବେ ଏହି ପ୍ରଶ୍ନ ଉଠୁଛି ଯେ, ଆଦିତ୍ୟ ଏଲ ୧କୁ ବି ଏହି ସମସ୍ୟାର ସାମ୍ନା କରିବାକୁ ପଡିପାରେ । ଯଦି ଏପରି ଘଟିଲା ତେବେ ଏହା ନିଜକୁ ରକ୍ଷା କରିପାରିବ କି ନା ସେ ନେଇ ପ୍ରଶ୍ନ ଉଠିଛି ।
ନାସା ଏହାର ଏକ ବ୍ଲଗରେ କହିଛି ୫ ସେପ୍ଟେମ୍ବର ୨୦୨୨ରେ ପାର୍କର ସୋଲାର ପ୍ରୋଭ୍ ଏକ ଶକ୍ତିଶାଳୀ ସିଏମଇ ସହ ପିଟିହୋଇଥିଲା । ଏହି ସିଏମଇ ଗୋଟିଏ ପଟେ ଧୂମକେତୁ କିମ୍ବା କ୍ଷୁଦ୍ର ଗ୍ରହର ଡଷ୍ଟ ପାର୍ଟିକିଲ ହୋଇଥାଏ ଯାହା ସହ ସୌରଶକ୍ତି ସାମ୍ନାସାମ୍ନି ହେବା ପରେ ଏହା ଭୟାନକ ହୋଇଯାଇଥାଏ । ନାସା କହିଛି ପୂର୍ବରୁ ଏହି ସିଏମଇ ଠାରୁ କୌଣସି ଯାନ ରକ୍ଷା ପାଇପାରି ନାହିଁ । ଏହା ପ୍ଲାଜମା ଓ ଚୁମ୍ବକୀୟ କ୍ଷେତ୍ରର ବାଦଲ ହୋଇଥାଏ ଯାହା ସୂର୍ଯ୍ୟଙ୍କ ଠାରୁ ହିଁ ବାହାରିଥାଏ । ଏହି ସୌର ତୋଫାନ ବହୁତ ଭୟାନକ ହୋଇଥାଏ । ଏହା ଯାନର ନାଭିଗେସନ ସିଷ୍ଟମକୁ ଅକାମୀ କରି ଦେଇଥାଏ । ନାସା କହିଛି ଆଦିତ୍ୟ ଏଲ ୧କୁ ବି ଏହି ସୌର ତୋଫାନର ସାମ୍ନା କରିବାକୁ ପଡିପାରେ ।
Another first! Our Parker Solar Probe flew through an eruption from the Sun, and saw it “vacuuming up” space dust left over from the formation of the solar system. It's giving @NASASun scientists a better look at space weather and its potential effects on Earth.… pic.twitter.com/AcwLXOlI6m
— NASA (@NASA) September 18, 2023
ତେବେ ନାସାର ପାର୍କର ସୋଲାର ପ୍ରୋଭ୍ ଓ ଇସ୍ରୋର ଏଲ୍ ୧ ମଧ୍ୟରେ ବହୁତ ଫରକ ରହିଛି । ସୋଲାର ପ୍ରୋଭ ସୂର୍ଯ୍ୟଙ୍କ ବହୁତ ନିକଟକୁ ଯିବାର ଥିବା ବେଳେ ଆଦିତ୍ୟ ଏଲ ୧ ପୃଥିବୀ ଠାରୁ ୧୫ ଲକ୍ଷ କିଲୋମିଟର ଦୂର ଅର୍ଥାତ୍ ସୂର୍ଯ୍ୟ ଠାରୁ ବହୁ ଦୂରରେ ରହି ଅଧ୍ୟୟନ କରିବ ।